لايك قبل تقرو😉😘
...
..
.
#بعد_اسبوع......
بعد ما كلمت خالد ع حميده طول قبلها وبدت تخدم معاهم وتقولي ف الاخبار اول بأول🤭.. بغض النظر ع انها توصلي ف الاخبار بس بجد بنت خدومه ولتوا مافيش حاجه غريبه صارت بين خالد وحنان ... سلمى من لما عرست مارينالها وجهه شكلها ماصدقت حتي نكلموها تقول لراجلها يجبها وهيا شي دايره الحوله 🥴😂😂 .. حمزه جاب مرته وجاء قعد معانا عطيناه دار لين انظم اموره ....
نجوى مرة حمزه : هاتي نطيب عليك يا خالتي
أمي تغسل ف الخضره : لالا عادي تريحي .. وين مشو هالصغار
نجوى قعمزة ع الكرسي : يتفرجو . ماشاءالله عليهم هاديين
امي : الحمدلله .. لكن مرات ينوضو عليهم هبالهم يخافو كان من حمزه
نجوى ابتسمت : حمودا ما يجيش
امي : حمودا مخليه بوه زي هلال العيد اجيبه مره بعد قدااش وحتي تكلمه امه ما يردش وكان رد ادرهلها كبدها .. قعدة تكلم فيه ع هاتف جداه مره مره وخلاص
نجوى : لاحول ولاقوة الابالله خيره مهبول
امي : مازال طامع يبي اردها
نجوى : هذا اللي ناقص .. و مرته تعامل ف حمودا باهي
امي : هوا ديما مع بوه علمه كان التنسريف ويعلم فيه حتي يسوق ومدلعه لين مفسده
نجوى : يعلم فيه يسوق من توا .. كم عمره هوا
امي : 5 سنين بالك
نجوى شهقت : هيييي يبي يقتله هذا
امي : شن بديري هي و كان كلموه يقول ما نبيش نقصر ع ولدي شي .. يحساب التقصير كان ف هالحاجات
نجوى : من كثر ما فرحان بيه مش عارف شن اديرله .. هوا ماعنداش صغار من نساوينه لولات
امي : لالا النصيب ماجاب كان من بنيتي باش يقعد ديما ف رابط بيناتهم
نجوى : ان شااءلله اجيب من مراته هذي و يرخي حمودا لأمه حتي شوي
امي : ان شاءالله ياارب
حمزه خش للكوجينه : السلام عليكم
هما : عليكم السلام
نجوى شافتله وابتسمت
امي : خش قعمز
حمزه جبد كرسي وقعمز : خيرك ما طيبيش انتي
امي : انا قتلها تو نطيب
نجوى شافتله وكشرة
حمزه ابتسم وقرصها ف يدها : شكلها ما تعرفش اطيب يُما وغمزلها
نجوى فنصت فيه وضحكت
امي : حق يا نجوى
نجوى : قتلك هاتي نطيب يا خالتي باش تصدقو اني نعرف انطيب
أنت تقرأ
أشخاص سيؤون
Misterio / Suspensoقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
