أشخاص سيؤون

حلقه62

لايك قبل تقرو😉😘

..
..

عفاف : طلعت فونها تشوف ف الرقم تفاجأة لما لقاته .. هذا رقم حسين

انا : من حسين .. ان شاءالله اللي يخدم عند خالد ف المصنع 😳

عفاف شافتلي : اها هوا

انا وعلامات الصدمه ع وجهي : زعما خالد عطاه رقمي

عفاف : ما تلوحي شي

رنا : انتي قوليله ف حد كلمني وهكي وشوفي ردة فعله

انا هزيت راسي : هذا اللي بيصير .. قعمزة ع الكراتن و انا نفكر ونحلل ف عقلي زعما خالد دارها ولا هو خانب الرقم مني اووووف ...

..
..

خالد م : ها شن صار

حسين : قاتلي غالط وسكرة عليا

سمبل : غلط اللي عملتو يا خالد انت مش واثق فيها ولا إيه

خالد م : مش هكي لكن لما قتلها فوتي رنا ما بتش قلت بالك حتي هيا زيها

حسين : ياريتني ما تبعتك حاس روحي ندمت

سمبل اشوفلهم و هوا مش عاجبه

خالد م : سمبوول وين رحت

سمبل : ولا حاجه انا رايح انام عايزين حاجه

خالد م : برا ارقد بعدين وراك خدمه

سمبل وهوا فايت بجنبه : بس خلي ف بالك انه نيتها حا توقع فيك .. ومشي عنهم وخلاهم

حسين : لا يا ربي ما دخليش اني هذا خالد ضلني

خالد م : شن جايه هوا ع الادب

حسين : مهما كان ما تجيش يا خالد انا سايرتك لانك صاحبي بس بجد غلط اللي درناه

خالد نفخ : اوووف اسكت انت التاني ما تزيدهاش

حسين وهوا نايض : ادعي ربي ما تعرفش الصوت .. بعدين تفكر عفاف وشاف لخالد بسرعه .. حي ع امها كان ما تسألش عفاف ع الرقم

خالد م : و ان شاءالله عفاف عندها رقمك

حسين خبط يده ع جبهته : تي عندها من قبل وانا مش مغير رقمي

خالد م : الله يقصفك انفضحنا🤦‍♂️

حسين : هذي نيتها

خالد م : والنبي برا ما تزيدهاش عليا

حسين ابتسم بهزوه : زايدها ع روحك ما عندي ما نديرلك ومشي عنه

خالد اتكا ع الكرسي : الله يلعنك يا شيطان ....

..........
......
..
.

حسن قعمز بحدا امي : ااء قتلك حمزه دار حادث

نجوى وهيا طالعه من الدار جت الكلمه ف ودنها خشت للصاله تبكي :: حااادث شن صارله حسن بالله عليك قول😭