حبي ربك..
"صلوا على الحبيب"
كلنا كمسلمين مؤمنين بالله بنحب ربَنَا ، ولكن مش كلنا بنحبه بأفعالنا انا بعرف اقول بحبك يارب وانتي بتعرفي تقولي بحبك يارب وكلنا بنعرف لأن الكلام سهل جدًا لكن الفعل!؟
لما تتجوزي شخص بيحبك بس مبيعملش بيحبك ومبيهتمش ، بيحبك وبيعمل اللي بيزعلك ، بيحبك ومبياخدش رأيك ابدًا ، بيحبك وبيطنشك ، بيحبك ويضربك ، بيحبك وبيوجعك بيحبك ومش ، بيجبلك هدايا بيحبك ومش بيحتويكي دا بيحبك!؟
كلنا بنقول إن الحب أفعال ديمًا لأن حب الكلام فدا مش حب !
ما حُبك لربك كدا!
انتي بتحبيه طبعًا لكن مبتعمليش للحب دا ليه دا ربك !
ليه مش بتحافظي على الصلوات الخمسة ودي تبقى اساسيه في أيامك لحد ماتموتي ليه بتسيبي صلاتك دي الصلة بينك وبين ربك ! ليه مبتنتظميش ليه بتفضلي تقولي هعمل بكرا افرضي بكرا مجاش هتعملي اي افرضي كان خلاص قُضي الأمر وبكرا يوم القيامه انهاردة دلوقتي وانتي بتقرأي الكلام بتاعي وبتاع اللي بينصحك !؟
جميلتي صلاتك ثم صلاتك ثم صلاتك دي اول حاجه هتتسألي عليها على الأقل متخليش اول حاجه تتسألي عليها مش هتعرفي تجاوبي وانتي هتقفي قدام ربك عز وجل!
لما ربك يسألك ويقولك ليه يا فلانه سبتي الصلاه هو عالِم لكن عايز يسمع منك الإجابة بس للأسف مش هيبقى فيه إجابة عارفه ليه عشان مهما كاان بتعملي اي مفيش حاجه هتلهيكي عن الصلاة دا المشلول بيصلي بقلبه ولازم يصلي مابالك انتي!؟
انتي اللي ربك مديكي الصحه إنك تتوضي وتركعي فيه غيرك بيشوفك كدا وبيتمنى لو بس يعرف يمشي او يتحرك عشان بركع عشان يتوضى ويحس بالحركه وبجمال الوضوء والصلاة !
بس انا بحسها تقيلة عليا!
ماتروحيله روحي لربك اللي خلقك واللي حاسس بيكي يارب انا عبدك الضعيف قويني على عبادتك يارب ، ومتخلنيش ابعد خد بإيدي يارب ومتسبنيش انا ضعيفة اوي وببعد وبرجع وببعد وبرجع ثبتني يارب ومتسبنيش وانا هحاول .. ادعي اتكلمي معاه حبيبة قلبي كلمي ربك اتعلمي تتكلمي معاه انتي مش بتكلمي نفسك او كلامك بيلزق للصقف بتاع شقتك لالا دا بيوصل لربك شفتي رغم إنه بعييييد اوي بس سبحانه اقرب لينا من حبل الوريد اقرب ليكي من نفسك اقرب ليكي مني من امك وابوكي اقرب من اللي بتروحي تقوليلها ساعديني انا بضيع ليه مابتتكلميش معاه! بتحسي إنه مش سامعك صح ! لا غلطانه لازم وانتي بتعبدي ربك تكوني شايفاه بقلبك روحي اسجدي اتكلمي معاه كل يوم واحكيله يومك هو عالِم طبعًا لكن انتي اللي محتاجه تتكلمي معاه اشكيله انا بحبك انت وبس انا بلجألك انت وبس يارب ... انا بتكلم معاه بحكيله بشكيله بقوله يارب حصلي كذا ربي انهارده كان يوم حلو اوي شكرا وبحمدك من قلبي ربي انهاردة اتوجعت بس انا واثقه فيك اكيد هتداوي وحعي دا ربي انا بحبك ونفسي اشوفك ربي انا بتمنى تكون بتحبني ربي حب لقائي واجعلني من الصالحين ربي ارحمني يوم تأخذ روحي ربي انا بطلب منك تثبتني عشان انا ضعيفه ربي وحدك اللي فهمني وفاهم اني اتظلمت واتوجعت ربي لو فيه حد موجوع مني خليه يسامحني ولين قلبه عليا ربي ..
أنت تقرأ
هنصعد سلم الالتزام معا🥺💜🌸
Spiritualبصوا عاوزين نلتزم بقي؟ اصل الحياة مش لهو ولعب بس عاوزين نعمل صح بقي♥ ولَن يُخيب اﷲ صِدق إلحاحَك ما دُمت مُتيقناً :")) وكمان الجنه جميله اوي مش يلا بقي نفوق ونقرب من الله
