لايك_قبل تقرو😉😘
...
..
.
#بعد_اسبوعين.....
فاتو اسبوعين بين حب و خوف من شن بيصير معانا ... امل و الم من الجاي ياترا رح تتسهل ولا رح تتعسر ... زدة حبيته وتحبيت منه .. بيرم الفتره هذي كان زي ظلي ما نكدبش لو قلت انه حافظ اوقاتي اكثر مني .. اول ما نطلع من الخدمه باش نروح ويحطني الباص ع الطريق نلقاه قدامي يستنى فيا الشي هذا زاد حببني فيه يمكن لو وحده غيري كانت فدة وحسبتها شي ثاني بس انا كان افرح فيا وبهتمامه الزايد .. ماكنش عندي شي نخاف منه انه يشوفه او يعرفه عليا بالعكس كنت معاه كتاب مفتوح .. وهوا هذا الشي اللي حبه فيا ....
" أحب من يحبني 'ولكني اعشق من يهتم بي💕 "
..
انا : بعد تفكير وصلاة استخاره قررت اني نسيب الخدمه بس ما قلتش لبيرم اني باش نسيب قعده نحرقله ف اعصابه اكثر ما هي محروقه 🤭😁
بيرم : غدوا اخر يوم
انا بستغباء : لشني🤔
بيرم : لشني ؟. امم شي
انا : خيرك حبي تحكي بالألغاز
بيرم : شي شي لما يجي غدوا نقولك
انا : براحتك حبيبي
بيرم : حبيبك؟..
انا : خيرك اليوم نحس فيك ابصر كيف
بيرم : بري ارقدي غدوا ساهل
انا شاده ضحكتي بالسيف : توزع فيا
بيرم : ايه نوزع فيك و ما عنديش نيه نحكي تمام هكي
انا درة روحي زعلانه : اوكي تصبح ع خير .. سكرة عليه وقعدة نضحك
سلمى : ضحكينا معاك
انا شفتلها : امتي خشيتي
سلمى : لا انتي رسمي هايمه .. ان شاءالله ديما فرحانه يا وخيتي
انا : ان شاءالله حبيبتي ويفرحك حتي انتي .. قتلك قعده نحرق ف اعصاب بيرم ما قتلاش اني باش نسيب غدوا
سلمى ضحكت : ههه وعاد هوا هبل
انا : قالي غدوا اخر يوم وانا درة روحي مش فاهمه شي تكنطا قالي سكري ماعنديش نيه نحكي ههههههه
سلمى : وانتي علاش تحرقيله ف اعصابه
انا : هكي محلااه لما يتعصب
سلمى : حسيته عصبي هلباا
انا : اها لكن قلبه طيب هلبااا وما يخليش فيا زعلانه
سلمى : ان شاءالله ربي يفرحكم ببعض
انا : ان شاءالله حبيبتي .. ماجاش بابا خليل جعت
سلمى : انتي مش حاسه بحد بكل .. جاء من بكري وحطيت حتي العشاء جايه بنقولك تعالي تعشي قعدنا نهدرزو
أنت تقرأ
أشخاص سيؤون
Mystery / Thrillerقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
