هنصعد سلم الالتزام معا🥺💜🌸

صديقتي

الصداقة...❤️

"صلوا على الحبيب"

اتكلمت قبل كدا عن الحب هكلمكم عن الصداقة...

محدش عارف يعني اي صداقة هي اه كلمة صغيرة خالص لكن كبيرة جدًا ومهمه في حياتنا بجد ومش زي ما احنا مفكرين خالص عن الصداقة..

عايزة تختاري اصدقاء صح
فإختاري الحنينه اللي بطبطب عليكي وتقولك مالك في اي مين زعلك ، اختاري اللي لما تلاقيكي فاشلة في دراستك وهي اشطر منك مش تقعد تقلل منك وتقعد تحسسك إنها الأشطر ، لا اختاري اللي تقومك كل ما تقعي وتقولك فين هدفك لازم يكون ليكي هدف انتي مش فاشلة انتي تقدري تكوني احسن ، اختاري اللي متعايركيش عشان معكيش فلوس او عشان فقيرة وعشان هي غنية لا اختاري اللي تبقى عارفه إن الدنيا فانيه وكله رايح فمش هتعاير حد ، اختاري اللي ديمًا بتبصلك نظرة مليانه حب من قلبها ، اختاري اللي لما تقعي في مشكلة تروحي تفضفضلها من بعد ربك ، اختاري اللي تحسس قلبك بالأمان من ناحية إنها بتحبك عشان اوقات كتير بنحس بشعور صعب اوي وهو إن الإنسان دا بيحبني او لا فساعتها تختاري اللي فعلا مش هتحسسك إنها مش بتحبك ، اختاري اللي تبقى بتزعل على زعلك اكتر منك وبتفرحلك اكتر منك ، اختاري اللي فعلا بتعين اسرارك وبتحافظ عليها اختاري اللي بتتمنالك الخير وبتدعيلك ، اختاري اللي تبقى معاكي في الوحس قبل الحلو ، اختاري اللي تفهمك وافهم بتتعصبي من اي وبتضايقي من اي ومبتعملوش ، اختاري اللي تعمل عشان اي حاجه ومتبعكيش محدش كامل لكن على الأقل اختاري صح ..

طب وهلاقيها ازاي!

كلنا صاحبنا وصاحبنا الوحش والحلو بس فيه اختار يكمل مع الوحش وفيه اختار إنه يكمل مع الحلو وفيه اختار الاتنين..

احنا كبني آدمين عندنا عقل ربَنَا ميزنا بيه وعارفين إن اللي بيصاحب حد مش كويس يا هيضعف ويبقى زيه يا هيخليه كويس زيه يا هيبعد خالص..

يعني انتي مصاحبة بنت مش كويسه ومصاحبة ولاد وبتعمل ذنوب وغيره متسبهاش انصحيها  مرة واتنين وتلاته وعشرة اتأكدتي وعرفتي إنها ثابته ومش مقتنعه خالص ومش راضيه تسمع منك ولا اي حاجه رغم إنك جبتلها كل الأدله وعملتي عشانها كتير فساعتها لازم تبعدي لأنك إنسانه زيها ممكن تضعفي بس اكيد بيرجع لإيمانك بالله في الحالة دي تبعدي وفي الأول والأخر اللي بيعوز الهِدايا ربك بيهديه واللي مش بيعوز ربك بيضله فانتي هتكوني ساعتها عملتي اللي عليكي وربك يتوكل أمرها لكن متقوليش مش هينفع اسيبها لأنها صديقتي المقربة وهتزعل وهكذا مانتي مسبتهاش وفضلتي معاها وكذا مرة تعرفيها الصح من الغلط فساعتها لو اتغيرت يبقى كويس والحمدلله خلاص كلنا بنعمل ذنوب ولو مسمعتش منك هتفضلي معاها كدا وانتي خايفه تبقي زيها او تتعلمي حاجه منها وقوليلها الحقيقه قوللها انا مش هعرف اتعامل معاكي اوي يعني لو عوزتي اي حاجه انا موجودة لكن متجيش تقوليلي تعالي نسمع اغاني تعاالي نشوف صور الشباب دول كدا طب تعالي نجيب البنطلون المقطع الجديد دا طب تعالي ننم على البنت اللي هناك دي مرة في مرة ممكن تسحبك لأنك عارفه إن الصاحب ساحب وفيه بيثبت وربَنَا يثبتنا وافتكري إن الصديق بيفتكر صديقه يعني مثلا لو دخلتي الجنه وكدا وفيه صديقه بتحبيها حتى لو بتعمل ذنوب سبحان الله بتتمني إنها تبقى معاكي ولو ربك اراد فهيستجاب فعشان كدا صاحبي اللي تفتكرك في الدنيا والأخرة على الأقل هتبقوا مع بعض في الأخرة ومفيهاش موت بقى ...

دا لو هي مش كويسه اما الكويسه بجد طبعًا محدش مبيعملش ذنوب ومحدش معندوش عيوب لكن بتفرق عن شخص بيحاول يبعد عن الذنوب وشخص عايزها وكله همه يرضي نفسه فبيبان هتبقى مثلا بتشدك للصلاة للطريق الصح للمعافرة لدخول الجنه وكل شوية تفكرك إننا هنموت بلاش اغاني بلاش تبصي على الشباب احنا مش عايزين سيئات بلاش وبلاش وبلاش وساعتها دا مش تعقيد دا ونعم الصديق الصالح يعني المختصر هو إنك تختاري صحبه صالحة غير كدا فهتعاني طيب انا اختارت غلط وعملت ذنوب ، محدش معملش ذنوب ومحدش مغلطش وكلنا صاحبنا الوحش واحنا كنا وحشين في نظر ناس بردو لأننا بشر وبنغلط لكن الشاطر اللي هيتعلم وهيعرف إنه لا لازم اوقف الذنب دا ويفوق فياحبيبتي لو حسا إن ليكي صديقة بتسببلك اذى او بتسحبك لحاجات مش كويسه ابعدي عنها بعد ما خلاص نصحتيها وعملتي كل اللي تقدري عليه وإلا لو همك زعلها فهي ممكن تستغل إنك هتخافي على زعلها لو معملتيش كذا وكذا وانتي لازم يهمك زعل ربك منك مش زعلها هي وادعيلها بالهِدايا وربَنَا يهدينا جميعًا ..

اي حد بيسببلك اذى حسا إنه بيسحبك لحاجات مش كويسه زي ما قولتلك انصحي مرة واتنين لحد ما خلاص عملتي اللي عليكي .. قبل النصيحه متقبلش خلاص ، ومتروحيش تنصحي ولد لأنه عنده شيوخ وعنده ناس يستفاد منهم فمتخليهوش يستغل طيبتك ، فاالحاجات دي تجنبيها تمامًا يعني متحطيش في دماغك ، واللي عايز يحبني بعيوبي يحبني لأن محدش كامل واللي مش عايز فمع السلامه ويوم لما هتتغيري هتتغيري عشان اللي يرضى ربك ويرضيكي لأن رضا الناس غاية لا تدرك لو قعدتي ملاييين السنين هيفضل فيه ناس شايفين فيكي عيوب فإجعل

ي هدفك دائمًا رضا ربك وبعدين اهلك او لو متجوزة وبس الباقي بقى العالم الخارجي خليكي بس كويسه معاهم وكدا واتعاملي بحنيه واعملي باللي أمرك بيه ربك ورسوله ..💜

بحبك في الله يا مُتَيَقِّنة🌸

المُتَيَقِّنة بالله