هنصعد سلم الالتزام معا🥺💜🌸

خِلقتنا

خِلقتنا"

صلوا على الحبيب

قال الله عز وجل:
( لَقَدْ خَلَقْنَا الإنْسَانَ فِي أَحْسَنِ تَقْوِيمٍ )

ربَنَا سبحانه وتعاالى خلقنا كلنا مش نفس اللون ، ولا نفس الشكل ، ولا نفس الصفات ، ولا نفس الشخصيه ، وغيره من دا كتير...

احنا طبعا بنقابل بنات كتير احلى مننا بمراحل وبنقابل الأجمل والأجمل وبنشوف بنات اللهم بارك حلوين جدا فانتي تستغربي ليه متخلقتيش زيها كدا فتبدأي تشوفي نفسك مش حلوة مقارنة بجمال الشخص اللي قدامك ومرة فى مرة ثقتك بنفسك بتقل!..

طب بالعقل هو ربَنَا مكنش قادر يخلقنا كلنا بنفس كل حاجه! او مكنش قادر يخلقك حلوة زيها وبنفس الملامح واكتر ...لا طبعا ربنا  قادر على كل شئ بس أكيد له حكمه في كل حااجه سبحان الله يعني تخيلي لو كلنا نفس الجمال والشخصيه والطبع والطول او القصر او شكل الجسم ..ازاي كنا هنعرف الحقود من الغيور.. من المنافق من الكريم ومن البخيل.. ومن الصبور ومن اللي نفسه وهمه شكله وبس.. واهمهم مين اللي بيحمد ربَنَا وراضي فعلا...❤

حبيبة قلبي الشكل اللي مش عاجبك أو اللي انتِ شايفاه مش حلو دا رب الجمال خلقك كدا وميزك عن غيرك في الشكل ومهما كنتي متشابهه مع أشخاص كتير فى نفس الملامح هتفضلي مميزه وليكي ملامح معينة ...لازم تثقي في نفسك *وصدقيني الناس بتشوفك على حسب ما بتشوفي نفسك* بمعنى انتِ شايفة نفسك قليلة ومش حلوة وقصيرة او طويلة اوي ومش عاجبك ودايمًا بتخافي من نظرات الناس وبيبان عليكي إنك جبانه ومش مقدرة قيمة نفسك ..عايزاهم يبصلوك على إنك شخص واثق من نفسه ؟!
اكيد لا هيبصولك بالنظرات اللي انتي بتبينيها يعني نظرات قليله ونظرات غريبه شبههم وبيوصل بيهم إنهم يقولوا فى وشك انتي مش حلوة كدا ليه ! حبيبتي انتِ بإيدك تخرسي أي حد ممكن إنه يتريق عليكي أو يقلل منك أو يحسسك انك قليله وبإيدك بردو تخليهم يقللوا منك اكتر وتفضلي ساكته وهما بيتمادوا!

سبحان الله المناظر كلها فانية هتبقى تراب مُتخيله إننا هنبقي اجمل من الجمال في الجنة يفرق معاكي ايه بقى جمالك في الدنيا اللي هيختفي اصلاً ومش هيتبقى غير روحك الجميلة واللي كنتي بتعمليه مع الناس وطريقة كلامك ..

اتعلمي تبصي في المرايه وتحبي شكلك وتقولي الله رموشي حلوة سبحان الله ولا عيني رسمتها غريبه سبحان الله ولا مناخيري ورسمة وشي ..اتعلمي مرة فى مرة لو قابلتي ملكة الجمال مش هتتأثري 😹😌

لأنك واثقه من نفسك وواثقه من إن ربَنَا قادر يخليكي زيها بس له حكمته🌸

وانا صغيرة كنت بشوف كتير حلوين وبقعد أزعل مش ببين لكن كنت بزعل فضلت اكبر واشوف أجمل وأجمل وازعل تاني وتالت لحد ما قولت هو الزعل دا ليه بيجي وبدأت اعرف ملامح وشي بدأت احب شكلي حقيقي بدأت اهتم بنفسي وبشكلي مش عشان حد لكن عشاني انا..عشان انا بحب نفسي وكبرت تاني لكن كبرت بثقه وعرفت ان الجمال بيتغير لما بنتولد بنبقى بشكل تاني خالص واما بنوصل لمرحلة الإبتدائية بنبقى بنتغير واحدة واحدة ولما بنوصل لمرحلة الإعداديه بردو بنتغير وبنحلو والثانوية والكليه ، وبنحلو مرة واتنين وتلاته بتبدأي تهتمي بنفسك وتعرفي إن الشكل فعلا بيتغير! وإن الروح هي اللي ثابته وإن الإنسان مهما يكبر هيفضل بنفس شخصيته

لكن فيه اللي هيطور للأحسن وفيه للأوحش !

مش احنا بنتولد بشبابنا يعني بنبقى جمال اوي وملامحنا بريئه خالص واما بنكبر كل دا بيختفي "التجاعيد بتظهر وبنكش كدا وبنكبر " لأنها الدنيا وربَنَا بيعلمنا فيها إن الجمال والسلطه وكل حاجه هتختفي ومش هيتبقى غير أعمالك الصالحه وسيرتك الحلوة بين الناس وأخرتك اللي كنتي بتعافري عشانها طول ماكنتي بتتنفسي ..."مش كان همك شكلك وانك تثبتي لدا ودا ودا إنك حلوة ولبسك وااااو وعمالة تهتمي بالمظااهر" طب وأخرتك لا اخرة ايه المظاهر احسن طبعا وفى الأخر نندم ونقول مستفدناش ولا أي حاجه لأنها فانيه....

انتِ جميلة دايمًا يارفيقتي جميلة بكل معنى الكلمه حِبي نفسك وإهتمي بيها وعززيها عشان ترتاحي وبالحالتين الناس بتتكلم اصلاً فسيبك....انتِ بس
نيتك تكون بتعملي كدا عشان نفسي وبس مش عشان حد وعايزه اقولك إن سبحان الله فيه ناس بتعشق الناس القصيرة وفيه ناس بتعشق الناس الطويلة وناس مبتحبش الناس البيضاء وناس بتحب الناس السمراء والعكس عشان كل واحد له رأيه بس الرأي دا يكون بإحترام مش يوجع اللي قدامنا لا خالص كل واحد وله رأيه ...انتِ جميلة دايما واوعي تزعلي او تيأسي كلنا هنبقي احلى في الجنة ويارب يجعلنا منها جميعا❤🌸

المُتَيَقِّنة بالله