لايك قبل تقرو😉😘
#بعد_شهر
بعد عملية خالد بسبوع رجعنا ليبيا ف الاول يمشي بلقيلات وتوا شوي شوي بدا يرجع يمشي شوي .. خالد طول الشهر هذا كان عسل معايا واغلب الوقت كنا مع بعض ولو يبي مشوار يا نرفعه اني يا هيثم وكنا شبه مستقرين ف حوش عمي . حمودتي حبيبي ماشاءالله توا يقعمز وزايد حلاوه❤ .. امي روحت من سلمى بعد بكاوات وعزاوات منها ماتبيش امي تروح توا صغارها عمرهم قريب تلاته شهور تبي امي مازال تقعد😒 .. خالد وقُصي انحلت المشكله بيناتهم ورجعو كيف قبل واحسن .. خوتي وضعهم كيف ماهوا مستقر فرحانين بأمي اللي روحت ❤..
...
خالد يحكي ف الفون : هاني جايك توا هي
انا : وين ماشي
خالد ياخد ف لقيلاته : يمكن لقوها السياره
انا بفرحه : بالحق به ان شاءالله ياارب فلوس حلال وترجع
خالد : ان شاءالله .. تو نجي
انا : تقدر تمشي بروحك ولا بتكلم هيثم
خالد : لالا ميه ميه نقدر نسوق
انا نمشي وراه : به ساعد روحك وبشويه عليك
خالد : وصل للباب وتلفتلي ابتسم وباسني حاضر .. سكري الباب
انا : سقدته وخشيت وسكرت الباب . اليوم عمتي وعمي مش قاعدين عندهم عرس هذا علاش مامشيتش
••
••
•
•
سلمى : ادير ف حليب لصغارها وتحكي مع اسامه
سلمى : يعني انا مانبيش نمشي لحوشكم لكن تشوف ف الصغار كيف واخدين كل وقتي ويادوب نكمللهم ونسكتهم ينوضو مره تانيه
اسامه : مادخليش فيك انتي وصغارك قتلك تمشي يعني تمشي
سلمى تنرفزت : بالسيف يعني هوا
اسامه يعيط ويخبط : اييه بالسيف و كان مش عاجبك وتوا طالع نجي نلقا امك واتيه😤 . هم .. طلع اسامه وهوا يخبط ويسب
سلمى دمعتها ع خدها : رضعت صغارها وغيرتلهم ولبست عبايتها وخمارها وقعدة تستني فيه لين جا وشكله كان ناوي ع مشكله سوده نوده لقاها واتيه رفعهم ومشي 😔...
سلمى : خشت لحوش عمتها حطت الصغار وسلمت .. شن حالك ياعمتي
عمتها قالبه وجهها : اهلين . به اللي ريناك
سلمي وهيا تسلم ع حماتها اماني :: والله صغار مش مخليني لا نطلع لا ندير شي حتي ف الحوش
عمتها : امالا مخليه راجلك هكي جيعان وهاملته ..
سلمى : كيف نهمله ياعمتي لكن الوقت كله يمشي بينهم هما وبوهم
عمتها مش طايب عليها :: ايه ايه قتيلي
أنت تقرأ
أشخاص سيؤون
Mystery / Thrillerقصه ليبيه حقيقيه واقعيه الروايه تحكي ع وحده ماعندهاش حظ او طيبة قلبها مضيعتها ومش مخليتها تفرق بين الباهي والخايب
