أشخاص سيؤون

حلقه36

اشخاص سيوؤن_

لايك قبل تقرو😉😘

انا : واقفه ف الكوجينه نغسل ف الماعون خش قُصي

قُصي : سحر ترا تعالي شوي

انا : استغربت فيه شن يبي فيا .. هاني جيتك .. غسلت ايديا وطلعتله لقيته واقف ف الجنان ويدخن .. ها قُصي

قُصي تلفتلي ولوح الدخان : قتلك كان ف فلوس ف حوشك وكلاشن انتي خديتيهن

انا : استغربت ف قُصي شن عرفه بيهم .. اها لفلوس خديتهن وسلاح حطيته تحت السرير .. من قالك عليهن !!..

قُصي : اها به كويس .. به امالا هوينا خالد روح ف الحوش

انا نصدمت😳 : طووول جاء ف بالي لفلوس اللي لاعبه فيهن اللي قاعد منهن 45 دينار بس .. جاك الموت يا تارك الصلاه🤦‍♀️ .. ارجعت لعقلي الله به الحمدلله امتي طلع . وكيف من طلعه

قُصي ضحك : ههه بشويه هذا كله فرحه .. اهو جاي اسأليه غير هوا قالي اسأل سحر ع الحاجات

انا بضكه مسطنعه : وف خاطري مش غير فرحانه بس قريب نزغرت ... مشي قُصي وخشيت لعمتي نخبر فيها

عمتي : الف الحمدلله وحضنتني الحمدلله ع سلامة مولا بيتك يا بنيتي ان شاءالله هذا حد السوء

انا : ان شاءالله يارب ..

حياة تضحك : الحمدلله ع سلامته .. اهو جاك راجلك

انا : ههه ايه الحمدلله .. خلي نمشي نجيب حمودا من البنات قبل مايجي .. مشيت نجيب ف حمودا وقلت للبنات ع عمهن .. هاني ماشيه الحقن انتن

لبنات : هانا جايين وراك

ايه : انا بنمشي مع سحر

انا : طلعت انا وايه وحمودا راجعين لحوش عمي نشوف ف سيارة خالد قدام الحوش .. لما شفتها قلبي رعش مش عارفه علاش لكن حسيت بحاجه باارده دخلت ف قلبي

ايه شافتلي : هييي سيارة عمي ومشت تجري

انا : درة روحي بنجري ولا ع الاقل نسرع شوي ماقدرتش نحس ف روحي تقول من يدف فيا دفان .. وصلت لحوش عمي نشوف ف خالد مطبس يحضن ف ايه وعمتي وسلفاتي وخوته بجنبه ..

انا : خشيت و وقفت وراه سلام

خالد تلفتلي وف عينه لمعه : عليكم السلام وسلم عليا بالحضنه

انا : اول ماتلفتلي شفت ف عينيه لمعه ماشفتهاش حتي لما كنا عرسان .. لمعه تحكي هلباا حاجات رياف .. شوق .. حب .. ندم .. وزاد اكدلي لما حضني .. الحمدلله ع السلامه

خالد عيونه مدمعه : الله يسلمك خدا مني حمودا وقعد يحضن فيه ودموعه ينزلو

كلنا سخفنا الموقف وانا دموعي نزلو بروحهم .. طلع خالد وخوته للمربوعه وقعدنا حني ف الصاله نهدرزو