اغلب ردودكم اننا هنسقط وهندمر وهكذا!
"صلوا على الحبيب"
بنات اوعوا اللي الوزير بيعملوا دا يخليكوا تنسوا إن دا مكتوب مش من جمال الوزير يعني!
مبدأياً سواء راحة اي مرحلة من التعليم مش شرط ثانوي كدا كدا كليتك مكتوبة ومجموعك مكتوب ومكتوبلك في الأمتحان هتعملي كذا كل حاجة مكتوبة عشان ربنا عالِم الغيب ، ومتنسيش إن ربك مبيضيعش تعب حد ابدًا والله ولو مثلا تعبتي وموصلتيش! اوعي تبصي لأي حاجة بسلبي مرة بسمع معلمتي ربنا يباركلها والقصة دي حقيقية يعني حصلت معاها كدا في ام وعيالها اربعة وهي كبيرة عادي فراحت تحج فدعت إن ربنا يرزقها وعيالها بدخول الفردوس الأعلىفخلصت وهي راجعة رجليها اتكسرت المهم إن رجليها حصلها حاجة فقطعوا واحدة من رجليها اللي هي اتكسرت فالمعلمة عماالة تصبرها وهكذا فقالتلها لا يبنتي انا دعيت بالفردوس ودا الجزاء بتاعها ..❤️
هي هنا كانت تقدر تنسى إن هي دعت مثلا وتقعد تزعل وهكذا مع إن رجليها دي مهمة اهم من تعليمنا اللي خايفين عليه دا ومع ذلك قالتلها كدا ودي نوعية من الناس بيبصوا لكل حاجة بيقين وصبر ، فانتي لما تتعبي ومتوصليش انتي تفرحي يا ذكية عشان معنى كدا إن ربنا اولا بيحبك وبيختبرك تاني حاجة بيحضرلك حاجة اكبر من اللي كنتي بتتمنيها بس ساعتها يا هتفوزي بالأجر بتاع صبرك يا لا ، ولما تلاقي حد مبيتعبش خالص وعايش حياته " إلا من رحم ربي" ووصل انتي هنا تزعلي عليه مش تزعلي إنه ليه مش انتي لا عشان فيه حاجة هتحصلوا هتخليه يندم إنه ضيع وقت ولعب وخد مجهود غيره وغيره من دا كتير فبردو محتاج إنك تتعلمي عن الصبر وتسمعي قصص كتير اوي عشان تملي قلبك وعقلك يقين ويبقى عندك حكمة في كل حاجة مش تايهة وعمالة تعيطي على كل كبيرة وصغيرة فلا لازم تتعلمي الصبر ، سمعت مرة دكتور حازم شومان الله يباركله بحبه جدا حقيقي بيقول إن الشوكة اللي بتتشوكيها دي اختبار والواقعة اللي وقعتيها مثلا في البيت او في الشارع ايا كان اختبار عارفة ليه عشان هتتشوكي يا هتعملي حاجة من الأتنين اما هتصبري وتقولي الحمدلله من قلبك فعلا واما هتقعدي تقولي ليه انا وتنفخي وتتعصبي واجرك يروح وكمان ممكن تشتمي فتاخدي ذنوب عشان كدا مش اي حد عنده النقطة دي ، نقطة الصبر على كل حاجة ، يعني الوزير دا والله ابتلاء لينا من عند ربنا عشان يختبرنا اة والله😂
اساسا استغربت من اللي كتبه حاساه بيكررهنا اوي اللي هو طب ما لو اغلبنا سقط مثلا مهو هنفضل نعيد السنة كل شوية فاغلبنا بردو هيسيب التعليم ساعتها بسبب تصروفاتو وهو كدا اللي هيخسر والله بحسه متخرج من كلية عقول لا تفهم ، مش عارفة بجد دا لو مات مين هيدعيله اصلا 💔😂
والله بضحك على المنشورات بتاعته اوي ومتابعاه غصب عني والله اللي هو عشان اعرف الأخبار بس غير كدا لا لأني راحة تانية ثانوي ، فسيبكوا يعيال والله وافضلوا ادعوا ، وافتكري إنك ياما ما دعيتي بحاجات كانت مستحيلة في نظرك ونظر كل اللي حواليكي بس اتحققت وافتكري إن الدنيا دي عند ربنا ولا حاجة عشان تبقى هي عندك مهمة! وتعمللها اهمية لا خالص وكمان احلامك دي ربك قادر يحققهالك في نفس الوقت اللي بتدعي بيه بس دي الدنيا مش الجنة في الدنيا اختبارات وفرح وحزن وابتلاء وفرج وحاجات كتيرة ودعوات مستجابة ودعوات لا وفيها اختبار لصبرك وياترا هتفوزي او لا انما الجنة مفيهاش غير شعور واحد بس وهو السعادة الأبدية واي حاجة عايزاها هتجيلك من قبل ما تحلمي بيها عشان ربك عالِم الغيب فانتي تتوقعي اي حاجة تحصل في الدنيا ، الأهم إن تظني بربك سوى الجميل وبس الظن الجميل وبس حقيقي هتظني غير كدا هيجيلك بنفس ظنك🚶🏻♀️❤️
متيأسيش متيأسيش متيأسيش ، إياكي من اليأس دا مدخل كبير للشيطان عشان اليأس يعني بيأس من روح الله ولا يأس من روح الله إلا الكافرون "وَلَا تَيْأَسُوا مِن رَّوْحِ اللَّهِ ۖ إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ" يعني الشيطان ماهيصدق لا اغلبيه واي وساوس تيجي عرفيه إن ربي قادر وإنه بيحبني وهيدبر امور حياتي لأنه هو اللي خلقني فهو الله ربي الجميل ومش هنظن بالله غير الجميل إتفقنا؟ إتفقنا..❤️🌚
بحبك في الله يا مُتَيَقِّنة..🌸❤️
المُتَيَقِّنة بالله
أنت تقرأ
هنصعد سلم الالتزام معا🥺💜🌸
Spiritualبصوا عاوزين نلتزم بقي؟ اصل الحياة مش لهو ولعب بس عاوزين نعمل صح بقي♥ ولَن يُخيب اﷲ صِدق إلحاحَك ما دُمت مُتيقناً :")) وكمان الجنه جميله اوي مش يلا بقي نفوق ونقرب من الله
