هنصعد سلم الالتزام معا🥺💜🌸

🌸

تصديهم وكدا !😌

لا ابدًا تروحي البيت تعيطي وتبصي لنفسك في المراية وتفضلي تفكتري كلام كل شخص وهوبا تلاقي ثقتك بتقل واحدة واحدة لحد ماتنعدم وتبقي خلاص فعلا شايفه نفسك مش كامله نهائي ..!🙂

ليه عشان مين عشان رأي اتقالك ماكلنا عندنا رأي وكلنا مختلفين هل دا يخليني اشك في رأي هل دا يخليني ضعيفة الشخصيه ! وفعلا رأي اللي قدامي هو الصح  ليه ما يمكن رأيي هو الصح!!

رفيقتي لما بنتولد كلنا بلا إستثناء بنبقى في غاية الجمال والبرائه مهما كان شكلنا وبنكبر اكتر وبنبقى اجمل اكتر ولما بنوصل لثانوي وكلية بنبدأ نعرف يعني إي الإهتمام بالبشرة ويعني إي المنتج المناسب لبشرتي ويعني اي بشرة دهنيه ومختلطه وجافه وغيرها بنبدأ نفهم ونستوعب فبنهتم بشكلنا فبنتغير من جمال للأجمل وبنفضل نحلو حتى لما بتكبري وتبصي على صورك القديمه تقومي فااتحه بوقك وعينك تبقى قد الدايرة وتحطي ايدك على بوقك هيييي ديييي انا ازاااااااي داااااااا يانهاري دنا احلويت واتغيرت اوي بجد اي دا...😂💜

عشان هتكبري وتحلوي وتكبري وتحلوي وشكلك عمال يتغير وكل اللي يشوفك لما كبرتي دانتي بقيتي عروسة وحلوة فعلا والتنمر على الأقل بدأ يقل !
ليه بدأ بعض الناس قللوا من التنمر عشان شافوكي احلى فعينهم حبت شكلك فحببوكي في شكلك وقالولك كلمة حلوة  ! ولما يلاقوا عينهم مش حابه شكلك دا ومش داخل مزاجهم فيقولوا كلمه وحشه وبايخه ونظراتهم اللي ملهاش معنى دي

هيجي يوم وهتكبري تجاعيدك هتبدأ تظهر وشك هيبدأ يبهت ولو جبتي منتجات العالم وحطتيها على وشك ، او حد عمل عمليات تجميل وكدا ، التجاعيد هتفضل تزيد وتزيد ، وكتر عمليات التجميل غلط ، فالتجاعيد اقوى واكتر وهتفضل تظهر وعضمك يبان وكلنا شوفنا ناس كبيرة ومسكنا ايدهم وقد اي عضمهم بارز وتقيل اوي وكبروا وعجزوا  هل انا كواحدة عندي عقل هروح اقولها انتي وحشه ! لا اكيد عارفه ليه عشان انا خلاص عارفه إنها كبرت ودي مش حاجه بإيديها إني اروح اتريق على شكلها لأنه خلاص كبرت ومسير الشكل دا يتغير ..!

شفتي قولت مش بإيديها إنها تكبر !
يعني لون بشرتك وهيئتك وطولك وقصرك وتخنك ورفعك دي بإيدك مثلا!! ربك اللي خلقنا صح يعني دا شكلنا وربَنَا شايفنا حلوين كدا انا مش بإيدي حاجه انا اتخلقت كدا ! فيقوموا متريقين هما كدا مبيتريقوش عليكي انتي  لالا خالص دا على خلقة ربنا واوعي تفكري إنها حاجه عاديه مثلا دا منها إنهم بيعملوا ذنوب ومنها بيأذوكي وتخيلي بقى عقابهم!

مهما كان سنك صغيرة كبيرة ايا كان اوثقي في نفسك في جمالك في تخنك في رفعك طولك بقى قصرك ايا كان شكلك حبيه لما انتي هتحبي شكلك وحد محبهوش انتي ساعتها مش هيفرق معاكي عشان انا حباه كدا كدا واللي يتكلم يتكلم هو يعني كلامه هيغير شكلي ! مش هيغير حاجه لكن هيغير شخصيتك انتي فكوني على إقتناع تام من إن اللي خلق الجميلة كان قادر يخلقني زيها بس كل حاجه ربك بيعملها ليها حكمه عايز يختبر دي ودي هيشوف دي بتحمده او لا هيشوف اللي عندها الجمال بتحمد ربها على نعمته ولا لا او اللي متوسطة الجمال هتحمد ربنا ولا لا والاتنين مش سهلين على فكرا 

بصي مش الجميلة يا هتتكبر وتتنك والجمال ياخدها لفوق اوي كدا هي بتتكبر والتكبر وحش ، هي كدا مش كويسه "إلا من رحم ربي"

