أشخاص سيؤون

حلقه39

اشخاص سيوؤن

لايك قبل تقرو😉😘

انا كيف خداني النوم رن فوني لقيته هيثم : الو

هيثم : راقده من توا

انا : وين من توا الساعه12.. انت اللي مش عادتك تتصل الوقت هذا

هيثم : حسيت روحي مستاحشك

انا نعسانه ابتسمت بالسيف ويادوب نحكي : تسلم

هيثم : سحر نبي نقولك حاجه

انا صحصحت شوي : خيرك هيثم احكي شن ف اللي متصل هالوقت

هيثم : سحر .. نحبك

انا : 😳😰 .. ماصدقتش اللي سمعته قلت بلكي نتخايل من النوم . نضت قعمزة وحكيت عيوني وسألته ... شن قلت ما سمعتش

هيثم : لا سمعتي غير تبي تتأكدي

انا : يا سيدي نبي نتأكد شن قلت ؟..

هيثم : قتلك نحبك . نح بك .. سمعتيني توا .. وقبل ما تحكي ماتسألنيش لا كيف ولا علاش لأني حتي نا مش عارف

انا : قلبي قعد ينبض بالقوووه من التوثر .. خيرك هيثم بسم الله شن جاك .. شارب حاجه انت ولا شن واخد

هيثم : حرام عليك عارفتني نشرب ولا ناخد ف حاجه

انا : هيثم عارف روحك شن تقول مايجيش منه الكلام هذا راه .. ما تنساش اني مرة خالك

هيثم بصوت عالي وخبط يده ع الحيط : ما هذي المشكله النم لحرف انك مرة خالي .. وهوا مايستاهلش حتي ظفرك عاجبك اللي يدير فيه فيك .. خيانه . ضرب . معامله زفته تقول تخدمي عنده .. جبد نفس وهدا روحه .. سحر والله من لما جيتي وانا حاس بحاجه تجاهك .. وحاسده فيك خالد الكلب .. والله نغار عليك منه تصدقي ولا ماتصدقيش هي .. سحر والله نحبك والله لو اطلقي منه وتقبلي تاخديني والله نديرها ويملحو كلهم ما يهمني حد

انا : نسمع فيه ومصدووووومه حسيته مش طبيعي جاء ف بالي لما خالد قالي معادش تكلميه اكيد حس وشك فيه ولا شاف عليه حاجه وانا المهبوله اللي نقول خويا ما خويا و نحكيله ف كل شي🤦‍♀️ .. لما كلم كلامه مابيتش نرد عليه ولا نحكي معاه كلمه . تقززت منه اصلا لو بناقشه مش رح يتغير شي  ويحكي بطريقهزغريبه كأني مانعرفاش شكله حاسم الامر ويحكي من جده .. سكرة عليه الخط ودخلت ع المسجات بنكتبله مسج وهوا يتصل وانا نسكر عليه ف الاخير حطيته ف الحظر وبعتله ...👇

( رد بالك تتصل بيا مره تانيه وانسى انه عندك مرة خال اسمها سحر كيف مانسيت اني مرة خالك و قلت اللي قلته مانبيش مشاكل ورح نعتبر روحي ما سمعت شي وحتي تشوفني ماتسلمش عليا .. وصحيت صحيت هلبا يا خوي)...

انا : بعتله المسج وحطيت ايديا ع وجهي وانا نفكر .. حرام عليك يا هيثم يا ريت ماقتليش هالكلام وحتي لو حبيتني خليته بينك وبين نفسك علاش تخرب ف علاقتي معاك كنت معتبرتك خوي وانت هذا تفكيرك فيا .. رفعت راسي فوق ياربي زعما انا غلطت لما شكيتله وخليته يفكر اني ناقصه حب وحنان وتوقع اني بنضعف وبنبادله نفس الشعور .. اووووووف اووف الله يسامحك يا هيثم .. ويهديك يا خالد اللي خليت حتي من صغار اختك يطمعو فيا وانت مش حاس ولا عارف قيمتي لين نضيع منك ... فاتت عليا هذيكا الليله وانا نلوم ف روحي اكثر ما نلوم ف هيثم حتي النوم معادش جاني ...