هنصعد سلم الالتزام معا🥺💜🌸

متيأسيش

متيأسيش...❤️

"صلوا على الحبيب"

كتير اوقات بتيجي علينا بنييأس واغلبيتنا حصلنا اليأس دا .. صح إنه حرام مهما كان اي في حياتنا مينفعش ابًدا نييأس لازم نثق في ربَنَا زي مابنحبه لازم وإلا اليأس هيبقى شئ اساسي ومش هنعرف نتعامل معاه وهي اه بتبقى اوقات زعل واكتئاب لكن تقدري تمحي اليأس دا تقدري تعلمي قلبك اليقين بالله تقدري تخلي قلبك يعرف مين ربه وإنه فعلا قادر على كل شئ بلا إستثناء لازم تعودي قلبك على الثقه بالله وحده ..

اي حاجه بتتمنيها اي حاجه حلمتي بيها ونفسك تتحقق روحي اسجدي اجري على الصلاة وارفعي ايدك وقولي يارب انا نفسي في كذا انا عايزة كذا بس يارب لو هي خير ليا خليها من نصيبي ولو مش خير ليا ابعدها عني مش عايزاها خلاص ..
مش لما بنعوز هضوم او مثلا اكل او اي حاجه من دي بنروح لماما او بابا ونقولهم انا نفسي في كذا انا عايزة دي ودي وبيبقوا عايزين يعملوا المستحيل عشان بس يجبولك اللي نفسك فيه حتى لو مش معاهم بس فعلا بيعافروا عشان يفرحوكي ..

ولله المثل الأعلى قادر على كل شئ قادر يحققلك كل أحلامك من اول ما اتولدتي لحد السن اللي انتي فيه لكن دي دنيا يعني فيه خير وفيها شر وفي ناس كويسه وفيها ناس مش كويسه فعشان كدا لو ربك كان استجابلك في كل حاااجه فكدا كنتي ممكن ماتحمديهوش وبكدا مكنتيش هتاخدي حسنات صح؟
فهو عايزك تاخدي حسنات وعايز يعلمك الصبر عايز يقولك اصبري يا فلانه انا قادر ولكن هتتعلمي اي لو انا استجبتلك في كل حاجه ! كدا مش هتبقى دي دنيا صح ؟ كدا مش هتعرفي قيمة الجنه ولا هتعرفي قيمة المعافرة ..

فسبحانه يدبر الأمر وخلق كل الكون دا ومفيهوش ولا غلطه ابدًا فهو عالِم بكل حاجه هو عالِم لو كان استجاب لينا في كل حاجه مكنش حد هيعافر ومكنش حد هيحمده وانتي بنفسك عارفه دا عارفه لو فعلا كان استجاب مكنتيش هتحمديه ومكنتيش هتعرفي قيمة الجنه ، بالعقل لو كان استجاب لكل حاجه وخلا الشر كان بدله بخير فين المعافرة فين اني لما اشوف حد اقل مني هحمد ربنا من قلبي واقول الحمدلله إننا احسن من غيرنا فين معرفة قيمة الجنه ومكنتش هتبقى اسمها دنيا ساعتها ...

الدنيا دي انتي نزلتيها معاكي ورقة امتحان بالظبط فيها كدا  ..

كنتي بتحمدي ربك؟
.......

كنتي بترضي ربك؟
........

كنتي ذات خُلق ودين؟

........

كونتي صبورة؟

........

كنتي بتسبحي وتستغفري؟
........

كنتي بتصلي على الحبيب؟
.........

اتعلمي عن دينك واعرفي من ربك واعرفي عن سُنن رسولك سيدنا محمد عليه افضل الصلاة والسلام اتعلمي؟
.........