لايك قبل تقرو😉😘
...
..
.
... ثاني يوم ..
انا : نضت الصبح وانا مقرره انه خلااااص بالنسبه لبيرم باب و تسكر حطيته ف القائمه ضمن الأشخاص السيئوون اللي تعرفت عليهم ف حياتي حسيت روحي بردة من ناحيته لبكاء اللي بكيته امبارح تقول دموعه غسلنه من قلبي وانتزع منه
انا : صباح الخير
سلمى كيف نايضه : صباح النور .. شني تريحتي ف النومه امبارح
انا واقفه بحدا السرير : اها .. شفت لسلمى قتلها .. سيبنا انا و بيرم
سلمى رفعت روحها : كداااابه
انا عيوني دمعن : والله
سلمى زغرتت : لولولولولي
انا بصدمه ف سلمى : من جدك خيرك تزغرتي
سلمى : هك احسن اصلا حسيته مش ليك غير ما بيتش نقولهالك قبل حسيتك حبيتيه .. وعصبي هلبااا ف سلامته وانتي هاديه يا أختي
انا : قعمزة ع حاشية السرير وانا نطربق ف صوابعي ... امم نصيب
سلمى : وعلاش سيبتو
انا : هه قال لينا قريب عام نجرو ع لوراق ومش مسهله شكله مافيش نصيب غير احني نكابرو
سلمى : ع اساس احني اللي كتبنا طول ماه قعدنا اكثر منكم وبعدين اهو قتله ع صاحب المزين وقالي جيبيلي لوراق حتي المأذون عليه وبلاش
انا شفتلها : تعرفي سلمى بابا خليل هوا اللي حببني ف التوانسه وتوقعتهم كلهم كيفه صح نحب بيرم لكنه ما يتقارنش براجلك ربي يحفظه لك
سلمى ابتسمت بفرحه : تسلمي حبيبتي ان شاءالله ربي يعوضك بخير حتي انتي ويخليلي رويجلي
انا : ان شاءالله .. وحتى قتله ع الراجل سكرها قال لا غير اقول هكي ولما نجيبوله لوراق اطلع فيهن ستين ورقه ناقصه فلذلك نقصوها وخلاص
سلمى : هوا يتسبل كان احبك يصبر ويجري حتي سنتين واكثر مش سنه
انا : هه جت عليه يعني ماه كلهم يصدمو فيا ف الاخير ويطلعو كلهم شله وحده اشخاص سيئوون ربي اطيحهم كان فيا
سلمى جت بجنبي وحظنتني : ان شاءالله ربي يعوضك خير حبيبتي وما تزعليش روحك والله الف واحد يتمناك
انا : كأني كنت نستنى فيه الحضن لفيت ايديا عليها وقعدة نبكي .. بس والله حبيته بكل عيوبه علاش ماصبرش ولا خلانا نجربو مع الراجل هذا شن بيصير يعني والله حاسه قلبي يوووجع فيا💔
سلمى : نزلت دمعتها و طبطبت عليا .. كله يفوت حبيبتي .. رفعتلي راسي وباستني ع جبهتي .. عارفه انك بنتي واني نحبك هلبااا
أنت تقرأ
أشخاص سيؤون
Детектив / Триллерقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
