أشخاص سيؤون

حلقه..64

لايك قبل تقرو😉😘

...
..
.

انا نضت : ان شاءالله نستأذنك توا خلاص مغرب

بيْرم : وقف حتي هوا وقعد يمشي بجنبي

انا : توترت من مشيته جنبي حاسه روحي بنطيح وقفنا ع السريع باش بنقصو الطريق وهوا قرب مني باش نقصو بسرعه خفت وقصيت الطريق من غير ما ننتبه فجاءه حسيت بضي السياره ف وجهي وقريييب وقفت ف مكاني وقعدة نشوفلها😰 ..
السياره وقفت قعدة تكلكس بييييب ويعارك بيديه

بيرم رفع يده ويعارك : خير بلاك ما تشوفش

انا : السياره حفتني لولا رحمة ربي وما يجريش راه طيرتني وصلت للطريق التانيه بالقدره وانا مش قادره نرفع رجليا ..

بيرم : نجيبلك اميه

انا هزيت راسي : لالا صحيت .. شفتله و ابتسمت معليش مش عارفه كيف قصيت من غير ما نشوفهاش

بيرم ابتسم : لا انتي شكلك خفتي مني قعدتي تبي تهربي بأي طريقه

انا فنصت عيوني كيف كشفني🤦‍♀️ : احمم خلي نوقف تاكسي

بيرم : خليك تو نوقفلك .. وقف تاكسي وركبت فيها وهوا خلص ."والله جت طلعه ما خلصت فيها حاجه مسهله من عند غادي 😁🤭"
بيرم اتكى ع روشن السياره : تو نكلمك

انا ابتسمت : تمام .. تصبح ع خير

بيرم : دارلي براسه سلام و خبط يده ع الباب امتع تسقد و روحت

.............
.........

سلمى : هههه مهبوله

انا : لما قالي تونسي مش عارفه شن جاني لقيت روحي متسرحه معاه🤦‍♀️

سلمى : يختي سلم راجلي ربي يحفظهولي

هناء : اهو بنبدو 🙂

انا : الله الله يا دنيا انا اللي كنت نعبي ف راس امي ع سلمى باش ما توافقش ع خليل شكلي باش نطيح بوجهي ..فعلا اللي اعتب يتبلا

سلمى : صاااار يا معفنه انتي تعبي ف راسها وانا نقول امي خيرها كل يوم بطارقه نقنعها الصبح الليل تجيني تقولي فوتي الموضوع طلع منك يا معفنه🤨

سرور : اوووبس 🤭 فضحتي روحك

انا : سوسو حبيبتي قصدي كنت ننصح فيها ان الاجانب اخوفو بس🥺

سلمى شافتلي ع جنب 😒 : ان شاءالله اطيحي ع وجهك وتكبدي شوفي شكون يقنعلك امي تجيني نهارك

انا قعدة بحداها وحضنتها : هههه اختي الغاليه انتي 😘

هناء : حسستوني ان خطبها 🙂

سرور : ههههه والله حتي انا انسجمت معاهن و كيف بنسألها امتي العرس يا سحر

احني : 😂😂 ......