لايك قبل تقرو😉😘
انا : مازلت نضحك فوني رن لقيته رقم مارديتش
نجوى : من
انا : رقم غريب .. عاود مره تانيه رديت .. الو
:........
انا : شن تبي و منين جبت رقمي اصلا 🤨
قروب رويات
:.......
انا : بالله عليك اخطاني معادش تتصل .. وسكرت عليه وانا ننفخ
نجوى : من
انا : واحد دراه كبد
نجوى : ما تخافيش مش قايله لحمزه راه وضحكت ههه
انا شفتلها وابتسمت ع جنب : بالله قوليله بلكي يمشي يخربله وجهه
نجوى : جبتيلي الفضول عليه خطيبك امالا
انا : لالا هذا ولد حماتي قبل اسمه هيثم
نجوى : اها و خيره
انا : واحد دراه كبد ولصقه و لا يتحشم ولا يستحي
نجوى : امالا شن دايرلك
انا : ماعنده ما يدريلي لكنه حقير تعرفي شن قالي قبل
نجوى بإنتباه : شن قالك يختي
انا : قالي نحبك و حتي كان اطلقي ناخدك تخايلي مرة خاله و دار هكي امالا البراني شن بيدير
نجوى بصدمه : كدااابه 😳 .. الحقييير خزي عليه و ع وجهه كان خبرتي فيه الواطي
انا : نخبر فيه ونخرب بين الخوت ونطلع انا الفتانه ومرات يقلب عليا الطاوله نطلع انا ما ننفعش
نجوى : ايه صح عندك حق .. امالا شن بديري تو
انا : كان درهلي كبدي وعاود تو نخلي سلمى تكلمه تعطيه كلمتين ع راسه بالك يسترجل ويفوتني
نجوى : حتى هوا راي ....
....
..
.
...بعد يومين ....
سلمى : حبيبي نبي نخدم
خليل يتفرج ع التلفزه وشافلها : شن بتخدمي
سلمى : عندي خبره ف المزينات . يومتها نشوف ف مزين قريب ادور
خليل : مش مشكل حبيبتي شوفيها وكان تفاهمتو اخدمي
سلمى بفرحه : يعني عادي ياعيوني
خليل مبتسم : عادي علاش لا انا نخدم من الصباح لعند الليل وانتي تقعدي وحدك ع الاقل تخرجي تتفرهدي
سلمى : باسته بوسه طووويله خلخولتي الحلو انت
خليل يضحك : هههه مهبوله
سلمى قعمزة ف حجره : تعرف خلخولتي
خليل : شن خلخولتك هذي ما لقيتي ما ادعليني خليني خليل حاف احسن
أنت تقرأ
أشخاص سيؤون
Mystery / Thrillerقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
