هنصعد سلم الالتزام معا🥺💜🌸

فهمي طفلك

#حكاياتي_مع_مشاريع_حياتي

-إيه الفيديو ده يا ماما👀؟
=إنت شايف إيه يا بلال؟ (8 سنين و9 شهور بالهجري)
-ناس بتمشي🤔
=على إيه؟
-على عَلَم ألون محطوط على الأرض بيدوسوا عليه🙄..
=بيدوسوا عليه وينظفوا فيه حذاءهم.. صح؟
-آه.. إيه ده بقى👀؟
=علم.. زي ما إنت قلت.. عارف يعني إيه عَلَم؟
-العلم إللي هو بتاع الدول كده آه عارفه👍..
=العلم هو علامة وراية بنرفعها عشان تبقى عنوان ورمز وعلامة لحاجة معينة بنعملها أو بنحبها أو عاوزينها أو بنوصفها.. زي مثلا أعلام الدول، بتوصف دي دولة إيه.. وزي مثلا أعلام الجيوش زمان في الجاهلية أو أيام النبي صلى الله عليه وسلم، كان له رايتين لجيش المسلمين واحدة بيضا ثم احيانا راية بيضا ورايتين سودا.. النبي اختار لها اللون الأسود أو اللون الأبيض، عشان يميز ألويته عن بقية ألوية الجيوش التانية وتكون علامة واضحة للمسلمين تقوي من اصطفافهم مع بعض، لإن الراية بيبقى لها دور كبير جدا في الحروب والقيادة للحشود والجيوش وجمع كلمة الناس وصفوفهم الناس..
-......

=إللي في الفيديو ده بقى: علم إيه يا بلال؟
-آه دولة إيه دي بقى يا ماما👀؟
=دي دولة الفاجرين..
-إزاي🤨..؟؟
=العَلم مش شرط يبقى لأراضي دولة معينة فقط أو جيوش، لأ ممكن يبقى علَم لمجموعة من الناس متفرقين في الأرض كلها لكن #مجتمعين على فكرة واحدة عظيمة عندهم.. زي ناس كده بيرفعوا علم الألوان ده وبيقولوا "إحنا أحفاد قوم لوط وده العلم بتاعنا".. قوم لوط إللي عملوا جريمة موصوفة في القرآن بإنها {فاحشة ما سبقكم بها من أحد من العالمين}..

-إزاي يقولوا إحنا أحفاد قوم لوط! معقول😯😯؟
=يعني بيقولوا بأفعالهم ((إحنا بنحب نعمل كذا وكذا)) إللي هي أفعال وجرائم وخبائث قوم لوط، وهنعمل زيهم ومالكوش دعوة بينا، بل هنزود أفعال أكتر وأكتر كمان زيها، وربنا بيقول (لا تفعلوا) وإحنا بنقول (لأ هنفعله)..!
-😳😳...!!
-وإللي يعمل كده يا بلال مش بس بيبقوا كفرة، لأ دول كفرة فجرة.. في القرآن: {أولئك هم الكفرة الفجرة}.. في سورة إيه؟
-عبس👍..
=جميل.. طيب.. نسيبهم يعلموا إللي هما عاوزينه براحتهم؟
-لأ طبعا..
=ليه؟
-عشان ممكن يخلوا الناس التانيين يكفروا..
=مش بس هيخلوهم يكفروا خد بالك.. لكن لإنهم بيعملوا كمان الفواحش والمنكرات الخبيثة دي وبينشروها بين الناس وبيحاربوا أي حد بيحذر من شرهم، إفساد وتسميم شديد للحياة.. إنت عارف أفعال قوم لوط الفاحشة الخبيثة كانت إيه بالظبط؟
-لأ🙄..

=قوم لوط من الأمم إللي ورد في القرآن ذِكر لإهلاكها بعذاب شديد زي ما إنت عارف، قال تعالى: {فلما جاء أمرنا جعلنا عاليَها سافلها وأمطرنا عليها حجارة من سجيل منضود}، بسبب أعمالهم الخبيثة الكتثير جدا، وإلي من ضمنها حاجتين مخالفين للفطرة..
-إيه الفطرة👀؟
=الفطرة ببساطة هي الحالة الأولانية خالص إللي ربنا سبحانه خلق الإنسان عليها (تبسيط مفهومها لبلال طال مننا شوية، فهنشرها في منشور مستقل إن شاء الله)