اشخاص سيئون
لايك قبل تقرو😉😘
المحامي شافلي : سحر خوك متافهم هوا و زوجك ع الشروط هذي
1 .. انك متنزله عن كل حقوقك الماديه
انا نشوفله وعيوني مدمعه وقلبي ينبض بقووووه وبسرررعه لدرجة قعدة نتنفس بصوت عالي ..
المحامي يشوفلي ومسخفته
2 .. انك متنازله عن حقك ف حضانة ولدك
انا :.😳😰😰
انس شافلي بإستغراب ورجع شاف للمحامي : كيف متنازله عن كل حقوقها حتي ولدها
المحامي كان يشوفلي لما كلمه انس شافله ورد عليه : يعني انتم مش عارفين بالشروط هذي
انا : نهز ف روحي من التوتر ونبكي لدرجة معادش شفت شي من كثر الدموع لين نشهق بالبكاء
المحامي سكر الملف وحطه ع الطاوله وقرب لأنس يحكي معاه بشويه : كلم خوك عطيني نكلمه
انس طلع فونه وهوا يشوفلي : اتصل بحمزه مايردش عاودله مافيش رد .. مايردش
المحامي : تعاالا نحكي شوي برا وخلي اختك هني ولا تقعمز برا ف الصاله
انا مازلت نبكي ونشوفلهم
انس قرب مني : خلاص اسكتي وانتي تبكي وهيا اطلعي قعمزي ف الصاله برا
انا مسحت دموعي وشفتله بعصبيه وطلعت😤
....
طلع المحامي هوا وانس يحكو ف الممر
المحامي : حرام كيف تتنازلو ع حق اختكم هذي ابسط حقوقها لو خايفين ماتربحش الحكم والله بإذن تربح وانا معاكم واسأل عليا
انس : لا والله مش هكي قتلك حتي احني والله كيف سمعنا بيهم
المحامي : ماتظلموهاش اختكم هذا حقها راه ياسيدي حتي بتتنازلو عن حقوقها الماديه براحتكم لكن ولدها حرام .. عمره 3سنين هوا
انس : عامين ونص
المحامي : لاحول ولاقوة الابالله هذا تبو تحرموه من امه .. وين هوا توا معاها
انس : لا ليه يومين عند بوه
وقفت عليهم محاميه خالد : السلام عليكم
هما : وعليكم السلام
المحاميه : شني عبد السلام لقيته الملف حطيتهولك ف القجر من امس
المحامي : اها شفته توا كنت نشوف فيه .. وين وكيلك جاء
المحاميه : اهو جاي .. ممكن دقيقه عبدو
المحامي شاف لأنس : بالله عليك احكي مع خوك وشوفه حرام ماتظلموش اختكم وانا نوقف معاكم للاخر
انس طلع هاتفه ويتصل : تمام بارك الله فيك
المحامي : نستأذنك شوي ونرجعلك
أنت تقرأ
أشخاص سيؤون
Mystery / Thrillerقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
