لايك قبل تقرو😉😘 ....
••
••
••
•
•
سلمى : سحر اختي خيرك وهذا من اللي تكلمي فيه
انا نبكي بالعبره : قالك خالد
سلمى : امالا من بيقولي 😒 .. تكلمي من هذا
انا : منذر
سلمى : من جدك ياسحر شن خطره عليك باش تكلميه
انا : والله ماكلمته هوا كلمني .. هذاكا اليوم نجوى كلماته من فوني وشكله خزنه وتوا كلمني قعد يهدرز و قالي انتي عرستي و نجوى خداها خوك وانا خليتوني هكي إبصر عليا
سلمى : امالا شن قال خالد سمعك تقولي ف كلام حب ومش عارفه شني
انا بصدمه : هييي الكذاب حسبي الله ونعم الوكيل والله ماف منه هالكلام اصلا كيف كلمته .. حتي كان ليا ساعه نكلم فيه نقوله نحبك ماقلتهاش قبل بنقولها توا
سلمى بلوم : الله يسامحك ياسحر مالقيتي ماديري
انا : معادش عندي نيه نسمع لوم ولا نسمع اي شي وحسيت سلمى باش تزيدها عليا وتقعد ادرهلي ف كبدي نحيت التليفون من ودني من غير مانقوللها شي ولوحته ع الحيط ع طول يدي .....
سلمى : كانت تتكلم بعدين فجاءه فصل الخط بروحه .. عاودت اتصلت لقاته مقفل .. ان شاءالله خير .. خيرها سكراته ....
••
••
•
•
خالد : فات ع سعيد وخدا منه بوخه ومشي لحسن لما قريب يوصل كلمه .. ها حسن اطلعلي بحد الجامع
حسن : تمام هاني طالع وسكر منه ناض باش يطلع
حاتم : شني جاك
حسن : قالي اطلعلي بحدا الجامع
حاتم : المهم كيف ماقتلك شي إخص سحر كلمني
حسن : ان شاءالله .. هي سلام ... طلع لخالد بحدا الجامع وشوي و وصله ركب معاه .. ها خالد شن الجو
خالد منعنش ومسبوه : حسونه مش تمام يا حسونه
حسن : خيرك شن ف .. سحر فيها حاجه
خالد : اااه من سحر .. اللي انا فيه توا منها سمعتها تكلم ف واحد يا حسن وتقوله ف كلام حب
حسن بصدمه تلفتله : شنيي .. سحر ..
¿¿¿¿¿¿¿¿¿¿¿¿¿¿¿¿¿
انا : خليت التليفون ملوح وخشيت لداري رقدة ف سريري .. ضميت روحي وانا واجعتني روحي كأني بضمتي لروحي نخفف من وجعي 💔 ... وانا نفكر الكل جي ضدي حتي اختي صح انا غالطه ماننكرش الله يسامحك يا نجوى اللي كلمتيه من فوني اصلا كان هذا شن جابني ليه ناقصه هم اني .. ان شاءالله غير مايقولش لحمزه بس كله باهي .. قعدة نحكي من روحي نلوم ونعذر فيها نسب وندعي عليا ليين مش عارفه كيف غفيت ...
أنت تقرأ
أشخاص سيؤون
Mystery / Thrillerقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
