___________❤رويات هبوو❤____________
ف الداخلي امعبي بنات اللي ف الجنينه مكسدات ودايرات دويره ويهدرزو واللي تكركر ف شناطيها مطلعتهم جاينها هلها باش تروح واللي طيب واللي جعانه تاكل وتحكي ف التليفون واللي رااااقده زي سلمي خميرة النوم...
اماني: اوي ييييي سووسووووو
سلمي: فتحت نص عين وراقده ع بطني احلى نومه ونشوف ف البنات متربعات ع السفره قداامي ويجبدن ف الغطاء من عليا..خير بلاكن شن تبن ...
اماني: نوضي وانتي ماتشبعي نوم تقول انتي اللي واكله طريحه مش عاطيتها
سلمي: وهيا تثاوب ههه خطرتيها عليا زعما شن صار فيها
اماني: غير نوضي تعشي وبعدين ننزلو نشوفو الاجواء لوطا
تهاني: سوسو غير راك تقربيها والله يطردوك بعدين وانتي اكثر وحده ف العالم دايرين عليك تعهدات امشيه الداخلي ع الصراط المستقيم كان مش خالتك مديرة القسم راك مطروده قداش ليك بالحوايج اللي عليك
اماني: هههه والله لعبلها الزهر حتي بنات خالاتها يخافو منهن ع خاطر عارفين سلمي بنت خالتهن😂😂
سلمي: انقلبت ع ظهرها وماسكه فك ايدها ليمين لكن عارفات والله فشيت غلي فيها لين ايدي انفصعت بنت الكلب جايه تلعب معايا
اماني: هيا شن دارتلك اللي جنت ع روحها هكي
سلمي: خليني انوض توا نغسل ونصلي ونتعشي جعاااانه وبعدين نحكيلكن باش ننزلو
__________❤رويات هبوو❤_____________
انا: شاده تليفوني وانبربش فيه دخلت ع النيم بز ونشوف ف رسايلي قبل مع معاذ اول حب ليا اول شخص نعرف معاه الحب اول مره نقعدو هكي مانتكالموش معقوله سوء تفاهم ينهي كل شي لا ياربي بس حتي لو رجعلي مستحيل نرجعله بالساهل لان لو يحبني كان سمعني وفهم مني مش مجرد مايسمع كلام من بنت عمه ابصر كيف موصلتهوله يحكم عليا هكي وينهي كل شي بيناتنا ونزلن دموعي من دون مانحس مسحتهم وغمضت عيوني ان شااءالله اللي فيه خير ربي يقدمه قعدة شويه ومشيت ف ساااابع نومه😴
.......................
خالد: تي وينك ساعه نتصل ماترديش هيا اني قدام الباب
ابتسام: هي حبي كنت ندوش ماسمعتش التليفون هاني جايه شويه بس
وتيت روحي وحوايجي وشنطي وخرجت ها حبي عطلت عليك
خالد: وهوا يدخن وطايرتله تي مش غير عطلتي عليا درهتيلي كبدي والله قلت هذي اخر مكالمه كان ماردتش الا ماندور ونروح ونسكر التليفون
ابتسام: سامحني حبيبي حقك عليا وباساته ع خده وتمسح عليه
خالد: تي حولي رانا ف الطريق
ابتسام: ومن بيشوفنا والناس مرقده والدنيا فاضيه حبيبي مستاحشتك هلبااا هلباات
خالد: حتي نا مستاحشك حبي لكن طيرتيهالي لين طيرتيلي النيه منك المهم متعشيه ولا شني
أنت تقرأ
أشخاص سيؤون
Mistero / Thrillerقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
