لايك قبل تقرو😉😘
......ثاني يوم ....
رنا : قتلك
انا نبربش ف فوني : ها
رنا : اليوم نطلعو بكري شوي نمشو للمصنع اللي برا
انا رفعت راسي وشفتلها : علاش
رنا تتكلم بشويه : نشوفو الراتب شني
انا : فكيني يا رنا كان بتمشي بري بروحك والله بعد كشفة امس ماعنديش وجهه نقابله تراهو قال عليا كذابه🤦♀️
رنا : يا مهبوله مرات تشد معاك فيه راجل إهبل وصاحب مصنع وين تلقيه وكانك ع الكذبه ساهل تو انا نتصرف يا ستي
انا قعدة نشوفلها وساكته
المشرفه خبطتني ع ظهري : وين سارحه
انا شفتلها وابتسمت : شي
رنا : عفاف بنطلعو بكري اليوم
المشرفه : وين ماشيات وانتن النهار الكل تنسرفن
انا : دنا غلباااانه هذي رنا ضالتني
المشرفه : وانتي اتبعي وخلاص
انا ضحكت : الله غالب ماباليد حيله وشفت لرنا وغمزتلها
رنا ضحكت وفنصت امتع اسس🤫
المشرفه : وين ماشيات
رنا : الباص قال بيرفع مرته لماليها وبيتعشو غادي ييجي يروح بينا قبل ما يمشي
المشرفه بعدم تصديق : امممم باهي .. وشافتلي شني ما كلمكش خالد
انا : ايييه ما دكريني بالله امبارح كلمني وقعدة نحكيلها ف اللي صار
المشرفه : اهاااا وانا نقول علاش سمبل يسأل عليك اتاريه هوا باعته
انا شفتلها : من سمبل هذا
المشرفه : اللي واقف جنبي امس
انا : اهااا وانا نقول خيره يشوفلي هلبااا ..
المشرفه : يالله فوتي كان كلمك ولا شن قالك ماتعدليش عليه
انا : هذا اللي بيصير وقعدنا نخدمو ....
.......
خالد مصنع : شن قاتلك عليها عفاف
سمبل : قعدة تشكر فيها قالت ماليهاش كتير تخدم معاهم
خالد مصنع : مش عارف علاش جو ع اساس ما يخدموش ويدور ف خدمه ف إن في الموضوع
سمبل : بقولك ايه ما تظلمهاش يمكن مش مستريحين هناك ولا المعاش مش اوي وانت عارف المدام دي وحده كحته اوي
خالد مصنع ضحك : ههه والله انت الصادق يالله يا خبر اليوم بالفلوس بكرا يبقى بلاش . تو نكلمها بعدين
أنت تقرأ
أشخاص سيؤون
Misterio / Suspensoقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
