أشخاص سيؤون

اشخاص سيوؤن.حلقه21

لايك قبل تقرا 😉😘

انا : كل يوم نمشي لحوش اماليه مرات يرفعني هوا ولا اغلب الاحيان يجي هيثم يرفعني وقعدنا صحبه انا وهيثم ومرات نمشي لحوشهم نكسد غادي مع حماتي وبناويتها .. وانا بديت نقلق ويوم اللي نقوله مانبيش نمشي إدير فيا نهار اغبر ع راسي ويقولي بتقعدي بروحك وانا بنعطل كأنه يخوف فيا و يوزع فيا .. لعند يوم مروحين  بعد لعشاء نزل خالد للمحل يجيب ف حاجات للحوش  تليفونه رن خديت الفون وشفته لقيته رقم قعدة مركزه فيه حسيت روحي نعرفه ونشوف ف خالد طالع من المحل حطيت التليفون ف مكانه وانا نفكر رقم شكون رقم شكون اتفكرته ..

انا : رقم ابتسام 😳 ..

خالد : ركب ف السياره ف شي ثاني ناقص

نا : ماسمعتاش شن قال  .. شبحتله معادش كلامتك ابتسام

خالد : شبحلي طول وهوا مستغرب سوألي .. لف وجهه للطريق وطلع بالسياره تتصل وانا مانردش عليها

انا : وعلاش تتصل مش عارفتك تزوجت

خالد : مانندريش عليها خليها تتصل لين تعيا وخدا تليفونه وشافه اهي متصله

انا : وين تسكن هيا مش قلت بنت عمتك

خالد : قتلك صاحبتهم بيت عمتي وكانت صاحبت حنان

انا : لفيتله وجهي مستغربه من حنان ..؟

خالد : طليقتي

انا : بس انت قتلي بنت عمتك و يومتها لما كلمتني ع اساس فونك كان ف حوشهم

خالد : يسوق ومخلي روحه عادي باش مايرتبكش.. ايه صح كانت معاهم هيا لكن ماقتلكش بنت عمتي .. وسكري ع الموضوع مش ناقص مشاكل انا

انا : اهاا ويعني انا اللي بنديرلك مشاكل .. خالد غيرها شفرتك لو ماتبيش مشاكل

خالد : تمام بكرا نغيروها انا وياك ونغيرلك شفرتك حتي انتي وخدا يدي وباسها هيا انزلي ..

نزلت من غير مانردش عليه ونا مش مصدقته وحطيت ف بالي اني باش نراقب فونه ف الجديد خشيت دوشت وغيرة حوايجي وخشيت فراشي

انا : نبي نمشي لحوشنا بكرا لما ناخدو الشفرات

خالد : امتي بيانها سلمى

انا : مازال عليه يومين ونبي نمشي نقعدهم غادي

خالد : رقد بجنبي عادي حبيبتي لو تبي تخلي السياره عندك

انا : لالا ماعنديش بيها حاجه .. وعطيته بظهري بنرقد

خالد : قرب مني وحضني من الخلف بترقدي حبيبتي

انا : اها نعساابه بكري غسلت الفرش مع لطيفه

خالد : مستاحشك سحورتي وبتمشي لحوش اماليك تقعدي يومين هلباا عليا حبيبتي راه

انا : لفيتله وجهي وفصلت عليه .. تي انت قداش ليك وانت تطلع من الصبح لليل وتلوحني ف حوش هلك حتي وقت نكلمك ديما مشغول توا جاي تقولي مستاحشك حتي انا الايام اللي فاتو نستاحش فيك ومانلقاش فيك