هنصعد سلم الالتزام معا🥺💜🌸

الكاتينج

الكاتينج..!

"صلوا على الحبيب"

مش عارفه مين اللي طلع فكرة الكاتينج دي ! إن الإنسان يزعل يروح يقطع في جسمه بحجة إن الوجع اللي في قلبه يرتاح شوية !

بنات كتير بتعمل كاتينج كتير اوي حقيقي ومش بتعمله حاجه بسيطه او مرة مثلا لا دا بحسه جزء من حياتها ولازم تعمله ولو معملتهوش هي كدا هتتوجع!

بنات جسمنا أمانة ولازم نحافظ عليه جدًا وربَنَا مديكي النعمة دي واللي غيرنا كتير بيتمناها بيتمنى يكون له ايد ، رجل ، وغيره ..

فمتجيش انتي وتفضلي تعملي كدا واساسا حرام وذنب كبير اوي ولو حد مات عليه يعني من غير مايتوب هيتحاسب لأن دي أمانه من ربنا لينا وزي ما فيه بنات هيتحاسبوا إنهم كاسيات عاريات كذلك التقطيع في الجسم وربنا يهدينا جميعًا ، فلازم نحافظ على جسمنا ومنفضلش نقطع في ايدينا ورجلينا والخراب اللي بتعملوا في نفسكم دا و عشان اي اصلا!
كلنا بنتوجع وهنتوجع فبدل ما اعالج الوجع الأولاني لا ازوده ويبقى الوجع وجعين وبذنب كمان طب هتعالجي وجع قلبك او دماغك ولا وجع التقطيع اللي عملتيه ! هتقوليلي وجع ايدي ارحم! هقولك يمكن انتي شايفاه ارحم هنا في الدنيا لكن انتي هتتحاسبي بنفس اللي عملتيه في ايدك في النار وانتي لو متعرفيش حاجة عن النار ابحثي عنها لأنها مختلفة تمامًا عن نار الدنيا ومهما شفتي نار في افلام او في الحقيقة او البراكين ، النار بتاعت الأخرة مختلفة ومش زي اي نار شفتيها في حياتك روحي وابحثي وشوفي النار دي عاملة ازاي ولا اي جواها وساعتها هتخافي تعملي اي ذنب بعدها وكل ما تيجي تعملي ذنب هتخافي وهتبعدي ..

مهما كان وجعك مهما كان اوعي تإذي نفسك مفيش حاجه تستاهل مهما كانت اي هي عشان دي دنيا مش كل حاجة هتبقى فرح لا لازم يكون فيه حزن امال هتبقى دنيا ازاي ، في الجنه انواع السعادة بس اللي هتبقى موجودة عشان كده في الدنيا تلاقي نفسك مرة طايرة من الفرح ومرة زعلانة مرة في ابتلاء ومرة عادي فلازم تبقي عارفه إن دي دنيا وكل حاجة ربنا كاتبها لينا الفكرة إن انتي تبقي على يقين إن الضيقة هيبقى بعدها فرج وفرج كبير كمان والفرج عادي يجي بعده ضيقة لكن في الأول وفي الأخر ودي حاجة ثابتة إن ربك بيعوض يعني لو حاجه بتحبيها راحت منك عادي ربنا هيجيب الأحسن منها وانا هصبر ، لكن اقطع في جسمي بحجة إني موجوعة واروح اسمع اغاني حزينة طب وليه!

فيه قرآن جميل مش بس بيريح دا بيعالج كل الوجع ، وكأنه دوا لأوجاعك وكمان عندك إن تذكري الله وربك بنفسه قال :
" أَلَا بِذِكْرِ اللَّهِ تَطْمَئِنُّ الْقُلُوبُ'"

