هنصعد سلم الالتزام معا🥺💜🌸

الستر 😍🙈

"الستر"

صلوا على الحبيب

ربَنَا عز وجل قال لسيدنا مُحمد عليه الصلاة والسلام :
" يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُورًا رَحِيمًا"

طيب كتير مننا مفكر إن الكلام موجه لزوجات الرسول  صلى الله عليه وسلم فقط!!؟
شوفوا، عندنا قاعدة في الدين الإسلامي بتقول : "الأصل في خِطاب الشرع العموم ، إلا إذا دل الدليلُ على تخصيص ذلك الخطاب" يعني لما ييجي حكم شرعي مُوجه لشخص معين ، ده معناه إن الكلام مُوجه لكل الناس
إلا لو الشرع قال باستثناء كذا....

ُّ
لما ربَنَا يقول للرسول صلى الله عليه وسلم "يَا أَيُّهَا النَّبي اتَّق اللَّهَ " هل الكلام موجه لسيدنا محمد صلى الله عليه وسلم فقط ، هل في الكلام دليل على إن سيدنا مُحمد هو اللي يتقّي اللّٰه فقط؟! ، لا الكلام مُوجه لرسول الله عليه الصلاة والسلام ولينا احنا كمان.....

يعني احنا كبنات لازم نعمل زي ما ربَنَا قال وإننا نستر نفسنا ونحافظ على نفسنا من عين وخبث أي راجل ....

طيب كل واحدة تشوف هي بتعمل بكلام ربَنَا؟! ساترة نفسها زي ما وصانا ربَنَا؟! بتحاول وبتجاهد فعلا ونيتها صادقه ولا هي اللي قاصده؟!

هبدأ الكلام بمثال بسيط.. انا مثلا ولد وانتي ماشيه في الشارع لابسه بقى بنطلون ضيق ومحدد كل تفاصيلك وبلوزة ضيقه وهكذا ورجلك وايدك باينين وشعرك باين فجيت وفضلت اصورك كتير وكل دا وانتي متعرفيش فجيت وقولتلك ايه ياحلوة شفتي صورك اللي صورتهالك..
هتستغربي طبعا وتقولي نعم؟!

هقوم جاي طبعا مهددك بالصور دي وهتخافي وتقولي خلاص ماشي المرة الجاية هلبس واسع بس متصورنيش تاني!!..او  هتعملي المستحيل عشان تفضحيه وتثبتي انه مش كويس ويمسح صورك وتعافري وتزعلي وهتخافي طبعا ...
ماهي هياها يا حبيبة قلبي وانتي ماشيه هتلاقي نظرات شباب مايعلم بيها إلا ربَنَا نظرات يتخاف عليكي منها اساساً لأنهم شر ومش كويسين هتقولي فيه المحترم هقولك اه طبعا فيه كتير بس غصب عنه هيبص وهتفتنيه ...

هقولك مثال بسيط تاني .. انتي ليكي تليفونك الخاص وجه ولد وخده وفتحه وقاعد بيتفرج وبيشتغل عليه كأنه بتاعه ، هتستغربي طبعًا وهتقولي ايه البجاحه دي وازاي يعمل كدا اصلا دي حاجه تخصني وهو ملوش الحق ابدا انه يمسكها كدا..

ما انتي كدا ولا راجل على وجه الكرة الارضيه دي له الحق انه يلمح أي حاجه فيكي وملوش الحق يبص ويشوف تحديد جسمك أو شكله والله ما له الحق نهائي انتِ اللي مدياله الحق في كدا بتخليه يبص عليكي وبتفتنيه فبالتالي هيعاكسك وهيقولك كلام جميل خالص وانتِ تفرحي بقا وتقولي دنا طلعت حلوة خالص ..

دا ربَنَا عز وجل بنفسه بيدافع عنك وعايز يحميكي وعايز يحافظ عليكي طب ما كان عادي يخلينا نمشي بضيق بقى واللي نفسنا فيه .. بس هو عالِم إن الرجال بيفتَنوا بالنساء وعالِم نظرات الولاد ليكي وعالِم إنك كدا بتاخدي ذنوب وشوفي بقا بتنزلي عشان تجيبي حاجه او تروحي درس ، مدرسه ايا كان بتطلعي بسيئات طب وليه تخلي ميزان سيئاتك بيزيد بسبب عيل ملوش اي لازمه وبصته ومعاكسته مش هتنفعك والله وهتعرفي دا وربَنَا مش بيسيبك وبيدلك على الطريق الصح رغم إنك بتعاندي !

