متكونيش شخص متاح..!
"صلوا على الحبيب"
كتير مننا مفكر إنه عادي لما افضل انا اللي اسأل او افضل انا اهتم واطمن واراعي وإنه عادي يعني لما الشخص اللي بعمل معاه كدا مش لازم يعمل معايا كدا انا حبي واهتمامي له كافي لعلاقتنا!!!🙍♀
ايا كانت العلاقة سواء صداقة او حب كخطيبك مثلا ..
بالنسبة للصداقة فعادي اسألي واهتمي وحبيهم ولكن اياكي تفضلي انتي الطرف اللي مكمل العلاقة لأنك من اول مشكلة هتلاقيها وقعت بسهولة وانتي بس اللي كنتي مسكاها فعلا وكل ما تقع بتحاولي ترجعيها ولكن هيجي وقت ولازم الطرفين يسندوا العلاقة لأنه طرف واحد مش هيبقى قادر عليها وساعتها هتكتشفي إن اللي حب بجد هو انتي واللي اهتم بجد هو انتي وساعتها هتشوفي إنك قللتي من نفسك كتير اوي عشان خاطر متزعليش اللي قدامك وعشان العلاقة تكمل ومش مهم بقى اللي قدامي يهتم بقى او لا !🙍♀
مفيش حاجه اسمها كدا انتي لازم توازني يعني الإنسانه اللي قدامك شايفاها كويسه ومحترمه وبتقدرك فعلا وبتهتم بيكي وبتراعيكي وبتطمن عليكي كل شوية دا تتعاملي معاها بنفس طريقتها واكتر لأنها كويسه وباين عليها إنها فعلا بتحبك فمتروحيش وتجرحيها وتهمليها لا دي تتعاملي معاها كويس وتقدملها كل حاجه كويسه وكدا العلاقه كويسه انتو الاتنين بتحبوا بعض من قلبكم ومحدش بيعاير التاني انه هو اللي بيسأل اكتر وتحسي انها علاقة صداقة بجد وحقيقيه
، وكدا انتي مش بتقللي من نفسك لأن اللي قدامك بيقدرك وبيحبك فمش هينفع تهمليه لأنك كدا ممكن تحسسيها إنها تقيلة عليكي وانتي عارفه إن الإنسان من اقل حاجه بيتأثر بالذات البنت ، لكن لو لاقيتي صديقة بتقلل منك وبتبعد وتقرب وتبعد وتقرب ومش مهتميه ومش بتحبك فعلا فدي تتعاملي معاها بنفس الأسلوب في إنك تتطنشيها ومتبقيش وحشه زيها لا انصحيها وعرفيها إنه ممكن كدا تإذي حد ، متقبلتش خلاص تتجنبيها اصلك هتفضلي تسألي وتحبيها اكتر وتهتمي هي كدا هتقلل منك وهتشوف إنك مدلوقة عليها اوي وهتتكبر "إلا من رحم ربي" فيه ممكن يكون شايف إنه اي يعني لو مهتمتش! لا في الحالة دي تبيني بردو إنه اي يعني لو مهتمتش زي ما اللي قدامي شايف واي يعني اما مسألش او مهتمش فكذلك انتي اعملي اللي عليكي في الأول يعني افضلي اسألي وافضلي اهتمي واللي هو انا بديكي فرصه عشان هشوف هتتغيري ولا لا لاقتيها متغيرتش خلاص انتي عملتي اللي عليكي ولو لاقتيها اتغيرت فعلا وحست بيكي وعاملتك نفس المعاملة فخلاص هي كدا كويسه ! وكمان خلي عندك حسن ظن يعني مثلا الرد المتأخر الأسلوب وطريقة الكلام ممكن صاحبتك دي ردت متأخر لسبب ممكن كلمتك كدا بسبب خنقتها وكمان انتي هتبقي عارفه الشخصيه دي على اي يعني لو بتحبك بجد وانتي عارفه انها كويسه فخلاص احسني الظن ، كنتي عارفه من الأول انها مش بتحبك او بتعاملك بإسلوب مش كويس ودا طبعها ، فلا تبعدي عشان انتي كدا بتتإذي وبتتوجعي بالذات لو بتحبيها هتفضلي شايفه إنك تقيلة عليها طب وليه ابعدي وإن سألت عليكي كلميها وعادي وهكذا ..🌝
بالنسبه لخطيبك فأساسا مينفعش تتكلمي معاه لأن اللي بيربطكوا ببعض هي دبلة والإسم إنك مخطوبة يعني زيه زي اي واحد ماشي في الشارع غريب عنك ومينفعش إنك تكلميه فيديو والكلام دا لا انتي هتعرفي هو كويس في حاجاات كتتتير اويي منها معاملته لمامته لأخته لعيلته عمتا ولعيلتك وبيجوا يزوركم وبخيل ولا لا الناس بتقول عليه اي وسمعتوا عاملة اي وكريم وبيصرف على الفقراء والمساكين ولا لا حااااجات كتير بس بتبقي شايفه إنه لا لازم اكلمه واعرف هو عامل ازاي ومش مهم اعصي ربَنَا لا مفيش كدا هو ينفع تخلي شاب ماشي في الشارع تقوليلوا تعالى نتكلم فون او فيديو ! او تمسكي ايدو عادي ! لا اكيد ما خطيبك كدا هو مجرد دبلة عشان الناس تعرف إنك مخطوبة لفلان وبس ..
ولو لاقتيه بيهتم او بيطمن عليكي فماشي بحدود يعني يجي يزوركم ويطمن عليكم كلكم وتكون عيلتك موجودة وعيلته وهكذا ، لكن مش عشان اهتم بيا واطمن فأبدا ارن واستقبل الرنات منه ومرة في مرة فيديو ونتقابل ونخرج سوا !
خليكي بنوته عاقلة يعني استخدمي عقلك في الحاجات اللي زي دي عشان لو استخدمتي قلبك هتتعبي جدًا غير إنك ممكن تكوني بتعصي ربك في اللي انتي بتعمليه او تكوني بتقللي من نفسك او تكوني تقيلة على اللي قدامك فقلبك في الحاجات دي ابعديه استخدمي عقلك وبس ، حرام اني اتعامل مع خطيبي وهكذا فخلاص ربي حرمها يبقى خلاص ...
وهكذا الصداقة سواء في الدراسة او سوشيال او شغل اتعاملي بنفس الأسلوب وهترتاحي كتير اويييييي اصلك لو هتزودي عن الحد فانتي الخسرانه وهتقعدي تفكري طب كدا انا تقيلة طب كدا انا كويسة طب كدا انا بهتم وتفكير ملوش نهاية ، وانتي اللي هتتعبي فعقلك استخدميه في المواقف دي ومن ناحية العواطف فعادي كلنا عندنا مشاعر وبنحس وبنحب وبنهتم لكن في بعض الحاجات لازم عقلك اللي يشتغل عشان لو العواطف اشتغلت هتبقي شخص متاح جدًا بالنسبه للي قدامك وهيفكر إنه الأول والأخير في حياتك وانا اللي خدت قلبها وغيره فساعتها إتأكدي إنك هتخسري طاقتك... 🚶♀
أنت تقرأ
هنصعد سلم الالتزام معا🥺💜🌸
Spirituellesبصوا عاوزين نلتزم بقي؟ اصل الحياة مش لهو ولعب بس عاوزين نعمل صح بقي♥ ولَن يُخيب اﷲ صِدق إلحاحَك ما دُمت مُتيقناً :")) وكمان الجنه جميله اوي مش يلا بقي نفوق ونقرب من الله
