أشخاص سيؤون

حلقه...54

#حقيقه100%

لايك قبل تقرو😉😘

....ثاني يوم ....

كريم : سحر البنت قاتلي ان شاءالله ليام الجايه ف وحده بتطلع باش ادخلك ف مكانها

انا فرحت : به ان شاءالله ياارب تتسهل و نفتك من هالتمرميد .. وصلت للمعمل لقيته مسكر شوي و جو البنات قعدنا نهدرزو لين جت صاحبة المعمل فتحاته وخشينا كل وحده شدة خدمتها

انا : واقفه ف شور الباب نزقزق ف الحلويات بالشكلاطه حسيت حد واقف مقابلني ويشوفلي من الباب ف الجيهه الثانيه وين المبيعات رفعت راسي لقيته هيثم 😨😰
قعدة نشوفله ونزمط ف ريقي حتي لبنات اللي بجنبي نسيتهن قعدة نشوفله بصدمه وهو يشوفلي ومبتسم لين نشوف ف وحده من البنات طلعتله

البنت : تفضل

هيثم شافلها وحول من شور الباب : السلام عليكم

البنت : وعليكم السلام

هيثم قعد يشوف للحلويات اللي ف الفترينه : عطيني كيلو مقروض

البنت قعدة تحطله ف المقروض

هيثم : ماتبوش بنات يخدمن معاكن

البنت وهيا تحط : لا والله الفتره هذي موقفين مافيش هذيكا الخدمه

هيثم : اها ربي يفرجها ان شاءالله خداء مقيرِضاته وخلص وطلع

...........
.......

سلمى : امي شن اندير الغداء

امي : ديري اللي يجي من هناك هو

سلمى اطلع ف الخضره من الثلاجه : شن صار ف سحر مازال ماقللها شي صاحب التاكسي ع المصنع

امي جبدة الكرسي و قعمزة : مازال شكله . مش عاجبتني هالخدمه تعبها اكثر منها و ياريت حتي تحصل ف حاجه باهيه غير مانبيش نعرضلها

سلمى : تو كله يفوت ان شاءالله .. امتي جاي حمزه

امي : ف لعجيلات هوا .. قال مرات يجي لعشيه

سلمى : مش عارف هوا بخدمة سحر ولا لا

امي : يستر الله وخلاص .. معادش كلمها هذاكا لوليد

سلمى اطيب : لالا من هذاكا اليوم جمره وطاحت ف الماء لا تكلم لاشي ..

امي : الحمدلله افتكت منه فيها خيره ان شاءالله هذا علاش مابيتش نعرضلها ف الخدمه قلت خلي تطلع من الضغط اللي هيا فيه خير من شن ادير ف روحها .. وانتي شن صار معاك

سلمى ابتسمت : هانت ان شاءالله خلاص معادش مازال هلبا

امي : الله يهنيك ياارب ويبعت لاختك ولد الحلال اللي يهنيها ويسعدها

سلمى : ان شاءالله ياارب ....

..........
........

انا : لما رجعت البنت ميلت روحي شويه نشوف للباب الخارجي شفته ركب سيارته و مشي .. بس قعدة مش مطمنه حاسته يستني فيها برا كملت خدمتي وكلمت الباص قبل وقتي ما نبيش نقعد ف لاخير و يرجعلي استأذنت منه وروحت .....