اما متوسطه الجمال فهتشوف الأجمل ياهتزعل وتكتئب وتعيط بقى وليه يارب اشمعني هي وانا لا ! يا هتحمده وتقول الحمدلله في غيري معندوش اللي عندي ومش صعبه غير على اللي مش بيثق في نفسه وبس

مش عشان انتي متوسطة الجمال يبقى كدا ربك مش بيحبك وبيحب الجميلة اكتر لا طبعًا طب فكري بعقلك لو كلنا كنا حلوين!! هل كنا هنعرف الكويس من اللي بيحمد ربه من المتكبر من اللي هيشوف نفسه على الناس من المغرور من اللي هييأس اكيد لا عشان هنبقى متساويين فمش هيبان كل واحد على اي!!

سبحان الله عشان كدا بيختبر كل واحد فينا بيشوفك هتحمديه ولا لا بيشوفك هتصبري ولا لا!

في الجنه الثانيه لما هتعدي جمالك هيتجدد انا بقولك كل ثانيه مش دقيقه او ساعه لالا كل ثانيه ومع كل ثانيه بتعدي بتشوفي نعيم اكتر بكتيييير عن الثانيه اللي فاتت 💜

يهمك اي شكلك في الدنيا بقى غير إنك بس تهتمي بنفسك وبنضافتك يهمك اي بقى بشرتك جسمك ايا كان .. كلام الناس يهمك في اي مش هيقدم ولا هيأخر صدقيني ، انتي اللي مبتحبيش نفسك فلما حد يجي ويقولك انتي مش حلوة مثلا فكدا بتثبتي لنفسك انك فعلا مش حلوة اما لما بتشوفي انك جميلة وبنوته حلوة فكل كلام الناس  ولا هيفرق معاكي نهائي

اوعي تهتمي بنفسك او جمالك عشان تثبتي للناس إنك حلوة اوعي انا قولتلك رضا الناس غاية لا تدرك مهمااا تعملي هيشوفوا فيكي نقص عشان محدش كامل والكمال لله وحده فبالتالي اي حاجه هتعمليها عشان الناس فوالله لو عيشتي بالمليون سنه مش هيشفوكي كاملة بردو وهيفضلوا يتنمروا

عيشي يومك بتفاؤل اللي يتكلم يتكلم واللي يقول كلمة حلوة افرحي بيها وردي بكلام حلو لو لاقيتي اللي قدامك مش كويس متعمليش زيه لا ابعدي وخلاص وفكك منه  حبي نفس

ك وخلقتك والله عيني جميلة ومناخيري ورسمة وشي وغيره اتأملي ملامحك الجميله
لازم عشان كلام الناس ميفرقش معاكي تشوفي نفسك جميلة وانا شكلي دا هيبقى تراب ، اما روحي وشخصيتي وتعاملي دا بس اللي هيسيب اثر بين الناس .. لما حد بيموت بنقول اي؟ بنقول دا كانت مزة وجميله ! لالا خالص بنقول دا كانت حنينة وطيبة اوي ربنا يرحمها او دي كانت مش كويسة وغيره الناس لما تموتي هيتكلموا عن روحك مش شكلك امال ليه بيتكلموا على شكلي كتير وانا عايشه ؟
عشان مش لاقيين حاجه يعملوها وربك يهدينا  اهم حاجه انتي كوني قوية وواثقه في خلقتك عايزة تغيري حاجه من نفسك يبقى لنفسك وبسسس مثلا رفيعه اوي فبتعالجي دا بالأكل عشان تتخني شوية ، ولو مثلا تخينه التخن مش عيب بس بيأذي لو زاد طبعًا فتعالجيه بتمارين او قلة من الأكل اللي مش صحي ، وبشرتك تهتمي بيها وهكذا سيبك من العالم والناس سيبك انتي راحتك اهم والله وريحي عقلك وقلبك وكلنا هنموت والله يبنتي وهنروح االجنه بإذن الله  هنروح مكان جميل ميتوصفش ومهما تخيلناه مش هنتخيل جماله الحقيقي متخليش حد يقلل منك انتي جميلة يا مزتي والله انتي مزة بس انتي اللي مش معترفة بدا فحبي نفسك بقى عشان انتي ترتاحي في الأخر ياقمر انتي💜🌝

لو حسيتي رسالتي طويلة ممكن تقرأيها أجزاء في اليوم  عشان في النصيحه بالذات مينفعش أختصر عشان فيه بنات محتاجه كل كلمه بكتبها والله وبحبكم كلكم يا حلويات انتوا 💜

كل الحب :)
ماجدة⛄🏹

المُتَيَقِّنة بالله
#ماجدة_صالح