لايك قبل تقري😉😘
صباحيه مباركه ❤
نضت الساعه11 متهستكه وجسمي مكسر مالقيتاش بجنبي تكسلت الله يسامحك ياخالد شكله مش سامع ع حاجه اسمها رومانسيه بكل عليك همجي لميت شعري وخشيت دوشت .. طلعت لبست روب وردي هاادي طويل و لبست امتع الصلاه وصليت الصبح انا كملت وهوا خش ..
خالد : جايب الفطور لقيتها كيف مكمله صلاه صباحيه مباركه ياعروس وبستها
انا ابتسمت : صباح الورد حبيبي وين كنت
خالد : خطر عليا بريوش سخون باللوز
انا : الله الله نموووت فيه البريوش حطه مابين درة قهوه وشاهي
خالد : علاش الشاهي
انا : هه ليا ضروري مع لفطور شاهي وحليب وبعدين طاستين تلاته شاهي بروحه بعد لفطور
خالد ضحك : ههه علاش هذا كله تخزني فيه امالا غير خليه خفيف باش ماضركش
انا ضحكت : هههه نحبه شن بندير اصلا حتي نا نحبه خفيف ومشيت ندير ف الفطور ..
•
••
•••
ف حوشنا ....
بنت خالتي نفسها البارده هذيكا اللي ماشي ماشيه معاه😂😂اسمها ميس : سلمي امتي بنمشو لسحر
سلمي : اكيد بعد العصر
ميس : علاش بعد العصر نمشو بكري شوي
سلمي شبحتلها ع جنب : وعلاش بنفقعو عندها بعدين انتي من قالك عندك مكان
ميس بضحكه عرريضه😁 : حجزت مع حسونه من امس
سلمي : حسونه راه مش واخدينك له 😏
ميس : صف عمرك ع اساس انا اللي نبيه 😒
سلمي : تحشمي يامعفنه اكبر منك ..
خالتي : سلمي وتيتي الحاجات اللي بترفعوهم لختك
سلمي : ايه واتيات كلهن .. من بلبسها العربي
خالتي : تو نلبسها انا
سلمي : ديريلها حاجه قنينه عاد .خالتو قولي لامي راه تنسي الفجره
خالتي : قتلها عليها قالت واتيه ميس نوضي حركي روحك مع البنات وانتي النهار الكل داكه راسك ف هالتليفون
_____________💛رويات_هبوو💛__________
هدي : مانحسابكش بتمشي للاستراحه امبارح يا خالتي
لطيفه : مشيت ع خاطر امي قلت هيا نمشي نشوفها كيف
هدي : لكن ماشاءالله طلعت تهبل
لطيفه : حتي نا مانحسبهاش هكي حتي مكياجها خفيف حلو مش مهرج .. تعرفي باين عليها صغيره ربي يعينها ع خالد
هدي : ايه حتي امبارح لما طلعو اماليها نشوف فيها دمعت سخفتني
لطيفه : خاطري نعرف كيف يقنع فيهم هالبنيات ياخدهم صغار وقنينات وبنات بنوت وهوا راجل لخباط كبير وياخد واطلق ومش معقب شي
أنت تقرأ
أشخاص سيؤون
Mystery / Thrillerقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
