Unicode
{T/N- harrypotter.fandom.comရဲ့ Slytherin's Locket ကို ကောက်နုတ်ဘာသာပြန်ထားတာပါ။readersလေးတွေ novelဖတ်ရင်း ပိုနားလည်အောင်လို့ပါ။ပုံတွေကိုလည်း အဲ့ဒီနေရာကပဲ ယူ လာတာပါ။စိတ်ဝင်စားလောက်မယ်ထင်တယ်၊နားမလည်ခဲ့ရင် comment မှာ ကျွန်တော့်ကို ပြန်မေးလို့ ရပါတယ်။}
¡Ay! Esta imagen no sigue nuestras pautas de contenido. Para continuar la publicación, intente quitarla o subir otra.
"အစိမ်းရောင်လက်လက် ကျောက်များစီထားသည့် မြွေသဏ္ဌာန် အက်စ်(S)ကို သူကြည့်၏။၎င်းကို ခပ်ငယ်ငယ် မြွေတစ်ကောင်အဖြစ် မြင်ကြည့်ဖို့ လွယ်သည်။ဆွဲသီး၏ အစိတ်အပိုင်းတွေက အဖိညှပ်ခံထားရသော ပိုးဟပ်တစ်ကောင်လို ကျိကျိကျက်ကျက် မြည်နေတုန်း အက်စ် အက္ခရာကို အာရုံစိုက်ကြည့်ရင်း သူ မြွေတစ်ကောင်ကို မျက်လုံးထဲပုံဖော်နေခဲ့သည်။၎င်းကို သနားလိုက်ဖို့ လွယ်နေလောက်ပေမဲ့ ဟယ်ရီ့ လည်ပင်းပေါ်ရှိ ရှရာကတော့ ပူစပ်စပ်ဖြစ်နေတုန်း။ဆွဲသီး၏ ရွှေအဖုံးနှစ်ဖက်က ချက်ခနဲ မြည်သံတိုးတိုးနှင့် တဆုံးပွင့်ဟသွားခဲ့သည်။အတွင်းဘက် ဖန်အံခွက်နှစ်ခုစလုံးထဲ သက်ရှိမျက်လုံးတစ်ဖက် ပေကလတ် ပေကလတ် လုပ်နေခဲ့သည်။နီစပ်စပ်နှင့် အက်ကွဲရာ မျက်ဆံတွေအဖြစ် ပြောင်းမသွားခင် တွမ် ရစ်ဒယ်၏ မျက်လုံးများလို နက်မှောင် ကြည့်ကောင်းနေခဲ့သေး၏။"
[ဟယ်ရီ ပေါ်တာနှင့် ရွန် ဝီစလေတို့ မဖျက်ဆီးခင် ဆွဲသီးအား သရုပ်ဖော်ချက်]
စလေသရင်း ဆွဲသီး(လော့ကတ်)သည် မူလက Salazar Slytherin ပိုင်ဆိုင်ခဲ့ပြီး သူ့မိသားစု၏ ဘိုးစဉ်ဘောင်ဆက် အမွေပစ္စည်းဖြစ်လာသည့် ရတနာပစ္စည်းတစ်ခုဖြစ်သည်။မျက်နှာစာမှာ တောက်ပသည့် အစိမ်းရောင် ကျောက်စီ မြွေသဏ္ဌာန် အက်စ် အက္ခရာပါသော ရွှေထည် ဆွဲသီးတစ်ခုဖြစ်၏။စလေသရင်းတို့ အစဉ်အဆက်ပိုင်ဆိုင်လာခဲ့ပြီးခါမှ Gaunt မိသားစု၏ ပိုင်ဆိုင်မှု ဖြစ်လာခဲ့သည်။Marvolo Graunt သည် သူ၏ အမွေခံပစ္စည်း #လက်စွပ် နှင့် ယင်းမှော်သွေးသန့် တို့၏ အမွေအနှစ်ဖြစ်သော ထို ဆွဲသီးကို အမြတ်တနိုးရှိခဲ့သည်။Marvoloနှင့် သူ့သား Morfin Gaunt တို့ Askaban မှာ အကျဉ်းချခံရပြီးနောက် ဆွဲသီးသည် Marvolo ၏ သမီးဖြစ်သူ Merope Gaunt ၏ ခိုးယူခြင်းခံခဲ့ရသည်။ထို့နောက် အဖိုးများစွာထိုက်သည့် ရှေးဟောင်းပစ္စည်းသည် ၎င်း အမှန်တကယ် တန်ကြေးရှိသည်ထက် များစွာ နိမ့်ပါးသည့် စျေးနှုန်းတစ်ခု တစ်ဆယ် Galleons နှင့် Caractacus Burke ထံတွင် ရောင်းချခံခဲ့ရ၏။
ESTÁS LEYENDO
စိတ်ရဲ့ အလှည့် | မြန်မာပြန် |
Fanfiction✔Uploaded in both Zawgyi and Unicode. ကာကွယ်ပေးမည် ဆိုသော ဒမ်ဘယ်ဒေါ၏ ကမ်းလှမ်းမှုကို နက္ခတ်ကြည့်မျှော်စင်ပေါ်မှာ မာလ်ဖွိုင်း လက်ခံခဲ့လိုက်လျှင်ကော။ ထိုကတိကဝတ်၏ အကျိုးဆက်ဖြင့် ဟယ်ရီနှင့် ဒရေကိုတို့ အတူတူနေကြဖို့ အတင်း အစီစဥ် ခံခဲ့ရလျှင်က...
