أشخاص سيؤون

اشخاص.سيوؤن.حلقه.22

لايك قبل تقرا😉😘

خالد : هوا مروح من السوق اتصل بإ بتسام .. مازلتي راقد

ابتسام : لالا نايضه غير قعده ف مكاني

خالد : به صحه النوم .. قتلك ماتعطليش ف الحوش لاني فايت عليها توا باش نروح بيها

ابتسام تلوي ف فمها : اممم باهي تو نبدل ونطلع

خالد : خليها الدنيا حايسه لانها تركز هلبا المهم ماتخليش حاجه ليك و لوحي هذاكا بس ..

ابتسام : ناقص غير نضملها .. وانت اللي يسمعك يقول خايف ع مشاعرها .. وسكرة منه وناضت حطت تحت لبساط حاجه وخشت لدار النوم وجت بجنب السرير تحت الطاوله ولوحت ملابسها الداخليه ..
ابتسام وهيا واقفه وتشوف للحاجات اللي حطتهم وتضحك بخبث :: ههه كيف بدينا ف اللعب يا حلوه والخير لقدام . وغيرة حوايجها وخلت الدنيا حايسه ع حالها وطلعت ..

•
••
•••
••••

جاني خالد روحنا .. رفعني لحوش عمتي ..

انا : نبي نروح للحوش وتو نجي حتى لعشيه

خالد : انزلي توا عندي مشوار بعدين تو نجيك

انا تنرفزت : به ماتعطلش ونزلت من السياره وانا متنرفزه ونعارك بروحي  دراه كبد بوجهه هذا فاش فالح وانا نتعارك معاه بروحي خبطت ف هيثم طالع من الحوش .. بسم الله

هيثم : ههه خيرك تتعاركي مع ذبان وجهك

انا : اه هيثم شن الجو

هيثم : تمام خيرك فاصله بروحك .. وين هذا غير بتكلميني برقمك الجديد

انا : والله انسيت بكل وقعدة لاهيه مع اختي  التليفون ماندورش فيه الاكان حد كلمني نرد عليه بس .. معليش

هيثم : وانا نتصل نلقا فيك مقفل .. ماقلتيش خيرك متعاركه مع خالد شكلك

انا : اهو دراه كبد و خلاص .. وين امك والبنات شخبارهم

هيثم : قعدين قالو بعدين بيجو هني .. به امالا نستأذنك ورني من رقمك الجديد

انا : تمام مرات بعد الغداء نكلمك تروح بيا

هيثم : ميه ميه نتلاقو امالا .. وطلع ركب سيارته ومشي

انا : خشيت للحوش لقيت لطيفه ادير ف الغداء .. صباح الخير ..

لطيفه كانت تحرك ف الطنجره تلفتلي : صباح الورد جيتي

انا : اها هذي الجيه شن دايرين

لطيفه : تمام .. شخبار سلمى وامك اليوم

انا : الحمدلله سلمك وتلفتت ورايا امالا وين عمتي

لطيفه : تغسل ف يديها تفطر ف الشياه .. تعالي نهدرزو برا ..

طلعنا للصاله نهدرزو و جت عمتي قعمزة معانا ...