هنصعد سلم الالتزام معا🥺💜🌸

اليقين بالله💖🌸

صلوا على الحبيب

اليقين بالله عند اغلبيتنا صعب جدا اللي هو ازاي هتيقن بوجود ربَنَا جمبي او احس بوجوده في حياتي او لما بشوف ناس بيحبوه اوي بقول هو انا ليه مش بحبه اوي كدا زيهم ، وليه هما متدينين اوي كدا او لما الاقي دعواتهم مستجابة وانا لا وساعتها بتقولي انا عمري ما هبقى زيهم ابدا 💔

الله هو اللي بيدعمنا...هو اللي دايما بيسندنا وقت احتياجنا..هو القوة في حياة مليئه بالضعف والذل..هو الأمان في فوضى هذة الحياة.... الله *هو القادر*

عارفه امتى اليقين بيبقى صعب؟!..لما خلاص هتروحي تدعي بحاجه نفسك تحصل اوي فعقلك بيقول ربَنَا سامعني فيارب انا واثقه انك هتستجاب وبتقوليها بقى على اساس انه كدا هيستجاب وخلص الموضوع!..لا يا حبيبة قلبي ربك بيطَّلع على قلبك مش على شكلك ولا على كلامك

ياترا بقى قلبك بيقول ايه؟!..هل هو فعلا واثق فى الله ومُتيقن بالله وحده لا غير؟!..

ولا ياترى بقى عمالة تقولي هيستجيب ازاي ولا اصلا هو بيحبني عشان يستجيب لي!! بس اساسا صعب تتحقق احلامي لا وكمان بتقولي مستحيل! 

هو بيحبنا اوي وبينقذنا كتير اوي بس احنا مش بنفكر غير فى الحاجات اللي مستجبش فيها ونقعد نزعل...والله برغم معاصينا بيستجااب وبيقوينا..
لا وكمان بيبقى رحيم بنا وبيسندنا واحنا بنعصيه ومش بنحبه فعلا

هتقوليلي ازاي مش بنحبه يعني!!!...

طيب انتِ بتحبي شخص اوي ولو هتاكلي تراب الارض اللي بيمشي عليه هتاكليه اتفرجي بقى هتعملي ايه عشانه .. رعايه وهتقدميها بكل ما فيكي من طاقه ...وهتديله حب كأن متخلقش غيره...هتتمني لو تشيلي زعله وتحطيه فيكي ..هتعملي عشانه كل حاااجه ..ودا اللي بيحصل💔

ولله المثل الأعلى بيشوفك وانتي بتحبي غيره وبَني ادم زيه زيك وربك هو اللي خلقكم انتم الاتنين اصلا فتقومي مفضلاه عليه ومع ذلك مبيسبكيش على الرغم انك بتغضبيه بس هو بيحبك دايما مهما عملتي ..

ليه بقى مبتعمليش كدا مع ربَنَا ليه مش بتحبيه وتهتمي بالصلاه وتهتمي هو قال ايه وعمل ايه ولا آياته قال فيها ايه ولا الآيه دي نزلت ليه ولا ولا ولا ولا...

ليه مش بتبحثي عن رب الكون عن اللي خلقك عن اللي حط فيكي الروح وخلاكي تتنفسي هتقوليلي بحبه والله هقولك بس الحب افعال عمرك شفتي حب كلام وخلاص!

طب انا بحب ربَنَا ومش بصلي بحبه ومش بستغفر بحبه ومش بحاول اصلا بحبه وبطنش اشاراته بحبه وبقول على بني ادم هو السند بحبه وبقول إن الشخص دا انقذني من كذا بحبه وبقول إن هو الشخص دا الامان دايما ....طب دا حب !

حبيبة قلبي حُبك لربك لازم يكون مختلف.....هو لما بنبني بيت لازم نهتم بالأساس بتاعه صح؟!

طب ماهو حبك لربك هو الأساس عشان اللي هيجي عمره ما هيوقعكك ابدا لأنك معتمده على ربك ويابخت اللي معتمد على ربه.. لا بيقع ولا بينكسر بس احنا بس اللي بنبقى شايفين الأمان في شخص !
مع إن الأمان هو القرب من الله ...وبنبقى شايفين ان الشخص دا بيحبنا اوي وهو الوحيد اللي بيحبنا! مع إن حب ربَنَا لينا يخلينا مُكتفيين لحد مانموت بس احنا اللي مش بنفكر وبيبقى هاممنا نصاحب دي ونحب دا ونتجوز دا ونفكر في دا ولا هعمل بكرا عشان الشخص دا حاجه تفرحه عشان يحبني اكتر !💔

ربك يارفيقتي يستحق انك تفعلي مصاعب الدنيا ومتاعبها من اجل رؤيته من اجل جنته من اجل ان تجعليه يحبك اكتر ويابخت اللي ربنا بيحبه يابخته من كل قلبي♥🌸

طب هتعملي ايه عشان يحبك ويرضى عنك وساعتها هيديكي كل اللي نفسك فيه🌸

_صلي بتدبر انتِ عارفه إن الصلاه أول حاجه هنتسأل عليها وبعد كدا حاولي مرة في اتنين تصلي سنُن يبقي بتعملي لربك ولرسولك ..

_اقرأي قرآن كل مابنبعد عن القرآن كل ما الشيطان بيقرب وكل ما بنقرب هو بيبعد واحنا عايزينه يبعد اكيد يبقى اقرأي كلام ربك واستشعريه وقد ايه كلام ربَنَا جميل ومريح للقلب 🌸

_استغفري هترمي ذنوب من ميزانك عشان ترفعي ميزان حسناتك🌸

_صلي كتير على سيدنا محمد كتير جدا مش يوم جمعه بس هااا لا في أي وقت🌸

_افضلي وانتِ قاعده سبحي ربك وقوليله قد ايه بتحبيه لأنه جواكي سامعك شايفك عالِم بقلبك بأحوالك وصدقيني هيجي يوم وهيفضل ياخد بإيدك زي الأم اللي بتاخد بإيد طفلها وهيشدك للجنه وهيبعد عنك الشيطان..هيحطك في إختبار عشان يشوفك بتحبيه ولا لا وياسلام بقا لو نجحتي دا انتي مكانتك هتزيد اوي وهتبقي قويه في عين نفسك اكتر إنك نجحتي وصدقيني لكل وجع دواء ربَنَا هيبعتهولك وعوض ربَنَا بينسي كل حاجه ولكل حزن فرح وسعاده ولكل ضيقه مَخرج ولكل يأس أمل عزيزتي♥

ادعيييي كتير انه يحبك ويرضي عنك قربي منه هو بس اللي يستحق حبك هو وبسسس وبعد كدا ابقي فكري تحبي حد واصلا هيبعتلك حد يحبك من قلبه عشان انتي اخترتي ربك في الاول فهيجبرك🌸

وكوني على ثقه من إن ربك بيحبك اوي ومش عايز يزعلك انتِ بس قربييي وكل ما اليقين في قلبك هيكبر كل ما حُبك لربك بيزيد وبتعملي المستحيل عشان جنته.. متبعديش عن ربَنَا البُعد عن ربَنَا بيوجع اوي عشان هتبقى تايهه ومش عارفه طريقك ومش بيسيبك لا ..بيدلك على طريقه كل ما بيلاقيكي بتبعدي..انتي بس قربي منه عافرييي افتكري ديما إن رؤية وجه الله وسماع صوته وجنته كفيله انك تعافري عشانها والله كفيله انتي بس متستسلميش ابدا 🥺♥

واعرفي إن صدقت نواياكي صدقت أفعالك🌸