_______________💛رويات_هبوو💛_____________
سلمي: سحوره تليفونك يرن من بكري راه
انا: اكيد خلودي هذا وشفت تليفوني لقيته رقم حسيته مش غريب عليا وقعدة مركزه فيه لين رن ف يدي نفس الرقم رديت عليه طول
انا: الو
ابتسام: اهلين
انا: تفضلي من معايا
ابتسام: انا مرت خالد خطيبك
انا:😳😳..شنيي
ابتسام: قتلك انا مرت خالد وهوا كاذب عليك مش مطلقني وعندي منه 3 صغار
من الصدمه معادش فهمت شي حسيت روحي ف دوامه كبيييره قتلها انتي كذابه
ابتسام: لا ياحبيبتي هوا اللي كاذب عليك كان تبي نجيبلك حتي كتيب العائله صح اني حرجانه عند اماليا لكن مازلت مرته فلذلك خليه ف حاله احسن ماتشوفي شي مايعجبكش وسكرة عليا
انا: مازلت ماستوعبت انها سكرت عليا اصلا ف وذني كلمة انا مرت خالد بس..قعدة مسبوها ودموعي ينزلن بروحهن
سلمي: تهز فيا سحر سحر خيرك بسم الله ومن هذا اللي كان يكلم فيك وخدة مني التليفون شافاته لقاته رقم
انا: مسحت دموعي خديت تليفوني من سلمي من غير مانرد عليها واتصلت بخالد سكر عليا وقعد شوي وعاودلي
خالد: حبيبتي
انا: علاش كذبت عليا خالد اه شن درتلك انا باش اطيحني ف بير عميق بعد ماكنت طايره من الفرحه
خالد: لما قاتلي علاش كذبت عليا طوول جت ف بالي انها عرفت يا اما بعمري يا اما اني كنت واخد زوز خيرك شن فيه
انا: انت قولي شن فيه مرتك مازالت ع دمتك وعندك منها تلاثه صغار وتقولي شن فيه
خالد: تي اما مراء واما صغار من قايلك هالكلام
انا: من يعني مرتك
خالد: طول جت ف بالي ابتسام لكن شن عرفها بسحر ومنين جابت رقمها..حبيبتي والله العظيم هذي وحده تكذب عليك تي اما صغار ومراء تبي نجيبلك ورقة الطلاق انتعي
انا: انت تقولي ورقت طلاق وهيا تقول كتيب عائله بالله من بنصدق..تقولي انها حرجانه وعندك منها تلاثه صغار وتهدد فيا كان مافتكش خالد بالله عليك مش ناقصه انا راه ف لو سمحت لو بالفعل هذي مرتك ولا طليقتك ومازال ف بينكم شي اخطاني مش مستعده نخش ف حرب خاسره
خالد: تي خسارة شني ابعتيلي امه الرقم تو نعرفها من..
انا: سكرة عليه من غير مانرد عليه وبعتله الرقم ولوحت فوني جنبي وحطيت ايدي ع وجهي قعدة نبكي ..
جت سلمي بجنبي حضنتني اهدي حبيبتي وسعي بالك
انا: حاطا راسي ع صدرها ونبكي شكلي استعجلت ف قراري ياسلمي قلبي ناخصني معقوله اليوم اللي المفروض نكون فيه فرحااانه ومبسوطه يصير فيا هكي مش عارفه علاش وافقت انا اصلا شن ناقصني اللي ناخد واحد عنده ماضي واكبر مني بهلبا مفكرتش بعقلي بكل مشيت بعواطفي وشكلها باش تجي ع راسي وتكسرلي قلبي مره ثانيه حبيت ننسي معاذ بيه لكن سبحان الله كل شي صار بسرعه
أنت تقرأ
أشخاص سيؤون
غموض / إثارةقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
