هنصعد سلم الالتزام معا🥺💜🌸

ماذا لو

ماذا لو..!

"صلوا على الحبيب"

إي شعورك لما تبقي نايمة زي اي يوم انتي بتنامي فيه عادي ،  وفجأة لاقيتي ملك الموت مرة واحدة في وشك وخلاص هيقبض روحك ! 💔

عايزاكي تتخيلي اللحظة دي لحظة تفكيرك عملتي اي في دنيتك عشان آخرتك؟

ياترا بطلتي تلبسي بناطيل وضيق وشعرك اللي بيبان دا ولا كأنك لابسة حجاب اصلا ووسطك المتحدد ورجلك الباينة ودراعك باين من الكم اللي انتي رفعاه ! وياترا بقى بطلتي تسمعي اغاني! وياترا بطلتي تكلمي ولاد! وياترا بطلتي تعصي ابوكي وامك! وياترا بقى بتتعلمي علوم شرعية وعقيدتك ودينك! وياترا بقى تعرفي معنى كل كلمة في القرآن وتدبرتيه وقرأتيه وحفظتيه بالتجويد! وياترا بقى همك الأخرة ولا الدنيا! وياترا بتعملي بكلام نبينا مُحمد وبتتعلمي الأحاديث وتعملي زيه! ياترا الصُحبة اللي معاكي دي هتشفعلك لما يدخلوا الجنة بإذن الله ولا هتاخدك معاها النار ويقولوا لا لا دي كانت معانااااا! ياترا عملتي قصور في الجنة بالسُنن ! وياترا عملتي سبحان الله وبحمده عشان بيتك يكون جميل قدامه نخل كتير بإذن الله! ياترا نجحتي وبقيتي حاجة تفيد المجتمع في الخير! وياترا كنتي زوجة صالحة! ياترا بطلتي نم على دي ودي ودي! ياترا ربيتي اطفالك على الصح ولا الغلط! ياترا بقيتي داعية اللي هي فرض عليكي وفرض إنك تتعلمي دينك وتنشريه للبنات! ياترا بتذكري الله كتير! ياترا بتعافري مع نفسك واول ماتلاقيها بتبعد عن ربنا تقومي فايقة مرة واتنين وتلاتة ولا بتفضلي تقعي تقعي تقعي لحد ما الواقعة الأكبر تكون في النار خلاص مش في الدنيا! ياترا بتقاوحي في الدين وتجادلي ولا وازاي واشمعنى وليه كدا ولا بتقولي سمعنا واطعنا ربنا! وياترا بقى كل يوم عدى عليكي كان لله ولا كان للناس ! ياترا عملتي اي! ياترا 💔

بس تخيلي إن كل دا معملتيهوش دا لسا فيه كماااان وكان قُضي الأمر اوعي تفكري الأمر هين اوعي ! اوعي تفكري التلات أسئلة بتوع القبر من ربك ومن نبيك وما دينك ؟ دول اسئلة ماحنا عارفينها في الدنيا يبنتي هه لالا حبيبتي انتي هنا عارفاها عشان دي دنيا عادي وبتسمعي الناس بتقول إن ربي الله وإن نبي مُحمد عليه افضل الصلاة والسلام وإن ديني الإسلام ..!

لكن في القبر من ربك فانتي لازم تكوني عارفة كلام ربك وفهماه ويسلام لو حفظاه ولازم تعرفي اسماء الله الحُسنى لازم تعرفي كل حاجة عن ربَنَا وساعتها ربك يوفقك وتجاوبي وتقولي ربي الله ..

من نبيك؟ نبيي! لا اعرف

مع إنك مُسلمة لكن متعرفيش حاجة عنه فهتجاوبي ازاي !

وما دينك ؟ ديني ! مع إنك مُسلمة لكن اتعلمتي عن دينك واي العقيدة اصلا واي قصص الأنبياء الدين بتاعي اللي انا عايشة عشانه عشان انصره! فهتجاوبي ازاي!

