أشخاص سيؤون

اشخاص سيوؤن حلقه16

👍 لايك قبل تقري 😘😘..
•
••
•••

خالد : ابتسملي شن الجو

انا تحشمت ولفيت راسي للروشن : تمام  ..
واحني ماشيين ف الطريق وهوا قعد لاهي ف الطريق ومره مره يلوحلي ف نظرات من المرايه مايبيش حسونه يلاحظ ..
نشوف للروشن وحطيت يدي ع الكرسي الي جنبي جت يدي ع ورقه شفتلها وخديتها لقيتها شهادة ميلاد امتع خالد ابتسمت قعدة نقراء ف اسمه ومنطقته وجيت ف عمره اختفت ابتسامتي فتحت عيوني ع وسع وسعهم 😳😳 وقعدة نتنفس بسرعه وخوف نشوف ف مواليده لا ياربي لقيته مواليد 70 😰 جتني صدمة عمري لالا اكيد ف غلط ف الموضوع اكيد ناسيين الكركوبه الثانيه امتع التمانيه 8 ولا ناسين الخط امتع السته 6 ولا اي شي المهم مش السبعين قلبي قعد ينبض بالقووووه حسيتهم سمعوه وعيوني تعبو دموع ويديا قعدو يرجفو حسيت بيه ضعف السرعه ورقا فوق سالطو شفت للروشن لقيته مدخل المشفي رجعت الورقه وانا الف سوأل ف عقلي كيف ؟ وعلاش؟وشن الغايه انه يكذب عليا اااه يا حظي ..

تجنبت نشوفله باش ماتجيش عيني ف عينه كنت حاسه انه يشوفلي ..

خالد : حس انه سحر تغيرة فجاءه ماعرفش علاش .. يشوف فيها مطبسه لكن ماعرفش شن ف يدها وماقدرش يتلفت باش يشوف كويس نسى شهادة الميلاد مره وحده .. هيا انزلي

انا : كنت سااهيه حتي لما وقف السياره ماحسيتش بيه ..

حسن : سحرر هيا

انا : اه ننزل

حسن : لالا تو نجيبولك المختبر هني انزلي امالا شني

خالد : يشوفلي وساكت حس ان ف شي

انا : نزلت رجل قدام ورجل إلتالي مش عارفه روحي شن نبي علاش كذب عليا .. ياارب أنِر بصِيرتي .. خشينا درنا تحليل وطلعنا وانا قعده لاصقه غير ف حسن خويا كأني خايفه منه

خالد : تبي شي من برا

انا : نشوف للروشن والدموع ف عيوني لالا .. كل اللي ف بالي اني بنروح ونقوللهم وقفو العرس خلااص معادش نبي

                  ::؛؛؛؛؛؛؛؛؛؛::؛؛؛؛؛؛؛؛؛؛؛؛::؛؛؛؛؛؛؛؛؛؛؛؛؛؛؛::

هيثم : جداي بديرو غداء ولا عشاء لخميس

عمتي برنيه : قال يبيه غداء باش يمشي يجيبها بكري الدنيا معادش اطمن

هيثم : لطوفه اهي جاايتك وحده تونسك

لطيفه : لا تنوسني لا نونسها غير تشد راجلها وتنوسه هوا ساد

هيثم : ههه خيرك فاصله

لطيفه : شن رايك انت غير يهني روحه ويشد حوشه تي هوا يجي من الجمعه للجمعه تبيه يجيب مرته

هيثم : مازلتي متعاركه معاه

لطيفه : لقيت راحتي هكي

جازيه : وانتي امتي عرسك ان شاءالله