لايك قبل تقرو😉😘
#الصبح
انا : راقده نص نوم نسمع ف فوني يرن استغربت من بكون ع الصبح شفته لقيته رقم غريب .. ان شاءالله خير
انا : فتحت الخط وساكته
الشخص : الو صباح الخير
انا : صباح النور .. تفضل من معايا .. ونسمع ف صوت انين بجنبه
الشخص : يا اختي انتي مرت خالد محمد
انا صحصحت بخلعه : اها ان شاءالله
الشخص : اختي راه راجلك مضروب بالرصاص وتوا ساعفينه للمستشفي وعطاني رقمك باش نكلمك
انا : 😱شنيي .. متأكد يا خوي
شخص : . مضروب والسياره واخدينها ..
انا : اي مستشفي رافعه
الشخص : مستشفي السبيعه
انا : تمام هاني جايه . بارك الله فيك .. سكرت منه واتصلت ب قيس ماردش نضت غسلت وصليت وغيرت لحمودا وطلعت ...
" صح انخلعت و خفت عليه ف الاول بس بعدين بردة تفكرة اللي داره فيا وتفكرة امبارح كيف زعلني و يتكلم وانا قاعده ومش دايرلي حساب ويتسبل بمشكله باش يطلع يكلمها وكل شي داره معايا تفكرته .. ربي عادل و الحمدلله ديما هوا اللي واخدلي حقي ويامحلااه من حق❤ "
انا : وصلت لحوش عمي مشيت للمربوعه نخبط ع قيس شوي وفتحلي ..صباح الخير
قيس : مداشره النوم .. صباح النور .. شني حالمه بيا امالا
انا : قيس خالد نضرب برصاص وخدو منه السياره وتوا رافعينه للسبيعه
قيس : كيف .. امتي .. لاحول ولاقوة الابالله ..
انا : قبل شوي كلمني راجل وقالي
طلع قيس وتلفت .. سحر بالله عليك بري لسالم قوليله " سالم خوه الشيخ "
انا : تمام مشيت للشيخ طلعتلي مرته . صباح الخير
حياة : صباح النور خيرك بسم الله عمي ولا عمتي فيهم حاجه
انا : لالا خالد نضرب وبالله عليك كلمي راجلك قوليله يستني فيك قيس
حياة : لاحول ولا قوة الابالله .. امتي نضرب
انا : تو بعدين نحكيلك حياة غير توا كلمي راجلك بسرعه باش نمشوله
حياة : ربي يستر ان شاءلله . تو نكلمه هي ونجي معاه حتي انا ...
انا : تمام .. رجعت لحوش عمي لقيت عمتي برا وقُصي كيف جا مكلمه قيس
عمتي تبكي : من كلمك يا سحر
انا جيت بحدا عمتي وقعمزة حسيت ظهري انكسر من حمودا .. كلمني راجل الصبح وقالي
عمتي : يا رب استر واحفظه
أنت تقرأ
أشخاص سيؤون
غموض / إثارةقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
