-متضايق أوي يا صاحبي وزهقت من عيشتي كل يوم نكد ومشاكل تعب
=ايه السبب طيب
-مش عارف كل اما اطلع من مشكلة ادخل في التانية
=اكيد ربنا رايدلك الخير فبيبعتلك الحاجات اللى تكفر لك عن ذنوبك
-ايييه!
=بص _{ }_____
شايف القوس اللى في النص ده هو حياتك..
اللى قبله ماضي واللى بعده مستقبل فأي ذنب عملته في الماضي وما تبتش عنه هينطلك من الماضي في حياتك أو في المستقبل وممكن يستناك في القبر وممكن في الاخرة أو في التلاتة💔
《فَمَن يَعْمَلْ مِثْقَالَ ذَرَّةٍ خَيْرًا يَرَهُ ومن يعمل مثقال ذرة شرا يره》
يعني ضيقتك والحاجات الوحشة اللى بتحصلك دي من وراء ذنوبك اللى عملتها في حياتك قبل كده ولسه بتعملها يعني المفروض منزعلش وتستقبل ده كله برضا وصبر واعرف ان ده خير لك
- طيب ما في ناس بتعمل بلاوي وعايشة سعيدة
= وانت ايه عرفك انهم مبسوطين ولنفترض انهم كذلك يمكن يكون ده استدراج من ربنا ليهم وجاعل عذابهم كله في الاخرة
وعذاب الدنيا اخف كتير من عذاب الاخرة اللى هو أشد وأبقىٰ
- الحمد لله طيب مش عايز اشوف وش ذنوبي دي تاني واعيش مرتاح اعمل ايه؟!
=بسيطة
♡قوم دلوقتي اتوضى وصلي ركعتين توبة عن كل ذنوبك وتعاهد مع ربنا انك مش هترجع ليها تاني واقطع كل باب للمعصية وسيب صحابك اللى بيصغروا المعصية في عنيك ويخلوك تضحك عليها
♡اتبع السيئة الحسنة تمحها {غلطت خلاص ما تقعدش بقا زعلانن قوم امسحها بربعين قرأن او ركعتين}
♡داوم على الإستغفار
♡الاكثار من النوافل في الصلاة بجانب الفرائض
《وَأَقِمِ الصَّلَاةَ طَرَفَيِ النَّهَارِ وَزُلَفًا مِّنَ اللَّيْلِ ۚ إِنَّ الْحَسَنَاتِ يُذْهِبْنَ السَّيِّئَاتِ ۚ ذَٰلِكَ ذِكْرَىٰ لِلذَّاكِرِينَ》
♡ولا تحتقرن من الذنوب شيئا يعني الذنب ولو صغير خالص ما تعملوش بلاش شتيمة والفاظ ،بلاش تنمر، بلاش غيبة ونميمة ،بلاش أغاني ومسلسلات وافلام بلاش عقوق بلاش لبس ضيق بلاش نمص ... كفاية يا جماعة والله مفيش ذنب صغير وما فيش كلمة عادي دي في الدين...
كفاية استهزاء بالذنوب و تضييع في حياتك ووقتك والله لتندم💔
《 يا عائشة ، إياك ومحقرات الذنوب ، فإن لها من الله طالبا 》
♡ولا تحتقرن من المعروف شيئا اي طاعة اعملها
¤بدل ما تشرب وانت واقف اشرب وانت قاعد واشربها على 3 مرات وسمي بالله قبل الشرب واحمده بعد الشرب
¤ ابدأ الشات أو المكالمة بالسلام عليكم ورحمة الله وبركاته وخد 30 حسنة
¤بدل كلمة شكرا (بجزاكم الله خيرا ) و كلمة تمام (بالحمد لله )
¤اتوضى لكل فرض حتى لو كنت على وضوء فالوضوء بيغسل الذنوب اللى موجودة في العضو ما بالك بقى خمس مرات بتتوضى هتغسل ذنوب قد ايه في اليوم الواحد
¤طوِّل في سجودك وركوعك عشان الذنوب تقع من عليك..
انت عارف انك لما تبدأ تصلى ذنوبك بتتجمع فوق راسك وعلى اكتافك فلما تسجد وتركع ذنوبك دي بتقع!
شوف بقى كام سجدة في الفرض وعندك خمس فروض
¤نفسَك ده ما تسيبوش كده طالع خفيف احشره (بسبحان الله أو استغفر الله أو الحمد لله) عشان تستنفع من وراه
《 عن عائشة أن رسول الله صلى الله عليه وسلم قال : يا عائشة ، استتري من النار ولو بشق تمرة ، فإنها تسد من الجائع مسدها من الشبعان》
- تمام بس لحظة في ناس كويسين جدا ومتدينين وعارفهم كويس يعني مش بتوع مظاهر وبرضو معذبين في الدنيا دول ايه وضعهم؟!
= بص الابتلاء ما بيجيش مغفرة بس لكن كمان بييجي أوقات لرفع الدرجات..يعني لو الإنسان ملوش سيئات خلاص وربنا رائد انه يرفعله درجاته وعمله مش مكفي فبيبتليه ولو صبر ورضي ينول الاجر "أهم حاجة الصبر والرضا"
صلوا على الحبيب المصطفى صلى الله عليه وسلم
سبحانك اللهم وبحمدك أشهد أن لا إله إلا أنت أستغفرك وأتوب إليك
#حياتك_فرصة
#ساره_حسن
أنت تقرأ
هنصعد سلم الالتزام معا🥺💜🌸
Espiritualبصوا عاوزين نلتزم بقي؟ اصل الحياة مش لهو ولعب بس عاوزين نعمل صح بقي♥ ولَن يُخيب اﷲ صِدق إلحاحَك ما دُمت مُتيقناً :")) وكمان الجنه جميله اوي مش يلا بقي نفوق ونقرب من الله
