مش ملاحظة إن الجنة ببلاش والنار بفلوس اغلب الوقت !
_ دا ازاي دا🌝
"صلوا على الحبيب"
لما حد بيشرب سجاير بيعمل اي بيشتريها بفلوس ، ولما حد بيعوز يشتري خمر بيشتريها بفلوس ، ولما حد بيلعب قمار بيدفع فلوس ، ولما حد يستلف لأنه محتاج فيستخدم الربا مش دا فلوس ، ولما حد يطلع على اليوتيوب ويعمل محتوى مش كويس او محتوى تافهه عشان يلم ناس ولايكات مش عشان يكسب فلوس ، ولما حد يطلب من شخص انه يقتل حد عشان فلوس ، ولما بنت تطلع ترقص عشان تاخد فلوس ، ولما بنت تعمل قناة وتطلع بلبس مينفعش يتلبس من اجل الشهرة والفلوس والخ...
اما الجنة : ببساطة تعملي بيت ليكِ في الجنة من ركعات السُنن ، وببساطة تقولي سبحان الله وبحمده فيبقى قدام بيتك نخل كتير بإذن الله ، ولو قرأتي القرآن كل حرف بحسنة والحسنة بعشرة امثالها والله يُضاعف لمن يشاء ، ولو قولتي لا حول ولا قوة إلا بالله بتاخدي كنز من كنوز الجنة ، ولو صليتي على سيدنا مُحمد عليه افضل الصلاة والسلام ربنا بيصلي عليكي عشر مرات وبيذكرك بين الملائكة وصلاتك بتوصل لسيدنا مُحمد ، ولو علمتي حد دينه صح وفضلتي تعلمي واحد ورا التاني بتاخدي كم حسنات متتعدش لأنك بتكوني داعية وبتدعي الناس للإسلام وبتعرفيهم دينهم ، ولما بتعدي حد الطريق ست كبيرة او عجوزة بتاخدي حسنات ، ولما بتستغفري ذنوبك بتتمحي وبتزودي ميزانك حسنات وربنا يحبك ، ولما تذكري الله ربنا بيذكرك في ملأ اعظم من ملأ الناس ، ولما بتذكري ربنا في نفسك ربنا بيذكرك في نفسه ، ولو عملتي جروب وجمعتي حبة بنات تعلميهم الصح من الغلط مش مهم العدد ممكن بعد ما تموتي كلامك ينتشر لأكبر عدد من البنات ، ولما تنصحي بنت بتعمل حاجة غلط مثلا نصحتيها متلبسش لبس ضيق وإنه اللبس الفضفاض هو الفرض ولبسته فعلا بفضل الله فساعتها ربنا استخدمك انتِ من اجل انك تنصحيها فشوفي كمية الحسنات اللي هتاخديها والأجر ، وكل ما بتحفظي آية من القرآن بترفعك درجة في الجنة ، ولما تستري نفسك باللبس الفضفاض والنقاب ربنا هيسترك دنيا وآخرة إن شاء الله ، والخ...
ممكن يكون فيه حاجات هندفع فيها فلوس زي مثلا رايحين نحج ، او مثلا هنتبرع بمبلغ
بس هي بتفرق ، لما هندفع فلوس من اجل الحرام والغلط فهنخسر دنيا وآخرة ، وبتفرق لما هندفع فلوس من اجل تبرع او هنسدد مبلغ لحد وهنكون كسبنا دنيا وآخرة ، ومن غير ما ندفع حاجة هنكسب حسنات تدخلنا الجنة وبردو لو دفعنا فلوس في حاجات كويسة فهترفعنا درجات في الجنة إن شاء الله ، فإختاري طريقك طول مانتي بتتنفسي فانتي تقدري تحددي طريقك واستعيني بالله وحده..🧡
هذا طريقنا 💪
أنت تقرأ
هنصعد سلم الالتزام معا🥺💜🌸
Spiritualبصوا عاوزين نلتزم بقي؟ اصل الحياة مش لهو ولعب بس عاوزين نعمل صح بقي♥ ولَن يُخيب اﷲ صِدق إلحاحَك ما دُمت مُتيقناً :")) وكمان الجنه جميله اوي مش يلا بقي نفوق ونقرب من الله
