هنصعد سلم الالتزام معا🥺💜🌸

صححي مفاهيمك

- بدون مقدمات ✋💔

البوستات اللي من النوع ده عليها إجماع شرعًا إنها حرام 👇
ف اللي يشوفها قدامه ينصح صاحبها واللي كان بينشرها يركز معايا في السبب 👇

1- " صلِ على النبي ومررها "
التذكير بالصلاة علي النبي مش عيب طبعا.. بس ومررها دي تحسسك انك في حلقة مش بس بفكرك بالذكر.. والصيغة نفسها بدعة يعني الصحابة مكانوش بيجتمعوا وواحد فيهم يقول للتاني صل علي النبي ومررها وهكذا رغم انهم اولى بذلك لو كان مشروعًا

2- " حط كومنت وانا او انت هنفتح المصحف ع صفحة عشوائية والاية اللي عينينا تقع عليها نعتبرها رسالة من ربنا "
ي شباب انتم متخيلين انتم بتحقروا رسايل ربنا اد ايه علشان اي لعبة يبقي فيها رسالة منه!! الكلام ده يدخل في باب الدجل والافتراء على الله رغم اننا بنلعب
* ولئن سألتهم ليقولن إنما كنا نخوض ونلعب قل أبالله وآياته ورسوله كنتم تستهزئون * !! الموضوع مش صغير

3- " نكتب اي آية او حديث ونقول اذا نشرتها انتظر خبر حلو، واذا لم تنشرها ستصيبك مصائب لمدة عشر سنين، او اذا لم تنشرها فاعلم ان الشيطان قد منعك "
كل دي مسميات لبوستات كلها حرام وكذب وبردو دجل وافتراء ع ربنا.. علي انهي اساس هنوقف حياتنا ع بوست نشرته هسمع خبر منشرتهوش هتحصلي مصيبة.. فين عقولكم!

4- " انا فاضلي لفة كمان في البيت وتتحسبلي عمرة "
ازاااي!!  انتوا مدركين الكارثة! الحج والعمرة من شعائر الله وانت حضرتك بتحقر شعائر الله لما تشبهها بحاجة زي دي او تخليها نكتة! انت مدرك يعني ايه تقابل ربنا في صحيفتك تحقير لشعائر الله!!

5- " نكتب بوست واخره اقسم بالله اقسم بالله اقسم بالله هنشر البوست ده.. انت اقسمت وبقي دين عليك لازم تنشره! "
لا والله! بتجبرني علي القسم وبتعتبره انت قسم وتحكم عليا بيه.. ده الدين كله لا إكراه فيه.. انت بتفكر ازااي!

6- " اي بوست او فيديو بموسيقى.. اي صورة بنت عريان جزء منها حتي لو كان شعرها.. اي صورة ولد اصله ممثل وامور... "
الكلام ده كله فتنة .. وحضرتك بتشيل ذنب عدم غض بصرك وذنب كل اللي هيشيل ذنب بسببك لان كل الحاجات دي حرام

7- " اي فيديو لعروسين مخطوبين وبيحضنها او بيشيلها او او او "
الخطوبة وعد بالزواج مش زواج ليها ضوابط والكلام ده حرام حضرتك مينفعش تشارك في من باب الاعجاب لانك بتعجب بالحرام

8- " عروسة في كتب الكتاب مع مأذون " فرفوش " وبيضحكوا وقوليله يا بيبي".. طب الاخت بتدخل في باب الخضوع بالقول مع الاجانب اللي هو المأذون وحضرتك معجب!

9- " اي موقف كمثل اسعار غاليه ع شيء كان رخيص نضحك ونقول يااه دي من علامات الساعة "
علامات الساعة مش لعبة ومش للهزار.. دي علامات عظيمة ليوم أعظم مفهاش هزار وضحك.. ده يوم يجعل الولدان شيبا 😅

10- " اي موقف مصري حصل ف نقول المسيح الدجال هييجي امتي.. لا خليه عنده احنا هنجيله "
أكبر فتنة في الدنيا.. أكبر كارثة في الدنيا.. كارثة المفروض ندعي منكونش من اهل وقتها.. وبقينا بنجيب سيرته ف اي هزار كإنه لبان .. ربنا يهدينا والله ربنا يهدينا

يكفي دول والله .. لازم نفوق شوية..💔💔✋
#صحح_مفاهيمك.