هنصعد سلم الالتزام معا🥺💜🌸

الأهل

الأهل...❤️

"صلوا على الحبيب"

عيلتك مش زي عيلتي مش زي عيليتها كلنا مختلفين تمامًا ومحدش مثالي ولا أب مثالي ولا ام مثاليه ولا اخت مثاليه ولا اخ مثالي انتي مش مثاليه ولا انا لأن كلنا بلا إستثناء عندنا عيوب وكلنا بنغلط وكلنا بنعمل حاجات غلط كتير بس فيه فرق بين عيله بتحاول تكون مثالية لعيالها وعيلة بتخلي عيالها هي اللي تخليهم مثاليين وبالحالتين دي حاجه كويسه مش وحشه كلنا بنحتاج يكون عندنا كل حاجه بنمتناها بس  دي دنيا مش جنه الدنيا لازم تكوني فاقدة فيها حاجات كتير بتحبيها وإلا مكناش هنعرف قيمة الجنه..!

بصي يا جميلتي مهما كانو اهلك كويسين مش كويسين مهما كانو انتي لازم تحترميهم دايمًا وتعامليهم كويس وتعملي اللي يطلبوه منك وتكوني ابنة صالحه حتى لو دا بيإذيني؟!

حتى لو دا بيإذيكي خدي بالك من حاجه إن اللي بيبر ابوه وامه دا مهما يعملو انتي مش متخيله مكانته عند ربه مش متخيلة ولا انا متخيلة يكفي إنك بتستحملي الكبيرة قبل الصغيرة وبتقولي ياااارب انا بحبهم ومقدرش اعصيهم وابقى وحشه يكفي إنك بس بتحاولي تخليهم احسن وتشديهم للطريق الصح يكفي انك بتسمعي الكلام يكفي انك بس مبتقاوحيش ولا بتقولي لا ومش هعمل يكفي والله يكفي ...

انا بشوف بعيني الأهالي دي بشوفها بشوف اللي بتحرج بنتها قدام صحابها وبشوف اللي بتعامل بنتها وحش بشوف اللي بتضربها قدام الناس وهي كبيرة عادي بشوف اللي مخليه بنتها ماشية مبينه جسمها ومخلياها كاسيه عاريه وبتكلم ولااد عادي واي يعني اما بنتي تتشهر ويبقى عندها صحاب ومش بتنصحها بشوف اللي بتهينها ومش مخليه عندها شخصيه بشوف اللي بتقعد تختارلها كل حاجه هي ولا كأن لبنتها رأي بشوف اللي بتعاملها اسوء معامله وكأنها خدامه مش بنتها بشوف اللي بتخلي عيالها يشحتوا من الناس ويمدوا ايدهم وبيكون عندهم بالأربع او العشر سنين بشوف امهات بتكره عيالها بشوف وبحمده!

وانتي بتشوفي وفي كل مرة بنشوف كدا بنحمد ربَنَا اوعي تفكري إنه كدا مش هيتحاسبوا!!!
لا لا الإبن او الإبنه هيتحاسبوا لو عصوا اهلهم او عاملوهم بإسلوب مش كويس او اللي بيضرب اهله دا وبيرميهم ، هكذا الأهل إن مربوش صح وطلعوا اجيال كويسه او يعاملوا عيالهم كويس ويحسسوهم فعلا إنهم ضناهم اوعي تفكري إن ربك مش شايف كل دا! دا شايف وسامع وعالِم بكل ام طلعت بنتها وحشه بسبب تربيتها وعالِم بكل ام طلعت بنتها مش كويسه بسبب تربيتها وعالِم بكل ام خلت عيالها تشحت ويترموا في الشوراع عشان فلوس .. عالِم والله وعالِم إنك تعبانه وبتتوجعي ودا بيسببلك أذى والله عالِم ..

وعارفه عالِم بردو بإنك صابرة وإنك واثقه إنه هيعوضك عن كل دا وإنه عوضه هينسيكي كل حاجه بمعنى الكلمه انتي عارفه إنه اختارلك ام او اب مش كويسين عشان هو بيحبك و عشان لما العوض يجي تحافظي عليه ، وهو إنه هيعوضك بزوج تعقدي تحمدي ربك عليه لأخر نفس في عمرك او عيال صالحين ويحبوكي جدا ويطبطبوا عليكي وحنينين حتى من غير ماتتعبي في تربيتهم هيعوضك بعد الإبتلاء ايا كان عشان لو مبتلكيش وبعتلك الشخص دا انتي ممكن متعرفيش قيمته ممكن تعامليه وحش ممكن تإذيه وانتي مش واخده بالك فبيبتليكي بقى في اهلك في صحابك وكمان ف الحب عشان يوم ما يدخل الشخص الصح حياتك تعرفي تفرقي تعرفي إن دا العوض الحقيقي وصدقيني وبقولهالك من قلبي عوض ربنا مش بس بينسي دا بيخليكي تشكري ربنا إنه ابتلاكي عشان العوض دا يجي وكلنا عندنا ابتلاءات كلنا اوعي تفكري إن ربك مش بيحبك عشان كدا مخلاش عندك اهل يحبوكي لالا ابتلاءك مش زي ابتلاءي مش زي ابتلاءها احنا مش زي بعض ، عارفه ليه مش زي بعض عشان لما دي يكون عندها ابتلاء ويجيلها العوض فتتكلم عن العوض دا تقوم الرسالة راحه لبنت فاقدة الأمل فتقرأ الرسالة فالأمل يتجدد ويتجدد وتعرف إنه ربها فعلا هيعوضها زي ما قدر يعوض البنت دي هو قادر على كل شئ كلنا رسالة لبعض كلنا بننصح بعض وبندي لبعض خبرة من الحياه ومن اللي شوفنا فيها عشان انتي تتعلمي فهتعملي عيالك وعيالك يعلموا عيالهم وعيالهم يعلموا عيالهم ونفضل نعلم في بعض ومش فضل مننا لا دا من ربنا بيخليكي قاعدة زعلانه فربنا يخلي حد ينزل رسالة فرحه وفيها تفاؤل تقومي انتي فاتحه الفون او اي حاجه وتلاقيها في وشك وتحسي إنه فعلا ربك بيكلمك والرسالة بتكون ليكي تحسي إن ربنا بيقولك متزعليش انا هعوضك لكن انتي اصبري عشان دي الدنيا وفي الجنه مش هيبقى فيه احلام لأن اصلا هتجيلك الحاجه لحد عندك قبل ماتحلمي بيها لأنه خلاص الصبر مش هيبقى موجود هتبقي في نعيم دايمًا ..