هنصعد سلم الالتزام معا🥺💜🌸

نقول تاني

حافظي على قلبك..

"صلوا على الحبيب"

البنت مننا بتتأثر بأقل كلمه ، كبيرة بقى صغيرة هي بتتأثر بأي حاجه البنت بالذات عشان كدا بنسبة كبيرة جدا البنات هي اللي بتتوجع اكتر .. من كتر ماهي بتقعد تفكر ليل ونهار وتقعد ترسم قصص في عقلها ومش بس كدا .. لا بتقعد هي تعمل الأحداث على مزاجها وتخطط اي اللي هيحصل وكتير بقى من التهيأت اللي مبتخلصش ..!

طب واي الحاجات دي بقى😂🙆‍♀

هكلمكم في التأثر من ناحية الولاد بالذات لأن اصلا يعتبر دا اساس الوجع والمشاكل كلها والباقي فبتبقى حاجات بسيطه شوية ..

اي بنت فينا بلا إستثناء بتتأثر بالذات من ناحية الولاد وهكذا الولاد ولكن البنات اكتر بكتير يعني مثلا ..

ولد بصلك مرة بسس مرة قلبك مشاعره بتتحرك اصلا متعرفيش انتي حسيتي بالشعور دا ليه بس هو اتحرك ، فتطنشي يعني بصلك مرة يانهار بقى لو بص تاني لالا دا عايز يكلمني وبيحبني ، ومن واحنا صغيرين وبنعمل كدا ويسلام بقى لما اكلم بنت وتقولي انا بكلم ولاد عادي يعني بنتكلم كأخوة وهو محترم ! ، والله بتيجي بعدها تقولي انا حبيته انساه ازاي ولا اعمل اي ، ولا اشيله من قلبي ازاي دنا اتعلقت بيه اوي وانا بقى اقعد انصحها مع اني بنصحها من الأول عشان عارفه إن غصب عنها هتحبه ولازم حد من الطرفين هيحب التاني .. لاااازم مفيش علاقه بين ولد وبنت ايا كانت قلب حد فيهم محبش التاني ، لأنك اصلا قلبك بيميل للولاد اصل معلش قلبك هيميل للبنات ليه ! او الولاد قلبهم هيميل للولاد مثلا ! اكيد لا

البنات بنسبه كبيرة هي اللي بتحب الأول هجبلك مثال ..

بعيدًا عن إنه حرام نكلم ولاد انتي هتعرفي ليه ربَنَا حرَم النظرة أو حرَم الكلام معاهم ...
 
انتي بنت وانا ولد وعادي اتكلمنا سوى كصحاب و مفيش حاجه لا مشاعر او حد فكر في التاني لسا ، ففضلنا نتكلم ونتعرف وشوية شوية اطمن عليكي مانتي زي اختي بقى واهتمام من هنا على كلام جميل من هنا ... مين اللي قلبها مشاعره هتتحرك انتي صح
انا بكلمك عادي ومش بفكر فيكي اصلا ولا اي حاجه دنا يدوب بكلمك من هنا ونقفل كلام وبنسى اني كلمتك لكن انتي اللي بتقعدي تتخيلي وتحلمي وتحطي أحداث قصه بتحصل في عقلك مش في الواقع! فبتيجي تطبقيها في الواقع هتلاقي صدمات كتير منها إنك يا اما هيفضل حبك ليا يزيد وانتي متعرفيش انا بحبك ولا لا ، او هتيجي تقوليلي في ساعتها انا حبيتك وهتقللي من نفسك عشان هيشوفك إنك انتي اللي حبتيه الاول مش هو ! طبعًا انا هتصدم واللي هو انا مالي انا كنت بكلمك كاخوات محدش قالك تحبيني وهمشي يا اما هعمل حاجه تانيه وهي اني خلاص بما انك بتحبيني عادي بقى هتسلى وخلاص وكدا كدا انا عارف إننا هنسيب بعض في الأخر ومعايا بنات احتياطي بحيث لو سبتك اروح لغيرك وغيرك ..!🌚🐸

ربَنَا مبيحرَمش اي حاجه غير لما يكون ليها اسباب ونتايج ..

طيب اي سبب اني هبص على ولد؟ هو إنه ممكن يطلع حلو ولو مطلعش حلو ممكن يكون جذاب ، وبالحالتين مين اللي قلبه هيتفتن وهيقعد يفكر فيه والتفكير دا ممكن يأذي قلبك انتي صح انتي بس اللي هتتفتني بيه وطبعًا فيه ولاد كتير حلوين زي مافيه بنات حلوة لكن اللي هيغض بصره هو اللي هيعيش مرتاح لا تفكير بقى ولا قد اي كان حلو  ، ولا بتاخدي  ذنوب كمان لأنك كدا معملتيش باللي أمرك بيه ربك وغير كدا هتتإذي انتي عشان كدا نتايجها مش حلوة وفيه بنات كتير جدا مجرد ماشافت ولد عجبها مبتبطلش تفكير فيه ، وبيوصل بيها إنها تحبه فعلا وتقعد تتمناه وتتمنى إنها تشوفوا تاني وهو اصلا لا عارفها ولا سمع عنها وكمان احتمال ميكنش شافها !
ماكدا النتايج حلوة! لا اكيد وتعب قلب ودماغ والمشكلة إنك بتوجعي نفسك بنفسك يعني زي ماتكوني مش لاقيه حاجه تعمليها فبتصنعي احلام وتعقدي تعيطي إنها ممكن متتحققش😂🙆‍♀