اشخاص سيئون
لايك قبل تقرو😉😘...
سلمى : كلمتي هدي بنت حماتك امبارح كلماتك وانتي راقده
انا : اها وخيرك ماقتيليش ولا نوضتيني
سلمى : نسيت بكل ونحسابك شفتي تليفون امي
انا نضت ناخد ف فون امي من الرف : لالا ما شفتاش كان هذا كلمتها .. وقعدة نتصل بيها ماردتش عاودتلها ردة ونسمع ف دوشه جنبها وعياط .. هدي
هدى تبكي : سحر زياد مات يا سحر ماات قتلاته مرته الله لاتسامحها حسبي الله ونعم الوكيل حسبي الله ونعم الوكيل فيها هيا وخوتها قتلووه وتبكي
انا نصددمت و دموعي نزلو طول : لالا تبصري تبصري صح هدى وين امك عطيني نكلمها
هدى تبكي : والله يا سحر مااات قتلووه ولاد لحرام و امي رفعوها للمستشفي
انا من الصدمه : سكرة عليها وقعدة نبكي💔😭
سلمى : لما شافتني نبكي ونسأل ف هدى نخلعت و جت بحدايا اول ماسكرت .. خيرك بسم الله شن ف حمودا فيه حاجه
انا حاطه ايديا ع وجهي ونبكي : زياد .. زياد توفا
سلمى : بصدمه لاحول ولاقوة الا بالله خو هدى وهيثم
انا نهز ف راسي ونبكي
سلمى حضنتني : الله يرحمه ويغفرله
انا زدة حضنتها ونبكي : والله مايستاهل مسكين عارفه والله احسن واحد ف صغار حمواتي الكل وع روحه وديما يسأل عليا
سلمى دمعتها نزلت : هذا عمره الله غالب
امي لما سمعت صوتي نبكي جتني : خيركم بسم الله شن ف
سلمى : زياده ولا حماتها توفا
امي : لاحول ولاقوة الا بالله .. هذا اللي يخدم ف المطار
سلمى : هوا ايه
امي : الله يرحمه ويغفرله مسكين خيره مات
انا نمسح ف دموعي : قالت مرته قتلاته ولا خوتها مافهمتش
امي وسلمى بصدمه : مررته؟..
انا وقفت قدام امي : امي بالله عليك نبي نمشي نعزي جازيه بالله عليك يُمي خلينا نمشو
امي حضنتني : اكيد نمشو امالا شني هذي موت وهما شن بينك بينهم الا العشره الطيبه
انا مازالو دموعي ينزلو : به امي كلمي واحد من لولاد يرفعنا
امي : وتو رواحكم مابين كلمت حسن وشافت لسلمى خلي صغار كان هذا حتي مع انس
سلمى وهيا اطلع ف عبايتها : ايه عادي هما توا راقدين مش رح يتعبوه
امي : به امالا خلي نقوللهم ...
....
...
..
.
#ف_العزاء⛺
أنت تقرأ
أشخاص سيؤون
Mystery / Thrillerقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
