هنصعد سلم الالتزام معا🥺💜🌸

سلسله ذكر_واحد_أفضل_من_ذكر_الليل_مع_النهار

👌النهارده كنت بذاكر في الأمراض العصبية -نسأل الله التيسير- بذاكر في مخ الإنسان🧠 والله العظيم أنا مخي تاه يا جماعة..

😮 قعدت أدخل على النت على أفلام عن المخ حاجة سبحانك يا رب كل ده في مخنا  احنا.

🧠الفص الأمامي ده اللي ربنا اتكلم عنه في سورة اقرأ لما ربنا قال:
🌸 "كَلَّا لَئِن لَّمْ يَنتَهِ لَنَسْفَعًا بِالنَّاصِيَةِ" (العلق : ١٥) .

🤔اشمعنى الناصية ❓اشمعنى الفرنتل لوب ❓

✳️العلماء كلهم في المراجع الأجنبية يقولك :
🩸إن الفص الأمامي ده اللي خلاك أنت بني آدم أصلًا
🩸الفص الأمامي ده هو سر أصلًا إتخاذ القرار.
🩸هو اللي بيكون شخصيتك.
🩸هو اللي بيكون اتخاذ القرار في حياتك ردود أفعالك في الحياة.
🩸الفص الأمامي ده هو اللي بيتحكم في شهوتك الجنسية ..

🤔يعني إيه❓ يعني ساعات تلاقي حيوان كلب مثلًا ذكر وأنثى بيجامعوا بعض في الشارع أي حيوان حمار وحمارة أي حد بيجامعوا بعض في الشارع ، ليه❓ لإن الفص الأمامي ده مش عنده شغال بالمنظر ده.

🩸لإن الفص الأمامي ده اللي بيخلي البني آدم عارف لما يجي يعمل حاجة يعملها فين .

👌🏻عشان كده يقولك من علامات إن الفص الأمامي ده يبوظ -ربنا يحفظنا- إن البني آدم بيرجع طفل تاني 👶 يقعد يمص صوابعه ، يقعد يمسك في الحاجة ،لو كَحَّت في إيديه تلاقي بقه يقعد يعمل زي النونو الصغنن كده .

😔وهو عنده ستين سنة وسبعين سنة وتمانين سنة يرجع طفل تاني ، ما عادش يتحكم في أفعاله ، ويعمل حمام في أي مكان ، عايز يقضي شهوته الجنسية في أي مكان ، خلاص ماعدش بني آدم أصلًا  .

🤯الفص الأمامي ده تدفعي فيه كام الفص الأمامي ده مركز القرار .
🩸ده اللي خلاك بني آدم أصلًا.
🩸ده اللي خلاكي متدينة.
🩸ده اللي اتخذت قرار التدين وسماع المقطع ده بيه .

🧠في مركز في المخ يا جماعة لو باظ بيعمل  حاجة اسمها ورد سلاد ، بيبقى كلامك سلطة -ربنا يحفظنا يا رب- سلطة ، قطة ، كلب ، راح ، أكل ، هو مش عارف يتكلم أصلًا ، مش عارف يعبر عن اللي جواه بقى أكله بقى كلامه عامل زي السلطة😟.

👼 من أجمل الحاجات اللي قرتها النونو بيشوف مامته بـ أخر مركز في المخ من ورا 👀 ، إنما بيعرف إن دي مامته بمركز تاني قدامه ..

🤍وبيقدر يفتكر صورة مامته وهي مش قدامه بمركز تالت جنبهم.
👂وبيسمع صوت مامته وهي بتقوله يا حبيبي بمركز تاني في نص الدماغ ، مركزين تانيين في نص الدماغ..
.
👌🏻وبيربط صوتها بصورتها بمركز تالت ، شوفوا كل المراكز دي. 😍وبيقولها يا ماما لما يبدأ يقول أجمل كلمة قلب الأم بيرقص عندها بيقولها بمركز  تاني .

🧠بروكس أريه دي منطقة تانية بتاعة النطق ، دي قصص على ما بتعرف تنطق وعلى ما الإنسان بيتكلم .

