لايك قبل تقرو😉😘
..
..
#في_تونس....
بعد يوم من التعب والطريق الطوييله لان جينا من طريق الجبل وازن وتعطلنا ع خاطر بيرم ليه 4 سنين مش مروح وباسبوره ف السفاره اجدد فيه جاي بورقه دخول ... وصلنا للحمامات واجرنا حوش بروحنا ...
بيرم : تعبتو
حسن متكي : ينقنه تعبت لينا قريب 20 ساعه ف الطريق
بيرم ولع دخان وجبد : وهذا كله نعتبر ما عطلتش ف البوابه لان ليا هلبا مش مروح
حسن : وتوا كيف اصير ف مرواحتك
بيرم : غدوا ان شاءلله نمشو للعاصمه نشوف الداخليه ونمشو للقنصليه امتعكم نشوفو موضوع العقد عندهم شني
حسن : ان شاءالله ربي إسهل
بيرم شافلي : شكلك طبتي
انا شفتله وابتسمت : لاعادي قعده نسمع فيكم
بيرم غمزلي : اممم جعتو
حسن : انا نبي نرقد .. خيره روح خوك .. هذا اللي عنده توأم
بيرم نفخ دخان : ايه هذا خالد .. قتله اقعد قال تو نجي بعدين
انا وقفت : حسن طلعلي شنطتي فوق قبل ماترقد
بيرم : خليك تو نطلعها اني و شافلي وابتسم
..الحوش كان صغير لكان نظام دورين فوق دارين وحمام وتحت صاله وكوجينه وحمام و فيه جنان صغير❣ ... طلعلي بيرم الشنطه في الدار اللي بنرقد فيها سريرها زوجي
بيرم : وهذي شنطتك
انا مبتسمه : تسلم حبي
بيرم : اووه حبي و وحدنا ف الدار وشاف للفرش بخبث وابتسم امممم
انا : والله ماتتحشم انزل انزل
بيرم يضحك : هاني نازل توا لكن يومين بالكثير ونقعد امبنك هني .. حي عليا حي
انا فنصت عيوني : بيييرم .. دفيته برا وسكرت عليه الباب واتكيت عليه وقعدة مبتسمه وفرحاااانه هلبااا🙈
بيرم يتكلم بشويه من جنب الباب : و راسك يومين يا عيوني
انا نضحك : خبطت ع الباب بالشويه من غير ما نرد عليه
بيرم بنفس الوضع : حبيبتي ما ترقديش دوشي وغيري وانزلي نهدرزو .. نمشي نجيب لغداء ونجيك
انا بشويه : به حاضر .. طلع بيرم اجيب لغداء وانا خشيت دوشت ولبست قفطان حوش بيج ف الحني مزخرف وحطيت وشاح ع راسي .. مع اني تعبااانه وخاطري ف نومه 🥱.. انزلت ع خاطر بيرم لقيته جاي
بيرم احط ف لغداء ع الطاوله : صحه صحه
انا جبدة الكرسي وقعدة : سلمك حبي .. نوضت حسن
أنت تقرأ
أشخاص سيؤون
Детектив / Триллерقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