نخش بقى في موضوع اما اكبر!

اصل فلانه لبست النقاب اما كبرت هبقى اعمل زيها وخلاص!
غلط يارفيقتي غلط والله زي ما كل واحد له يوم ويموت فيه ، كل واحد له وقت ويختار الهِدايا وربَنَا يهديه ..وفيه بيختار الضلال وربنا مش بيسيبه بس لما بيبقى مُصر فخلاص قُضي الأمر....

ملكيش دعوة بحد اسمعي الكلام ارجوكي رجلك اللي بتبينيها دي هتقولي هو بينتها ليه ولمين ولا إيدي ولا شعري  قولتلك ندم الآخرة محدش هيستحمله وانتي شايفه اللي سترت نفسها هناااك اهي بس انتي معرفتيش تبقي زيها بسبب اللي حواليكي وكلام الناس والمجتمع وربك هيسألك ، ويقولك جبتلك اشارة يوم كذا فاكرة وتفتكري وهتبقي لو تتمني ترجعي تلبسي اللبس المستور وترجعي لربك تاني وتدخلي جنته 🥺💔

كلمة ياريت عمرها مابتنفع دا لما مثلا بيجيلك امتحان ومذاكرتيش وكسلتي مع إنك تقدري وتلاقي كل اصحابك قفلوا الدرجات وانتي لا بتحسي بزعل وقد اي كان نفسي وبتفضلي تتحسري ...مابالك الأخرة ياغاليه وحسرتها

ارجعي البسي واسع امنعي البناطيل خالص امنعي أي حاجه بتحدد جسمك او شكله ولو أهلك معترضين على النقاب عافري افضلي عافري وقولي انا بس اللي هتسأل على اعمالي وانا اللي هتحاسب ومحدش هيبقى معايا لا اهل ولا اصدقاء ولا الناس اللي قعدوا يلعبوا في دماغي

قولتلك طريق الجنه محتاج معافرة عشان الجنه تستاهل  صدقيني...لما منى اختي كانت بتكلمني او تجيب سيرة النقاب انا عارفه انه فرض بس كنت بشوف ان صعب البسه في يوم وليله كدا هاخدها واحدة واحدة لحد ما ربي والله ماسبني..كان يجيبلي اشارة من هنا ومن هنا ويبعتلي رسايل كأنه بيكلمني لحد اما الحمدلله اقتنعت ووعدته اني هلبسه في بدايه الدراسه وانيهثبت على موقفي وجيت في يوم وليله لبسته ونزلت بيه ومستنتش الدراسه واهلي وافقوا وكل حاجه عدت وخلصت بس عارفين ليه لأن عالِم بالنوايا والله وعالِم قلبك نفسه في الستر ولا في الضيق والبناطيل وغيره واوعي تقولي طب مافيه ساترين نفسهم ومش كويسين هقولك تاني ملكيش دعوة بحد ليها رب يسألها ويحاسبها انتي فين..فين اللي عملتيه للجنه هتقولي النهاردة يارب ادخلها وبكرا وبعده خلاص لحد ماتموتي وتقولي ياريت لو ارجع اعمل للجنه تاني

دار النعيم ياغاليه تستحق وزي ما قولتلك هتشوفي ربَنَا واخيرا وهتسمعي صوته وهنتكلم كلنا مع بعض *هيكلمنااا افتكري بس انك هتشوفيه وهتشوفي سيدنا محمد عليه الصلاة والسلام*....

خليكي دايمًا عارفه إن الستر مش اي حد بيعمل بيه وصدقيني احنا في مجمتع خلاص اللي هو الستر معتش موجود " إلا من رحم ربي" ارجوكي إستقيمي وملكيش دعوة بحد واقعدي إحسبيها بعقلك ياترى اللي بعمله دا يستحق اني أدخل الجنه ولا لا 🥺💙
انا بحبك وعايزاكي تفوقي عايزاكي تشوفي إنها فانيه مهما كان سنك مهما كااااان مادمتي تتنفسي ف اعملي واتعبي وعافري🌸