انتي اللي بتزعلي نفسك بنفسك وبتقعدي تفتكري القديم والجديد ودنا حصلي ابشع الحاجات دنا اتوجعت دنا ودنا ودنا طب ما كدا انتي بتشيلي نفسك الهم همين ماتروحي تصلي واسجدي ويارب واتكلمي وطلعي اللي فقلبك هو سامعك وشايفك انتي اللي مش عايزة تقتنعي بدا مش عايزة تشوفي إن فعلا ربك قادر على المستحيل بكل انواعه سواء نفسك في كلية نفسك تخلفي نفسك في انك تروحي مش عارفه فين .. هو قااادر لكن انتي اللي مش متيقنة ولازم تعرفي عن ربك اكتر لازم تبقي شايفاه بقلبك ديمًا ، والكاتينج اللي بتعمليه مش هينفعك ولا هيشفعلك بل بالعكس هيضرك كتتتتيررر من ناحية إنك هتتوجعي منه ولسا هتحطي مرهم وعلاج دا غير لو اهلك عرفوا وغير إن هتتعاقبي عليه من ربك وعقاب ربك شديد متنسيش لأنه بعتلك اشارات وبعتلك ان كدا غلط هو بيربيكي على الصح بس انتي مبتسمعيش الكلام فخلاص ، ولكن احنا مش عايزين كدا احنا عايزين نقول سمعًا وطاعًا يارب ومش هعمل كدا تاني وتوبي يا قلبي واستغفري وخلاص اتإكدي إنه ربك غفرلك بإذن الله لأنه بيحبك اوي لو بس قولتي توبت يارب من قلبك ومش هعمل كدا تاني واستغفرتي فخلاص الحمدلله وكدا ولا كأنك عملتي اصلا كاتينج قبل كدا لأن ربك رحمته اوسع مما نتخيل فجددي التوبة دايمًا عشان ذنوبك تتمسح بإذن الله..

إتاكدي وكوني على ثقة إنك مش هتلاقي غير ربَنَا بيحبك وبيربيكي وبيدعمك وبيفهمك وبيدبر امورك وبياخد بإيدك وبيكلمك بالإشارات وعاالِم بتحبي اي ومش بتحبي اي وعالِم إي بيزعلك وعالِم قدرتك على الإبتلاءات ، هو بيحبك اكتر ما بتحبيه انتي ، وانتي بتحبيه لكن مش بأفعالك إنما ربَنَا سبحانه وتعالى بيحبك وبيقدملك وبيفضل يبعتلك اشارات يلا يا فلانة قومي صلي يلا يا فلانة خلاص كفاية كدا بقى ذنوب ربك وحده اللي بيحبنا وحده وافتكري دا كويس لا اهل ولا اصدقاء ولا زوج ولا عيال ولا اي حد وحده اللي لما هتحبيه بقلبك هو حبه ليكي هيتضاعف اكتر واكتر ويرفعك درجات في الجنة ربك وحده اللي ولا مرة هيخذلك بل بالعكس وانتي بتعصيه بيقدملك كل حاجة حلوة ربك وحده هو اللي عالِم بتحركات كل عضو من اعضاء جسمك ، فاوعي تبعدي عنه اوعي مهما حصل مهما شوفتي هي ايام وهنمشي منها فاوعي تستسلمي اوعي تخليه يبصلك نظرة غضب لا خليه يبصلك نظرة رضا واعملي عشان توصليله عشان تثبتي وجوده عشان تشوفيه وتسمعي صوته اكيد نفسك ، فإعملي وابعدي عن اي ذنب صدقيني ربك وحده اللي يوم االقيامة برحمته هيدخلنا الجنة بإ

ذن الله ولولا رحمته لهلكنا جميعًا فقربي منه ديمًا ارفعي ايدك يارب خد بإيدي خليني ابعد عن الذنب دا صدقيني الحاجة اللي هتبقالك هي اعمالك في الدنيا غير كدا هي يعتبر فترة مؤقتة فالندم وحش اتمنى تفهمي فعلا ، وتتيقني إنك مش هتلاقي أحن من ربَنَا عليكي وبيحبك اوي رغم إنه مش محتاجنا ولكن مش عايزنا نتعذب مع إنه احنا منستحقش يقف جمبنا عشان الجنة غالية اوي ولكن والله ما نستحق يفضل يبعت إشارات ويفضل معانا ويشدنا للطريق الصح والله ما هتلاقي حب كحب ربك ليكي والله...💜😭

سبحان الله وبحمده ، سبحان الله العظيم

بحبك في الله يا مُتَيَقِّنة🌸

#المتيقنة_بالله