اشخاص..سيئون
لايك قبل تقرو😉😘
وانا طالعه من الكوجينه تلاقيت انا وخالد جت عيني ف عينه طبست راسي وفت بجنبه
خالد : الناس تسلم وتعيد
انا : فتت من غير مانردش عليك حسيت عليه واقف ويشوفلي بس انا مابيتش نتلفت خشيت للصاله قعمزة نهدرز معاهم
....
خالد : شني واتي الغداء
هدى : واتي خلاص كلم لولاد يجو يرفعو معاك
بنت عمهم : مبروك عليك يا خالد
خالد تخزرط مايبش سحر تسمع ع اساس😒 : ابتسم ابتسامه صفراء ورد .. الله يبارك فيك عقبالكم
بنت عمه : ان شاءالله ياارب
هدى : هاك يا خالي ارفع وكلم هيثم يجي
خالد : تمام خدا منها الصونيه وطلع لما فات من جنب الصاله قعد يمشي بشويه يشوف لسحر لقاها تهدرز ابتسم وكمل طريقه ..
......
....
...
..
.
معاد : طلع من حوشهم وهوا معصصب ومنرفز ركب سيارته قعد يدور لين لقاء روحه قدام البحر نزل من السياره واتكا ع الكوفنو ورفع راسه وتنهد ... اااه ياربي سهلها عليا وماضيعهاش مني بعد لقيتها ورجعنا يارب اهدي امي وتوافق اووف شن بنقوللها توا ياريتني حتي ماقتلهاش بنحكي معاهم اليوم استغفرالله ياربي وخلاص وقعد يشوف للبحر . يسمع ف صوت تلفت لقاه صاحبه
صاحبه : اوي تي وين نتصل بيك من بكري مأتردش
معاد : ماسمعتاش التليفون ف السياره .. شن تبي
صاحبه اتكا بجنبه : توزيعه هذي ولا شني
معاد نفخ : واااه عليوا بالله عليك ماتزيدهاش عليا مش ناقصك راه والله واصله حدها قول شن عندك كان هذا خليني نمشي
عليوا : اوووه شكله موضوع كبير . وغمزله شني شكله تاكها مع لكبيده
معاد : والله فاضي حتي انا اللي نحكي معاك ولف بيمشي
عليوا : تي خلاص تعالا هني هاني سكتت
معاد : مسح ع وجهه وهدا روحه شوي ورجع لمكانه يشوف للبحر .. سكر فمك وماتحكيش معايا مانبيش نسمع صوتك
عليوا ضحك : ههه باهي وانت هذا فاش فالح بس لما تروق حط ف باالك بتحكيلي
معاد هز راسه وسكت وهوا سارح ...
......
.....
....
...
سلمى تحكي ف الهاتف : تمام حبيبتي شخبارك انتي شن دايره وين عمتي شن حالها
اماني : الحمدلله كلهم بخير يسألو عليك .. شخبار الصغار استحشناهم لمعفنين
سلمى تقرص ف حسن😂 : الحمدلله اهم فيهم كان الشطانه
أنت تقرأ
أشخاص سيؤون
Mystery / Thrillerقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
