لايك قبل تقرو😉😘....
معاد : هذيم فيتهم مايفهموش بالسياسه سكري سكري تو نكلمك
انا : لا حبي فوتهم بالله عليك ما تحسسنيش اني سبب بالله عليك اهدى قبل بعدين كلمهم وانت مش معصب
معاد قعد يتنفس بالقوه يحاول يهدي روحه : تمام تمام مش مكلمهم سكري بس مش قادر نحكي
انا : به حبيبي المهم هدي روحك
معاد : تمام .. سكر مني و هدا روحه شوي واتصل بأمه ..
مها تشوف لفون امها : هذا مُعاد
امه : هذي اكيد اللي ماتسمي خبراته .. خدت فونها وردت .. ها
مُعاد شاد اعصابه بالسيف : اهلين
امه : شن دكرك بيا ولا وصلتلك الدوه طول ومتصل تعاتب بس انا قتلها يا معاد حقكم رصاصه وماتهمنيش لا انت ولا هيا تموت ولا تاخد وحده مطلقه
معاد يحاول يتمالك اعصابه : انا ولا انتم اللي بتاخدوها به يا ستي ماتبوهاش ماتشوفوهاش ولا تجيكم ولا تجوها بس انا نبيها ومايهمنيش حد
امه : بما انه مايهمك حد براء خودها امالا ومانيش راضيه عليك ولا مسامحاتك وسكرة عليه
معاد نفخ و قعد يخبط ف رجله ع الحيط : واااه وااه ويمسح ف يده ع شعره
صاحبه : معاد
معاد : فوت امي انت التاني وخدا مفتاحه وطلع
صاحبه : خير بلاه هذا 😒
.......
مها مقعمزه جنب امها : علاش قتيله هكي يا ماما حرام
امه : خليه باش يتربا و يرجع لعقله من اللي بيرضى يعطي بنته لواحد امه مش راضيه عليه الا كانها بلاش موالي
بوه خش : السلام عليكم
امه نخصت بنتها اس ماتحكيش قدامه : عليكم السلام
بوه : خيرك تعاركي صوتك واصل للدروج
امه : ع هالفرخات اللي انقزن فوق راسي من الصبح
بوه شاف لبناته الصغار يلعبو وينططو ابتسم وشاف لمها : مهيوه سلم بنيتي طاسة اميه
مها ناضت : به بابا حاضر ...
.......
.....
امي : تونسي
سلمى ما ريحتهاش كلمة امي كيف قالتها : اها خيرك قلتيها هكي
امي : مالقيتي الا تونسي😒
سلمى : خيرهم التوانسه يُما وهوا ماشاءلله وانتم غير تعرفو عليه قبل بعدين احكمو
امي تتكلم بهداوه : انا يا بنيتي مشكلتي مش فيه لكن مالك ومال الاجانب يا بنيتي استني تو يجيك نصيبك ليبي مازال العمر قدامك علاش مستعجله
أنت تقرأ
أشخاص سيؤون
Mystery / Thrillerقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