😮ده نونو بيقول كلمة يا ماما وبيشوف مامته وبيتخيل صورتها وهي مش موجودة أصلا ، وبيتعرف على صوتها وهي بتناديه حتى وهو مش شايفها لما وهي قاعدة في المطبخ تناديه بمركز رابع خالص ، كل سنتوفة في المخ مراكز رهيبة.

#البوست3⃣
#الشيخ_حازم_شومان
#ذكر_واحد_أفضل_من_ذكر_الليل_مع_النهار

🌿نعمة الإنزيمات 😍
🥩إنزيمات الهضم في المعدة من غيرها حتة اللحمة تاخد خمسين سنة ، بتاخد ساعتين بسبب الإنزيمات.

🌺الإنزيم ده كائن بيسرع كل حاجة جوه جسمك ، لولا الإنزيمات كنا بقينا عاملين زي سلاحف النينجا ترتلز 🐢 بنتحرك ببطء وبنفكر ببطء ولو قلت لمراتك هاتيلي شوية ملح على السلطة بتقعد سنة عما تجيبلك الملح🧂.

🟤الكلام ده بحق وحقيقي ، يا جماعة الإنزيمات دي من غيرها كانت  لو دبوس📍 كدهو بس دبوس الطرحة دخل في إيدك دمك كله ينزف في خلال ٣ أيام قبل ما إنزيمات التجلط كانت توقف الدم.

🌺إنزيمات التجلط هي السبب إن الدم بيقف، هي سبب إن الأكل بيتهضم♡.

👌🏻الإنزيمات دي هي الحاجة اللي مسرعة لك كل حاجة في حياتك ، لولاها كان النسخ بتاع DNA  جوة الخلايا ما كنش بقى بالمعدل المذهل ده.

🌿أنت كل ثانية مائة وخمسة وعشرين مليون خلية في جسمك بتموت وبيكوّن مائة  وخمسة وعشرين مليون خلية تانيين❤️.

◀️ ليه⁉️ عشان يفضل جسمك شباب ، عشان يفضل جسمك حيوي ، ويفضل جسمك قوي🏋 .

🤔المائة  وخمسة وعشرين مليون خلية دول اللي  بيكونهم إيه ⁉️
⇦الـ DNA بتاع الخلايا ، الجينات بتاعة الخلايا .

🤔طب الجينات دي بقى لو بتشتغل بالهادي مش بتشتغل بسرعة رهيبة رهيبة ⁉️
⇦كنت خلاص ، كنت أنت خلصت ، كان كل خلاياك ماتت قبل ما يتجدد أي خلية تانية😦.

♨مين اللي بيكون جوه جسمك اتنين ونص مليون خلية دم حمرا كل ثانية كل ثانية! مش كل يوم ولا كل ساعة .

🩸كل ثانية اتنين ونص مليون كرة دم حمرا ، ما دي  الشّيَّال بتاع 💨الأكسجين اللي قاعد يشيل الأكسجين من الرئة.
🔹شوفتوا الكورونا رعبت العالم كله ، ليه ⁉️
بسبب التنفس ، الناس خايفة على نفسها ، نسأل الله اليقين والعافية.

🩸تاخد الأكسجين وتروح للألف مليار خلية اللي في الجسم تقعد تديهم أكسجين وترجع بثاني أكسيد الكربون😦.

🩸كرة الدم الحمراء بتمشي في جسمك في اليوم عشرين ألف كيلو متر عشرين😳... يا جماعة ده من المنصورة للقاهرة مائة وعشرين كيلو متر🛤 ده من القاهرة لاسكندرية مائة وخمسين كيلو متر.

🩸عشرين ألف كيلو متر كرة الدم الحمرا الواحدة بتفضل بتمشيها في جسمك في اليوم الواحد.

🌿طول الأوردة والشرايين طول الجهاز الدموي في جسمك مائة ألف كيلو متر ، الدم بيجري فيه عشان يوصل للخلايا ، مفيش قرية مبيوصلاش مية في جسمك ، مفيش قرية مفيهاش بنية أساسية في جسمك💚

#ذكر_واحد_أفضل_من_ذكر_الليل_مع_النهار
#الشيخ_حازم_شومان
#البوست5