أشخاص سيؤون

حلقه...55

#حقيقه100%

لايك قبل تقرو😉😘

#ف_المصنع.....

اول ما خشيت نحسابه حوش شكله من برا كأنه حوش واصلا جاي داخل بين لحياش مايوحيش انه مصنع بكل . والله يا أمي حتي كان قعدنا ندورو لعند الليل ماناش لاقينه😁 .. قعدة نتبع ف رنا و خلود خشينا لدار صغيييره وفيها تواليت

رنا : لابسه حاجه تحت عبايتك

انا : لابسه سروال وبدي

رنا : نحي عبايتك خير من تلبزيها بالدحي

انا شفتلها : دحي؟ ..

رنا ضحكت : هههه نحي نحي وهيا وقت

انا : نحيت عبايتي ونفكر زعما شن بنديرو بالدحي ماه هذا اللي ناقص من طواجين لدحي🙄.. يالله المهم راتب .. نشوف ف خلود حتي هيا تغير ف حوايجها ورنا لبست مريقه بس ع حوايجها وطلعنا انا ورنا ..(رنا كانت قصيره هلباا وسمونيه شوي لكن شكلها بنت قدعه وحبوبه مواليد86)

رنا : جيبي معاك حوايج المره الجايه خليهم كان للخدمه لان مرات تتلبزي

انا : ان شاءالله . وانتي خيرك ماغيرتيش ولا ماتخدميش معانا ف الدحي

رنا : هههه نخدم معاكم لكن انا ما نلبزش ف روحي نحط ف مريقه وخلاص واصلا نخدم شوي ف الدحي بعدين نمشي ع الماكينه

انا : اها به كويس .. خشينا لوسط المصنع من باب جنبي صاله كبييييره وفيها تلات ماكينات تغليف اكبار وصناديق كيك وبريوش هلبا مستفات فوق بعض كل مجموعه بروحها فتنا عليهم بعدين خشينا للكوجينه كبييره حتي هيا وجنبها صاله ثانيه اديرو ف البريوش فاصلها حيط علينا واخر حاجه لكوش ومن تالي فيه ساحه يحطو لكناسه حاشكم وف مخازن وفوق مبيت للعمال هذي تفصيلت المصنع كله

رنا بصوت عااالي :صبااح الخير📢

كلهم تلفتو : صباح النور

جت وحده سمونيه شكلها بشوشه وتضحك : جيتي رنا وسلمت علينا

رنا : هلا .. هذي البنت اللي قتلك عليها .. سحر هذي المشرفه ع المصنع اسمها عفاف

عفاف سلمت عليا ببتسامه : اهلا و سهلا سحر انستينا

انا ابتسمت : الله يسلمك

عفاف : توا بري كسري الدحي مع لبنات لين يكملو

انا هزيت راسي : تمام ومشيت قعدة نسلم ع البنات اللي يكسرن ف الدحي ونتعرف عليهم بالوحده ...

........
.....

هدى : خالتي ما ردتش عليك سحر

لطيفه : لالا بلكي ما عندهاش رصيد ولا ما شفتاش

هدى : كلمي امها كان هذا

لطيفه : قلتيها وانتي الصادقه .. خدت فونها واتصلت بأمي