She's My Boyish Girl

Chapter 43

***

Zavier Yutsuko

"TATAY SEVEN!!"  a-e-excited kong sigaw sa lalakeng nakita ko. Fudge! Ang saya saya ko! Halos tumalon na ang puso ko sa saya. Lumapit ako sa kanya at akmang yayakapin siya.

"Sino ka? Sino kayo?!" Sunod sunod nitong tanong nakatutok pa sa amin ang itak na dala dala niya.

Napaatras ako si Nox naman ay nagtago sa likod ko. Tss, kahit kelan talaga.

"Sagot! Sino kayo?! Anong kailangan ninyo?!" Galit niyang anas na unti-unting lumalapit sa'min. Habang papalapit siya ay malapit na ring mapunit ang suot suot kong damit.

"Nox! Stop that! My shirt will be ripped if you don't stop!" Saway ko. Hindi man niya binitawan ang damit ko pero niluwagan niya naman ang pagkaka-kapit. Binalingan ko naman ng tingin si Tatay Seven.

"Tay naman?! Gurang na ba talaga kayo, at 'di niyo makilala ang magandang tulad ko?!" Natatawa kong saad na naglalakas loob na humakbang papalapit sa kanya.

Kumunot ang noo niya at tinignan ako mula ulo hanggang paa. Biglang umiwalas ang mukha niya. "O'right Tay! Ako 'to! Si Ruri!!" Tinakbo ko ang distansya namin at niyakap siya.

Napayakap na rin si Tatay sa akin ng mahigpit. "Ikaw ba talaga 'yan, Ruri?" Naninigurado niyang tanong. Kumalas ako sa yakap.

"Naman Tay! Ako 'to oh! Nagbalik na ang SIGA!" Tumawa kami ni Tatay. Well, siya si Tatay Pepito Manalo. Pero, tinatawag ko siyang Tatay Seven dahil, Pito ang nickname niya sa sitio nila eh.

"Halika kayo! Teka Ruri, sino 'yang kasama mo? Parang bakla!" Mahinang bulong ni Tatay. Napatawa naman ako.

"Tay, si Nox po kaibigan ko. Sinama ko na, may utang na loob ako diyan eh." Napatingin naman si Tatay sa kanya at bumalik ulit sa'kin.

Hindi naman kami kakasya sa limo, kaya inutusan ko si Nox. "Oxford, ikaw na muna ang magmaneho niyang sasakyan. Maglalakad na lang kami ni Tatay Seven, hindi tayo kasya eh." nlnapakunot ang noo niya na tila may sinabi akong alien word. Pero tumango na rin siya kinalaunan.

"Tay! Una na po ako pumasok ah? Sosorpresahin ko pa po sila. Hehehehe, ba-bye po!" Tumakbo na ako at tinahak ang daan patungo sa mismong Sitio Mapanganib.

Nakasunod lang si Nox sa'min, malamang sasakyan 'yung sa kanya eh. Pagkarating ko roon ay nagkalat na ako ng ingay.

"Hello! Hello! Hello! Madlang people! Nagbalik na ang SIGA!" Napatingin ang lahat sa'kin at nagsimulang lumapit pero hindi masyado may distansya pa rin. Linapitan ko si Brando.

"Pare! Painom naman diyan!" Sabay tapik sa likod niya.

"Aba't sino ka—" lumingon siya sa'kin at napatanga, sinampal niya pa ang mukha niya. "Ruri?!" Gulat niyang anas. Binatukan ko naman siya.

"Naman Brandy! Brandy! Brandy!" Tukso ko sa kanya. Namula naman ang tenga niya dahil sa hiya. Nag-fist bump kami at sinamahan niya ako.

"Sino 'yan?"

"Bakit kasama niya si Brando?"

"Bakit hindi man lang siya binugbog ni Brando?"

"Ang ganda naman niya!"

"Para siyang diyosa!"

"Artista ba 'yan?"

"Hindi! Model 'yan!"

"Ang seksi naman!"

Samo't saring komento ang nakuha ko mula sa kanila. Napa-iling na lang ako, iba talaga pag maganda sasabihan ng maganda. Pero pag 'di kagandahan, 'di rin kagandahan ang i-ko-komento sa'yo. Saklap.