أشخاص سيؤون

اشخاص.سيوؤن.حلقه.24

لايك قبل تقرو😉😘

خالد : بعد حولت ابتسام راجلها من عليه ناض وهوا يدعدع ووقف ع السياره وهوا يمسح ف وجهه من الدم .. طلعتي يا🤬 عاجبك اللي درتيه علاش راد ع امها ومكلمتها ااه ماتعرفيش تسكري ام التليفون عليها لما تسمعي صوتها

المهدي : يدف ف ابتسام  ويتحلف ف خالد ويتحزز عليه سكر فمك يا🤬🤬

ابتسام : دفت راجلها بعيد وشافت لخالد باش تطلق لسانها عليه

خالد : لما ابتسام دفت المهدي جا بيتهجم عليها

ابتسام : شافت خالد وهوا جايها وبيضربها سحبت يدها من جنبها وضرباته بالموس😱😱😰 ...

•
••
•••

انا : قعدة نتفرج ع التلفزه ليين مليت حسيته تأخر هلبا وبديت ننعس خديت فوني لقيتها الساعه 12 . اتصلت بيه برضو مايردش قعدة ع اعصابي وين مشي .. مش عارفه علاش خطرت عليا ابتسام زعما مشالها🤔 لالا مش للدرجه هذي عااد قعدة شوي عاودت اتصلت بيه مقفل 😰 ..
زاد التوثر والخوف عندي حاسه ان ف شي صاير مش عارفه شكون بنكلم .. تفكرت ولد اخته يخدم ف بوابه قعدة ندور ف رقمه فالتليفون لين لقيته الحمدلله اتصلت بيه لقيته انتظار شوي وعاودلي

انا : اهلين احمد شن الجو

احمد : اهلين .. سحر ولا لا

انا : اها سحر

احمد مستغرب : ان شاءالله خير ف شي

انا : ماشفتش خالد نتصل بيه من بكري ف الاول مايردش بعدين مقفل

احمد : خالد بكري فات من هنايا قال ماشي لصاحبه لكن والله مش عارف روح ولالا لان انا طلعت من البوابه

انا بخوف : به مافيهاش كيف تسأل عليه

احمد : سكري تو نشوف الجماعه ونرد عليك

انا : تمام نستني فيك .. سكرت وقلبي ناخسني مانحبهاش النخسه هذي لان ديما يكون وراها شي .. حاجتين عندي مايخيبوش فيا احساسي ونيتي لما نحس بحاجه مش تمام وقلبي يقبض عليا نعرف انه ف حاجه باش تصير .. ونيتي لما حد نمشي معاه بيها وهوا يتخوبت معايا الحمدلله نيتي تاخده وانا عارفه انه حتي خالد لو هوا فعلا خبيث معايا رح يجي يوم وطيح فيه نيتي .. وانا ف وسط تفكيري ونريح ف روحي انه مافيش الا كل خير ان شاءالله اتصل بيا احمد رديت طول

انا : ها احمد شن صار

احمد : جماعتي روحو لكن كلمت واحد قالي ماشفناش وكان فات علينا تو نكلمك

انا ناكل ف ظوافري : ان شاءالله خير ياارب بالله سامحني يا احمد قلقلتك ف هالليل

احمد : عيب عاد شن هالكلام .. وين قعده انتي

انا : ف حوشي روح بيا هيثم

احمد : سكري ع روحك كويس وكان ف حاجه ولا خالد روح كلميني ساهر اني