لايك قبل تقرو😉😘
انا : ميوستي حبيبتي
ميس : اهليين هاتي اللي عندك اكيد مش متصله ع سواد عيوني
انا ضحكت : هههه ديما فاهمتني .. المهم بالله عليك ميوسه نبيك تشوفيلي اميلي امتي اخر ظهور
ميس : علاش
انا : اميلي تسكر بروحه مش عارفه خيره
ميس : الله .. خليك ع الخط جابت فون امها وفتحت نت وخشت ع اميلي شافاته .. اخر ظهور منذ 3 دقايق
انا انصدمت : معناته توا يعني الشخص اللي واخده يعرفني ويبي يفتشه .. تمام ميس صحيتي حبيبتي
ميس : ولا يهمك حبيبتي تو نبعتلك ع اميلك ع اساس نسأل عليك وكان حد رد عليا نقولك
انا : تمام شن يصير قوليلي .. سكرة منها وانا نفكر ف شكون اللي ممكن يدير هكي وعلاش حتي معاد قال مافتحاش زعما شكون🤔.....
..
..
.
.
سلمى : شن صار معقوله لتوا مالقيتش محامي ولا شيخ يكتبلنا
خليل : قدامك ياعيوني حتي اللي نلقاه ويطلب اوراق وكل مره يقول لا مش هذي لا جيب هذيكا ماعرفتش شنعمل
سلمى : ان شاءالله خير تو نسأل جارتنا بلكي عندها شكون شيخ ولا محامي
خليل : تمام حبيبتي انتي شوفي من جيهه وانا من جيهه لين ربي يسخر
سلمى : حاضر ياعيوني
خليل : شحوال لصغار .. يحبو شي ناقصهم شي
سلمى فرحت بسوأله حتي لو كان مش رح يجي يكفي انه تفكرهم وسأل عليهم لو شن ناقصهم ابتسمت وردة : تسلم ياعيوني خوالهم مش مقصرين
خليل : علاش ماخدمتيش عليهم
سلمى : خوتي مايبوناش نخدمو .. قال شو شن ناقصهم هما🙄
خليلة: خوتك ولا لا ربي يهديهم وخلاص
سلمى : ان شاءالله .. استاحشتك حبيبي
خليل : حتي نا زاده ياعيوني ..وقعدو يهدرزو
........
.....
إناس : مش عارفه علاش كل ماترفع حمودا عند امه تقولي بري لماليك مانخدش راحتي معاك بكل وحتي لما يبدا هني ترقد معاه
خالد : اياااه ع امها بدينا ف النقان . شن تبي انتي توا متصله
إناس : نبي نروح علاش مخليني هني تلات ايام
خالد : قتلك عندك خدمه
إناس : خالد باش تقعد تتهرب ديما علاش واخدني امالا غير ع خاطر ولد
خالد : ياستي واخدك ع خاطر ولدي عجبك باهي ما عجبكش اقعدي ف حوشكم
إناس تتلسن : لا مش قصدي حبيبي لكن حتي نا نبي حصتي فيك وبما انه هوا عنده امه ناخدو راحتنا
أنت تقرأ
أشخاص سيؤون
Mystère / Thrillerقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