في القبر لا اهلك ولا اي حد هيبقى موجود هما هيدفنوكي عشان دنيتك بح وهما بقى هيروحوا لدنيتهم تاني ، وانتي روحتي خلاص لمكان لا هتعرفي تطلعي ولا هتعرفي تعملي اي حاجة هيبقى قدامك حاجة من الإتنين يا إما هتعيشي في نعيم ليوم القيامة ويإما هتعيشي في وجع وقهر وعذاب ليوم القيامة ولسا عذاب يوم القيامة فكل اللي انتي فيه لازم تفوقي منه لازززم وإلا زي ماقولتلك تلاقي ملك الموت في وشك لا هتعرفي تقوليله استنى ارجوك هقرأ بس آية في القرآن افتكرها ، طب بس هصلي ركعة بسسس والله ، طب سيبني يوم واحد هعمل كل حاجة ..

لكن افتكري الكلمتين دول " قُضي الأمر"

روحك هتتسحب غصب عنك ودا وقتك خلاص وليه كل دا و عشان اي مكانك الحقيقي في الجنة بتخليه دنيا ليه من حلاوتها! من وجعها! من حزنها! من ابتلاءتها! طب والجنة نعيم ابدي ابدددددددددي كل حاجة وحشة هترووووح مش هيتبقى غير الفرح والسعادة وبس ودا الفوووز العظيم ..🧡

"أَعَدَّ اللَّهُ لَهُمْ جَنَّاتٍ تَجْرِي مِنْ تَحْتِهَا الأَنْهَارُ خَالِدِينَ فِيهَا ذَلِكَ الْفَوْزُ الْعَظِيمُ"

افتكري إن هو يوم يوم بس عارفة اليوم دا هو دا اللي هتاخدي جزاء اللي عملتيه في كل عمرك في الدنيا وهيحدد هتبقي في الجنة او النار  وهيحدد هتدخلي الجنة من غير حساب ولا سؤال ولا اي حاجة ولا هتتحاسبي الأول وبعدين تدخليها ! عارفة يوم القيامة دا هتفضلي تتحسري وتقولي ليه معملتش كل دا هما اللي عملوا دول كانو زيادة عني في اي! مهو بني آدمين زيييييي ليه انا مكنتش كدا ولكن بردو هفضل اقولك " قُضي الأمر"

"أَسْمِعْ بِهِمْ وَأَبْصِرْ يَوْمَ يَأْتُونَنا لكِنِ الظَّالِمُونَ الْيَوْمَ فِي ضَلالٍ مُبِينٍ * وَأَنْذِرْهُمْ يَوْمَ الْحَسْرَةِ إِذْ قُضِيَ الْأَمْرُ وَهُمْ فِي غَفْلَةٍ وَهُمْ لا يُؤْمِنُونَ *"

انتي لسا بتتنفسي روحك دي لسا في الدنيا لسا في وقت انوي مفيش حاجة اسمها ضاع العمر مفيش كدا ، في قصة كان واحد كبير اوي وكدا وضاع عمره في ذنوب وحاجات فقرر يحفظ القرآن ويتوب وحفظه في سنتين ومات بعدها على طول وبعد كدا جه  لصاحبه تقريباً في الحلم وقاله والله لولا إني حفظت القرآن قبل ماموت لهلكت وبفضل الله ثبتني ، والله فانيييييييه متاع الآخرة هتفضلي فيه مش هيروح وهتطلعي من متاع لمتاع لمتاع لمتاع ل

متاع ل...................ماااالا نهاية ، فاللهم ارزقنا بدخول الفردوس الأعلى من غير حساب ولا سابقة عذاب ولا سؤال ولا عتاب و

لا اي حاجة يارب ويثبتنا جميعًا وفوقي وانا لازم افوق معاكي وكلنا لازم نعمل انا معرفش حد منكم كشكل خالص وبعضكم متعاملتش معاهم اصلا فلازم نعافر عشان نشوف بعض في الجنة بقى..🧡

سُبحانك اللُهم وبحمدك أشهدُ أن لا إله إلا أنت أستغفرك وأتوب إليك ..

سبحان الله وبحمده ، سبحان الله العظيم

بحبك في الله يا مُتَيَقِّنة🧡🍂

المُتَيَقِّنة بالله
#ماجدة_صالح