اشخاص سيئون
لايك قبل تقرو😉😘
#ف_الليل
انا نحكي ف الفون مع حمزه ومتوتره ناكل ف ظوافري : اها نسمع فيك
حمزه : فكري انتي وصلي صلاة استخاره وشوفي روحك
انا خنقتني العبره حاسه روحي بجد ضعيفه للمره الثانيه ماقدرتش نرفض قراري انا مش مقتنعه بيه😔 .. ويادوووب طلعت مني .. به
حمزه : ماتقوليش لأمي اني كلمتك عليه الموضوع وكان وافقتي تو انا نحكي معاها ونقنعها
انا : ان شاءالله خير .. وسكرت منه ونهرت نبكي😭💔....
خالتي خشت للكوجينه لقتني نبكي : بسم الله سحر خيرك
انا شفتلها وقعدة نمسح ف دموعي : خالتي نقولك حاجه لكن ماتقوليش لأمي
خالتي جت قدامي وحضنتني : احكي شن انا زي امك
انا : قعدة نحكيلها ف الموضوع كله من الاول .. لما حمزه قال لأمي ع كمال وامي كيف رفضت وتوا يقنع فيا يبيني نوافق ...
خالتي : لاحول ولا قوة الا بالله ريتي حمزه مايطلع منه من جده يبي يعرسك لواحد معرس وبصغاره
انا : قالي صلي استخاره وقوليلي شن يصير
خالتي : به كويس بكرا كلميه وقوليله صليتها وحلمت بلفاعي يجرن ف جرتي وانا هاربه منهن
انا قعدة نضحك : هههههههه ايه والله حلمه مليحه باش معادش يفكر يفتحولي الموضوع مره تانيه
خالتي : مايبو الا هكي ضروري تفلمي عليهم سواء ف الباهي ولا العافن باش يصدقوك .. وماتشيلش هم بنيت اختي والله حتي كان يبي يغصبك المره هذي انا اللي بنقف ف وجهه حمزه😠
انا بستها ع خدها : نحبببك خالتو ربي يخليك ليا
خالتي : ويخليك تعرفي معزتك انتي بروحها .. عطيني نشرب خاشه بنشرب لقيتك تغردي
انا ضحكت : هههه حاضر بري تريحي وتو نجيبهالك ..طلعت خالتي وانا عبيتلها ميه وطلعتلهم ...
......
....
..
إناس لابسه روب قصير ومفتوح ومأنتكه روحها طلعت لقت خالد يرقد ف حمودا : طلت عليهم من الباب مارقدش
خالد يهدرز مع حمودا لين يرقد : ههه مازال عجباته الهدرزه اليوم
اناس خشتلهم : خلي نجي نهدرز معاكم حتي انا وقعدة قدام خالد وحمودا ف النص
خالد شافلها وقرن حواجبه : تي نوضي البسي حاجه كيف تقعدي هكي قدام العيل راه يعرف ويفهم
إناس تكنطت : مازال صغير هوا بعدين انا نحسابه رقد هذا علاش طلعت هكي
خالد : و اهو مارقدش ركزي مره تانيه
أنت تقرأ
أشخاص سيؤون
Mystery / Thrillerقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
