أشخاص سيؤون

اشخاص سيوؤن..حلقه 7

___________💛رويات_ هبوو💛____________

ابتسام: كانت تسمع فيه من وراء الباب لما سمعاته سكر خشت تجري للدار ماتبيش يعرف انها سمعاته

خالد: دخل للاستراحه بيسو حبي شني واتيه

ابتسام: تكلم فيه من الدار شويا بس حبيبي

خالد: به نخش ندوش بسرعه ونمشو

ابتسام: لما قال بدوش فرحت باش تاخد تليفونه وتشوفه تمام ياعيوني خوذ راحتك

خالد: حط تليفونه ف الشحن وخش ادوش

ابتسام: لما سمعاته سكر الباب مشت تجري لتليفونه خداته من الشحن وفتحاته شافت اخر رقم لقاته من غير اسم سجلاته ف تليفونها وحطاته..
ابتسام: واقفه وتفكر بديت تلعب بديلك يا خالد مانبداش ابتسام كان خليتك تتهني تاكلني لحم وترميني عظم ودخلت للدار واتصلت بالرقم😱...
ابتسام خشت للدار واتصلت📱لين سمعت صوت

انا: الو

ابتسام: ماتكلمتش ولما سمعت صوت بنت سكرة..والله درتها ياخالد جبتها لروحك وتحمل مايجيك وانتي يلي مش عارفتك من تو نفضالك بعدين وحطت تليفونها ف الشنطه وهيا تخطط شن بدير

                 .............................

سلمي: من هذا اللي اتصل

انا: مش عارفه رقم فتحت عليه سكر..زعما امي قالت لحمزه وانا مازال ماكملتش كلامي نسمع ف حمزه ينادي عليا
انا: حي هذا حمزه ينادي عليا

حمزه: سحرر تعالي

انا: هاني جايه هي..نحس ف قلبي بيطيح ياارب استرني..مشيتله لقيته قاعد هوا وامي..نعم

حمزه: شن الجو

انا: الحمدلله

حمزه: خيرك واقفه تعالي قعمزي..هذا من اللي قاتلي عليه امي

انا: خشيت بنقعمز ونحس ف روحي باش نعثر ف لبساط وبنطيح ولما سألني من هذا اااه لين عرقت..
كلمتني ساره امبارح قاتلي يومتها لما مشيت بنجيب منها بوريك شافني صاحب جمعه ولد عمها وقاتلي قال عجبتيه وسألني عليك

حمزه: يعني انتي ماتعرفيش

انا: لما قالي ماتعرفيش قريب بكيت لاني عارفه كان قلت نعرفه بناكل طريحه سمحه غير التليفون اللي بياخده مني وحرمان من هلبا حاجات..لالا من وين بنعرفه قالت من جنزور هوا

حمزه: اهاا وانتي شن رايك

انا: قتلها توا نقول لخوتي ونشوفهم قبل..انا عليكم انتم

حمزه: والله كبرتي ياسحر ووليتي عروسه هههه
به قوليلها يجي نشوفوه ونتعرفو عليه بعدين واللي فيه الخير ربي يقدمه

انا: لما حمزه ضحك قعدة نعصر ف روحي باش نبتسم وندير روحي متحشمه وانا شي الخوف مسيطر عليا..به ان شاءالله تو نكلمها ونضت بنخش ورجليا اخبطو ف بعض لين حاسه روحي نمشي فركه🤷‍♀️