#حقيقه100%
لايك قبل تقرو😉😘....
فاتو ايامات والوضع ع حاله .. واقفين اني و رنا و البنات نستنو ف الكيك تبرد وقفت علينا المشرفه
المشرفه : سحر رنا تعالو معايا شوي
انا ورنا شفنا لبعض و لحقناها والبنات يتسألن شن تبي فينا وانا اللي مالياش هلبا جايه وخديت مكانه مع المشرفه والحمدلله هذا من فضل ربي وفضل دعوات امي ربي يطيحنا ف الناس اللي خير منا و يحببنا ف خلقه💛 ...
.......
....
سلمى : اهلا اهلا الحمدلله ع السلامه
( بنت خالتي اسمها سناء ) سناء مبتسمه وتسلم : الله يسلمك يارب شخباركم
سلمى : الحمدلله .. شن حالك يا خالتي
خالتي عائشه : اهلين بنيت اختي شن حالك وين صغارك امالا
سلمى : داخل يلعبو .. حسسن حااتم تعالو سلمو ع خالتي
امي كملت صلاه وناضت تسلم : يا مرحبتين شن حالكم وسلمت ع اختها
خالتي : فطومه شن حالك ياختي
امي : الحمدلله يا عويشه شن حالك انتي
سناء : خير يا خالتي امالا ما شفتينيش
امي شافتلها وضحكت : ووه لهيت ف امك شن حالك حبيبتي
سناء : ههه مش لايمه عليك .. الحمدلله شن حالك انتي
امي : الحمدلله .. شافت لاختها . شكلك تعبانه ياختي ان شاءالله لاباس
خالتي : قلبي يختي مازلت تجيه نوبات وندهش
امي : لاحول ولاقوة الابالله .. مش الشهر اللي فات كنتي هناايا ف مستشفي القلب
سناء : الدواءا اللي عطوهولها ما مشاش معاها عندها مراجعه بعد شهرين لكن لما تعبت علينا ما قدرناش نزيدو نستنو
امي تشوف لاختها : بالك مش محافظه ف ماكلتك
خالتي : والله البنات مش مقصرات يطيبولي بروحي ماكله بيضاء و شوي زيت الزيتون الحمدلله
سناء : من ناحية الماكله ماشين ع نظام الدكتور اللي عطاهولها
سلمى : بترفعوها لتاجورا
سناء : ان شاءالله شوي وبيجي محمد خوي يرفعنا لحوشه
سلمى : علااش اقعدو هني وتو يرفعكم حسن
امي شافت لأختها : كان قعدتو يا حاجه هنايا
خالتي : سامحيني يختي لكن نمشو عنده اقرب وهوا الملزوم بينا
امي : شن بنقولك يختي براحتكم
سناء : ان شاءالله قبل ما نروحو نجو نقعدو معاكم ايامات .. غير نشوفو شن بيقولولنا قبل
أنت تقرأ
أشخاص سيؤون
Mystery / Thrillerقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
